Gn 14:11 - Chuj San Sebastian Bible

¹¹ A eb' chan̈wn̈ rey 'ix 'a'n ganar owl cha, 'ix 'at yi'nc cot eb' smasnil tas tzc'uxxi, yet' smasnil tas caw chan̈ stojl 'a Sodoma yet' 'a Gomorra, xlajw cha, 'ix 'at eb'.

Chuj San Mateo Bible

¹¹ A chan̈van̈ eb' vin̈ rey ix ac'an ganar chi', ix b'at eb' vin̈ yiq'uelta masanil tas svaji yed' masanil tas te ay stojol d'a Sodoma yed' d'a Gomorra chi', ix b'at eb' vin̈ b'ian.

Gn 14:11 Referans Kwoze

Gn 14:21

Ax win sreyl Sodoma cha, 'ix yaln win 'a Abram 'ixtic: —Cojn eb' 'anma tzac' meltzjoc 'ayin, ax smasnil tastac, tzcan 'ayach, xchi 'a Abram.

Gn 14:16

'Ix yi'n 'ec' Abram smasnil tas yet' eb'. 'Ixta 'ix yutj scoln can 'el Lot yet' smasnil tastc 'ay 'a 'a. 'Ix colchj can pax eb' 'ix 'ix, yet' jun tzo'n̈ xo eb' 'aj Sodoma 'ix 'ijx 'at cha.

Dt 28:51

'Oj schi eb' yune smasnil e cajb'en noc', ax sc'uxn eb' sb'al sat e lu'um, masnto 'oj e lajw 'el yuj eb'. Man̈x 'a e trigo 'oj yactc can eb', e yal uva, yet' eyaceite. Man̈x 'a pax e cotc wacax, e cotc calnelu mto e chiwo 'oj can yuj eb'. Yuj cha, 'oj e cham yuj wejel.

Dt 28:35

'Oj yac' wal Jehová eyab' syal yuj yaxc'a yab'il 'oj q'ue 'a sjolm e penec, 'a e xub', yet' 'a smasnil e niwnal, may xon junc mach 'oj stac' ex yan̈tni.

Dt 28:31

Caw q'ueln ex wal 'ochi, ax smiln eb' 'ajc'ojl chi e wacax, palta ma'oj e chi jac schib'jal no cha. 'Oj 'ijxoc 'ec' e b'uru, palta man̈x 'oj 'ajxoc meltzjoc no'. 'Oj smacb't eb' e calnelu, palta man̈x 'a mach 'oj stac' scoln 'el e no eyet'oc.

Gn 14:10

A 'a smasnil lum niwn pan̈n yic Sidim, til wal 'aj tzpac' q'uet jun asfalto lajn 'icha tzataj. Yuj cha, a yic x'at win sreyl Sodoma yet' win yic Gomorra 'eloc, 'ay eb' soldado eb' x'atcn 'a scal asfalto cha, ax jun tzo'n̈ xo eb', x'at eb' 'elc 'a jolmctac witz.

Gn 14:12

Ax pax Lot, yunnal yu'tac Abram, ata cajn 'a Sodoma, an̈jtona 'ix 'ijx 'at 'icha presoal yuj ewinac, yet' smasnil tastc 'ay 'a 'a.