Gn 15:14 - Chuj San Sebastian Bible

¹⁴ Palta an 'oj wac' yailal 'a yib'n̈ jun chon̈b' 'aj 'oj 'och eb' mosoal cha. 'Oj lajwc cha, ax yajx 'elt eb' en̈tl cha, 'oj yic' cot eb' sricoal jun chon̈b' cha.

Chuj San Mateo Bible

¹⁴ Palta a in ol vac'och yaelal d'a yib'an̈ jun chon̈ab' b'aj ayoch eb' checab'oc chi'. Slajvi chi', ol elta eb' yed' jantac sb'eyumal.

Gn 15:14 Referans Kwoze

A Ch'an̈ B'ab'el Libro Samuel 12:8

A yic xc'och Jacob yet' eb' yunnal 'a Egipto, caw x'ixtx eb' yuj eb' 'aj lugar cha, yuj cha, xyaln sb'a eb' 'a Jehová. Ax Jehová schecn 'at Moisés yet' Aarón, ax eb' x'i'n 'elt eb' qui mam quichmec chi 'a Egipto, ax 'a tic xjaw cajn eb' yu'uj.

Salmos 135:14

'Oj a b'oyaj eb' a chon̈b' tic, ax yo'ch pax a c'ojl 'a eb' a checab'.

Josué 24:17

Yujto a Jehová qui Diosalec, a 'on̈ 'i'nec 'elt yet' eb' qui mam quichmec 'a Egipto, 'a 'aj on̈ 'e'c mosoal. A b'ojnac jun tzo'n̈ tas caw satjub'tac yilx quiljnaquec. A 'on̈ tan̈wniec 'a yol jun tzo'n̈ b'e 'aj xlaj on̈ b'eyec, yet' 'a yic on̈ 'e'tec 'a scal jun tzo'n̈ xo chon̈ab'.

Dt 6:22

An̈ tic on̈, 'ix quil wal jun tzo'n̈ niwc milagro caw satjub'tac yilxi, 'ix sch'ox Jehová yil win rey cha, yet' pax 'a smasnil eb' yit chon̈b' winac.

Dt 4:20

Palta an̈ec tic, a Jehová on̈ 'i'nec 'elt 'a jun lugar 'icha jorna 'aj tz'ulb'x q'uen q'ue'en. A jun cha, atn Egipto. On̈ yijec 'elta sec tzon̈ 'och schon̈b'oc, 'icha ton cajc ticnec.

Salmos 135:9

A wal 'a yol chon̈b' Egipto, ata 'ix sch'ox 'ilxoc spoder to satjub'tac yilxi, yic xya'n 'och syailal win sreyl Egipto chi yet' smasnil eb' 'aych yajlil yet'oc.

Salmos 51:4

Caw 'ix 'och wal in mul 'ayach, 'ix in b'o tas tu 'a a sat. Yuj cha, smoj wal in a b'eyc'ojlani, matz tac' yalx tu paxti 'aych yuj jun a b'eyc'ojlal cha.

Ex 3:10

Yuj cha, 'ixc ticnec, ach tzach wa'ch 'a sat paxtinc 'a win sreyl Egipto cha, ach 'oj a paxtin 'a winac, ax e'n 'elt eb' in chon̈b' chi 'a jun lugar cha, xchi Dios.

Salmos 105:42

yujto sna cot sti yaljnac can 'a jun schecab', atn Abraham.

Gn 48:21

Xlajw cha, xyaln pax 'a José 'ixtic: —Ach wunnal, an tic jab'xoj wal 'oj in chami; palta a Dios 'aychn̈ej cab' eyet'oc, a 'oj eyi'n meltzjoc pax 'a slum eb' qui mam quichmec.

Gn 50:24

'Ay jun c'u, 'ix yal José 'ixtc 'a eb' yu'tac: Jab'xoj wal tiempo ax in chami, palta a Dios 'oj jawc colwjoc eyet'oc. A 'oj eyi'n 'el 'a jun chon̈b' tic, ax ex yi'n 'at 'a lum lum 'ix yaltj can 'a Abraham, 'a Isaac, yet' 'a Jacob, xchi José cha.

Ex 12:29

Ax 'a yic chim'ac'wal, 'ix 'ec' smilnc cham Jehová eb' sb'ab'l 'unnal eb' 'aj Egipto 'a junjn n̈ail. 'Ixta 'ix 'aj scham win sb'ab'l 'unnal win rey, win to jab'xoj yochx can sjelc win 'a sdespacho; xcham pax eb' sb'ab'l 'unnal ewin 'aych 'a preso yet' pax sb'ab'l 'une e no noc'.

A Tas Sc'ulejnac Eb' Schecab' Jesús Hechos 7:7

Palta an 'oj wac' yailal 'a yib'n̈ eb' chuc chon̈b'al chi 'aj 'oj 'och eb' mosoal cha. 'Oj lajwc cha, ax yelt eb' en̈tl chi 'a jun lugar cha. Ax in ya'n servil eb' 'a jun lugar tic, xchi Dios.