Gn 14:5 - Chuj San Sebastian Bible

⁵ Ax 'a yic junx ab'il cha, a Quedorlaomer yet' eb' 'oxwn̈ rey 'aych yet'oc, 'ix jaw eb' 'a yol yic Astarot Karnaim. Ata 'ix 'ajx ganar ewin refaíta yuj eb'. 'Ix 'ajx ganar pax ewin zuzita yuj eb' 'a yol yic Ham, ax ewin emita 'ix 'a'n ganar eb' 'a Save-quiriataim.

Chuj San Mateo Bible

⁵ Yuj chi' d'a junxo ab'il ix b'at vin̈ rey chi' yed' oxvan̈xo eb' vin̈ rey ayoch yed'oc d'a yol yic Astarot Karnaim. Ata' ix ac'ji ganar eb' refaíta yuj eb' vin̈. Ix ac'jipax ganar eb' zuzita yuj eb' vin̈ d'a yol yic Ham. Ix ac'jipax ganar eb' vin̈ emita yuj eb' vin̈ d'a yol yic Save-quiriataim.

Gn 14:5 Referans Kwoze

Dt 3:11

(Cojxn win Og chi yin̈tl eb' 'anma niwc stel 'aycn 'a jun lugar cha. A scaxail b'ob'il, q'uenn̈ej smasnil, chan̈e metro yoc, jab'xoj man̈toc chab' metro sat, checl to yaj jun chi 'a chon̈b' Rabá 'a yol slugar eb' amonita.)

Dt 1:4

A yic mantzac yal Moisés jun tzo'n̈ tic, 'emnc xo win Sehón sreyl eb' amorreo yuj eb' israel. Ata cajn win 'a chon̈b' Hesbón. 'Ix 'em pax win Og sreyl Basán yuj eb'. Ata cajn win 'a Astarot yet' 'a Edrei.

Dt 3:22

Man̈ ach xiwoc, yujto a Jehová qui Diosalec, a 'oj 'a'noc owl cujec, xin chi 'a 'a.

Jeremías 48:23

Quiriataim, Bet-gamul, Bet-meón,

Jeremías 48:1

A Jehová tztac' yuj smasnil, atn sDiosal Israel, a 'ix aln 'ixtc 'a yib'n̈ chon̈b' Moab: ¡'Oltac wal chon̈b' Nebo, caw 'ix lan̈chj 'ejmi! An̈jtona pax chon̈b' Quiriataim, tox 'ix 'ajx ganar, caw 'ix 'ijx 'ejmi. Tox 'ix ma'x 'ejm lan̈chjoc smuroal 'a sat lu'um.

Is 17:5

A schon̈b' eb' israel cha, lajn 'oj 'ajcn 'icha 'aj tzpolx 'ixm trigo yuj eb' munljum 'a lum pan̈n Refaim, 'icha tzyutj eb' si'n 'ixm schon tzlaj 'elcn 'a scal, 'ixta 'oj 'aj eb'.

Salmos 106:22

Caw wal satjub'tac yilx tas xa b'o 'a lum slum eb' yin̈tl Cam, caw wal yel xo 'ay smay tas xa b'o 'a yol a Chac Mar.

Salmos 105:27

'Ix ya'n sjelnal eb', sec tzch'ox eb' milagro yil eb' 'anma cajn 'a lum slum eb' yin̈tl Cam.

Salmos 105:23

Tza'nxoj xc'och win Israel atn Jacob, 'ix c'och 'a Egipto cha, axta xcan cajn 'a lum slum eb' yin̈tl Cam.

Salmos 78:51

'Ix smiln cham eb' b'ab'l 'unin, c'uxn xcham sb'ab'l 'unnal junjn n̈al eb' 'aj Egipto cha.

1 Cr 14:9

'Ix jaw eb' 'ajc'ojl chi yixtc eb' 'anma 'a lum pan̈n 'a'lic 'a yol yic Refaim.

1 Cr 11:15

A 'a yic jun 'el, a 'oxwn̈ eb' soldado 'a scal eb' 30 yit jelnal sb'a, 'ix b'ey't eb' 'a sat q'ue'en, yic tz'at schanoc eb' David 'a q'uen n̈aq'uen tzcuch Adulam. Ax scamplamento eb' filisteo cha, ata 'ay 'a jun pan̈n 'a'lic 'a yol yic Refaim.

1 Cr 4:40

Ata x'ilchj te c'ultc caw yax yuj eb', caw wach' te', til wal pax te'. Caw lewn sat jun lum cha. Junc'ojlal xoj yaj eb', may tas tz'i'n eb'. Ata 'e'nc cajn eb' yin̈tl Cam 'a yaln̈taxi.

A Ch'an̈ Schab'l Libro Samuel 23:13

A 'a yic jun 'el, stiempoal smolx sat 'awb'en, ax 'a ewin 'oxwn̈ sat yaj 'a scal eb' lajn̈schawinc soldado caw jelan, 'ix 'at eb' 'a 'aj 'ayc' David, 'a q'uen n̈aq'uen 'a yol yic Adulam. Ax eb' filisteo, ata 'ay scamplamento eb' 'a lum pan̈n 'a'lic yic Refaim.

A Ch'an̈ Schab'l Libro Samuel 5:22

Palta xmeltzj pax eb' filisteo jun 'ejm xo, 'ix c'ochx eb' 'a span̈nil Refaim.

A Ch'an̈ Schab'l Libro Samuel 5:18

'Ix jaw eb' filisteo 'a span̈nil Refaim, axta sb'o eb' scamplamento.

Josué 13:31

'Ix yij eb' spacl xo lum Galaad, lum Astarot yet' pax lum Edrei, atn schon̈b' win Og sreyl Basán. A smasnil jun tzo'n̈ lum tic, xyique'ej eb' yin̈tl win Maquir yunnal Manasés, a tzyal jayc'aj eb' 'a smacl cha.

Josué 13:12

Xyique'ej pax eb' lum 'aj tzyac' win Og yajlil 'a Basán, win ya'jnac yajlil 'a Astarot yet' 'a Edrei. Cojxn win tic cann̈c can 'a scal eb' yin̈tl Refa. 'Emnc chawn̈ eb' rey tic yet' eb' 'anma 'a yol schon̈b' yuj Moisés 'a owal.

Josué 12:4

Ax win schab'l cha, atn win Og, win sreyl Basán, cojxn jun winc chi cann̈c can 'a scal eb' yin̈tl Refa, ata 'e'nc cajn win 'a Astarot yet' 'a chon̈b' Edrei.

Dt 3:20

Colwjan̈c yet' eb' quit israelal tic, masnto 'oj yi'cn eb' slum tzyac' Jehová, atn lum 'ay 'a stojlal 'aj tz'em c'u 'a sc'axpil 'ec' a Jordán. At yic 'oj ya'nc Jehová junc'ojlal 'a eb', 'icha 'ix yutj ya'n 'ayx ax tic, 'ixta to b'i'an, tzex meltzj paxt 'a lum eyic 'ix wa'cn tic, xin chi 'a eb'.

Gn 14:4

A eb' rey tic, lajchwe xo ab'il 'aych eb' 'a yaln̈ sley win rey Quedorlaomer cha. Palta ax 'a yoxlajn̈il ab'il 'ix snan eb', to tzyij 'el sb'a eb' 'a yaln̈ sley winac.

Nm 32:37

A eb' yin̈tl Rubén, a eb' xb'on pax chan̈ chon̈b' Hesbón, Eleale, Quiriataim, Nebo, Baal-meón, yet' Sibma. 'Ix sjeln eb' sb'i jun tzo'n̈ chon̈b' chi xlaj sb'ox chan̈ cha.

Dt 3:13

Ax jab'x lum Galaad cha, smasnil lum Basán, 'a 'aj ya'jnac win Og yajlil, yet' smasnil lum Argob, checl yaj 'a sat eb' 'anma', to yic eb' niwc stel lu'um. A lum chi xwac' 'a spacl eb' yin̈tl Manasés.

Josué 9:10

'Ix cab' speclal tas x'aj chawn̈ eb' sreyl eb' amorreo yu'uj, eb' cajn 'a sc'axpil 'ec' sti a Jordán, atn win Sihón sreyl Hesbón yet' win Og sreyl Basán, cajn 'a chon̈b' Astarot.