Gn 15:15 - Chuj San Sebastian Bible

¹⁵ Ach tic, 'oj a cham 'a junc'ojlal, yic 'ichm achx winac.

Chuj San Mateo Bible

¹⁵ Palta a ach tic junc'olal ol aj a chami ayic ol ach och icham vinaquil.

Gn 15:15 Referans Kwoze

Job 5:26

Caw wal 'ichm achx winac, ax a chami, 'icha tzyac' 'ixm trigo caw wal c'an yic tzpolxi, 'ixta 'oj aji.

2 Cr 34:28

An 'oj wac' 'el'choc, to junc'ojlal 'oj aj a chami. 'Oj a mucx 'aj mucn eb' a mam echam. Man̈x 'oj el yailal 'oj wa' cot 'a yib'n̈ jun lugar tic yet' 'a yib'n̈ eb' cajn 'a 'a, xchi Dios, xchi 'ix. Xlajw cha, xmeltzj eb' schecb' win rey, 'ix wul yalnc eb' spac tas xit' sc'anb'j cha.

Nm 27:13

Cojn wal tzlajw eln can 'at lu'um, ax a cham 'icha 'ajnc scham o'tac Aarón,

Dn 12:13

Ach xo tic Daniel, caw te'nn̈ej tzotj a b'a, masnto 'a slajb' a q'uinal, atta 'oj elji. Ax 'a yic slajb' c'ul cha, atta 'oj a q'uex wa'an, 'oj a cha spac eco', xchi jun winc chi 'ayin, xchi Daniel.

A Tas Sc'ulejnac Eb' Schecab' Jesús Hechos 13:36

A David cha, ya'jnac servil eb' 'anma 'a jun tiempoal cha, 'icha snib'j Dios. Xlajw xoj cha, xchami, smucxi. Ax sniwnal cha, xc'a'i.

Ec 12:7

A yic 'oj lajwc c'och jab' qui q'uinlec tic, ax qui niwnalec 'oj meltzjoc can pax 'och poccal 'a sat lum tic, 'icha xon yaj 'a yic yaln̈taxi; ax qui pixnec, 'oj meltzjoc can pax 'a Dios, yujto a 'a'jnac 'ayn̈ec.

Job 42:17

Caw wal 'ichm winc xo Job yic xchami.

1 Cr 29:28

Caw 'ichm winc xo sq'uinlani, 'ix cham 'a tzaljc'ojlal, caw rico si'mb'il, niwn pax yel'chi. Ax Salomón, atn yunnal, a x'ochcn reyl sjeloc.

Jueces 2:10

'Ix cham pax smasnil eb' yit israelal jun x'ec' yet' 'a yic jun tiempoal cha. Ax eb' tza'n to 'a eb', caw man̈x yojcoc eb' Jehová, man̈x yojcoc pax eb' tas sb'ojnac yuj eb' schon̈b' cha.

Gn 49:29

Xlajw cha, 'ix yaln Jacob 'a eb' yunnal 'ixtic: Jab'xoj wal tiempo ax in chami, yuj cha, ata tzin e muc yet' eb' in mam wichm 'a q'uen oln q'uen 'a slum can Efrón win hitita,

Nm 20:24

A ticnec b'i'an, jab'xoj wal 'oj cham Aarón tic, man̈x 'oj c'och 'a sat lum lum tzwal wac' 'a eb' eyit israelal tic, yujto ma'ix eyiclj in checnb'il 'ix wal 'ayex, yic 'ayx 'ec' 'a sti a spac'b'a Meriba.

Gn 35:29

Caw 'ichm winc xo winac yic xcham cha. Ax Jacob yet' Esaú ewin yunnal, a eb' xmucni.

Mt 22:32

An ton tic sDiosal in Abraham, sDiosal in Isaac, sDiosal in pax Jacob, xchi. Yuj cha, wach'xam chamnc ewinac, cojtac to man̈ satnc 'el ewin 'a jun 'ejmn̈ej, yujto yaljnac, to sDiosal ewin yaji, xchi Jesús 'a ewinac.

Ec 6:3

Wach'xam 'ay junc winc 'ay junc ciente yunnal, caw niwn pax yab'lil tzyil 'a yolyib'n̈q'uinl tic, palta toto matz yac' pax tzaljoc sc'ojl yet' tas wach', toxn to man̈ wach'c 'oj 'aj smucxi. A tzin na an tic, yel xo wach' yic junc 'e'lti 'unn 'a yib'n̈ jun winc cha.

Salmos 37:37

Tzcham wal cochc q'ueln 'a eb' wach' snab'en, caw wach' 'oj 'el'choc eb', yujto a junc'ojlal tzsayc' eb'.

1 Cr 23:1

A yic caw 'ichm winc xo sq'uinlan David, 'ix ya'n can 'och yopiso yunnal, atn Salomón, xya'n can 'och reyl 'a yib'n̈ chon̈b' Israel.

Gn 50:13

'Ix yij 'at ewin sniwnal win 'a yol yic Canaán, smucn ewin 'a yol q'uen oln q'uen 'a Macpela, atn q'uen manb'il can yuj Abraham 'a win Efrón hitita; a jun cha, x'och scampusanoc ewinac. A jun lum 'aj 'ay q'uen oln q'uen cha, ata 'ay 'a stojlal 'aj tzq'uel c'u 'a lum Mamre.

Gn 49:31

Ata mucb'il can Abraham yet' 'ix yistzil, atn 'ix Sara. Ata mucn can Isaac yet' yistzil, atn 'ix Rebeca. Ata mucn can pax 'ix Lea wu'uj.

Gn 23:19

'Ixta to b'i'an, 'ix smucn Abraham sniwnal yistzil 'a q'uen olb'il q'uen 'ay 'a lum Macpela cha, 'a yojltac 'el yic win Mamre 'a stojlal 'aj tzq'uel c'u, atn pax tzcuch Hebrón, 'a yol yic Canaán.

Gn 23:4

—Toxn̈ej am chuc chon̈b'al waj 'a e cal tic, comnoc tz'el 'a e c'ojl e chon̈n wal jac e lum 'ayin, sec ata tzin muc sniwnal 'ix wistzil, xchi 'a ewinac.

Gn 47:30

A 'a stz'ey eb' in mam wicham, ata tzej 'at in niwnal tic, tzlajw cha, tzin a mucn 'a 'aj mucn eb' cha, xchi Jacob. —'Oj in b'o 'icha tzal chi mamin, xchi José.

Dt 31:16

'Ix yaln Jehová 'a Moisés 'ixtic: Ach tic jab'xoj wal 'oj a chami, ax jun chon̈b'al eb' 'anma tic, 'oj ya'cn 'at sb'a eb' 'a sdiosal jun tzo'n̈ chuc chon̈b'al 'ayc' 'a sat lum lum 'aj 'oj c'och cajn eb' cha. Yuj cha, ax in yactn can eb', ax sjun 'el eb' in trato 'ix in b'o yet'oc.

Salmos 49:19

palta a yic 'oj c'och sc'ul scham eb', 'oj chamn̈j eb' 'icha 'ajn̈c scham eb' smam yichm eb'. Man̈x 'a b'a'n̈ 'oj yilx eb' sacq'uinl jun 'ejm xo.

Job 41:32

A a mar 'aj tz'ec' no cha, sacpolnac tz'ajcn a 'a spatquil no', lajn yilx 'icha sac lana.