Gn 14:10 - Chuj San Sebastian Bible

¹⁰ A 'a smasnil lum niwn pan̈n yic Sidim, til wal 'aj tzpac' q'uet jun asfalto lajn 'icha tzataj. Yuj cha, a yic x'at win sreyl Sodoma yet' win yic Gomorra 'eloc, 'ay eb' soldado eb' x'atcn 'a scal asfalto cha, ax jun tzo'n̈ xo eb', x'at eb' 'elc 'a jolmctac witz.

Chuj San Mateo Bible

¹⁰ A d'a yac'lical Sidim chi', tzijtum b'ajtac sq'ueta jun asfalto te tzayayi. Yuj chi' ayic ix b'at vin̈ sreyal Sodoma yed' vin̈ yic Gomorra elelal, ay eb' soldado eb' ix b'atcan d'a scal asfalto chi', ay juntzan̈xo eb' ix b'atcan elelal d'a jolomtac vitz.

Gn 14:10 Referans Kwoze

Gn 19:17

Ax yic tox 'ix 'el eb' 'a sti 'el chon̈b' cha, 'ix yaln jun ángel 'a eb' 'ixtic: —¡Yelc'ojlal tzex 'ati, colc e b'a! Man̈ ex cot q'ueln 'a e patic, man̈ ex 'och wan xon jac 'a jun 'a'lic tic, 'ixquec 'a jolmctac witz, toto matz yal e c'ojl tzex satli, xchi 'a eb'.

Gn 19:30

Xlajw cha, ax Lot xiw yaj cajn 'a chon̈b' Zoar, yuj cha, 'ix 'atcn 'a lum jolmctac witz yet' eb' 'ix yisl chi schawn̈il. 'Ix 'ec' cajn eb' 'a yoltc n̈aq'ue'en.

Jeremías 48:44

A eb' 'oj 'at 'elc 'a eb' tzpechn b'eyc'oc cha, 'oj 'atcn eb' 'a yol junc xab'. A mach 'oj yac' ganar sq'uet 'a yol junc xab' cha, 'oj cancn 'a junc ch'an̈ ya'al, yujto an Jehová in, an 'oj wa' cot yailal nab'il wuj 'a yib'n̈ Moab.

Is 24:18

A mach tzyac' ganar yelcn 'a yol sc'ab' eb' tzpechn b'eyc'oc, ax 'a yol junc xab' tz'atcni. Toto tzyac' ganar sq'uepaxt 'a yol junc xab' cha, ax 'a junc ch'an̈ yal 'aj tzcanxi. 'Oj cot junc niwquil owl yaxn̈ab' 'a satcha'an̈, caw 'oj 'ib'xoc stzatzl yich lum lum tic yu'uj.

Gn 11:3

'Ay jun c'ual, 'ix yal eb' 'ixtic: Qui b'oc lum ladrillo, tzlajw cha, tzqui mucnec 'elta, xchi eb'. Atn chi sc'anlb'ej eb', yujto may q'uen q'uen ta', ax jun asfalto 'icha tzataj, a 'ix ya'ch eb' spixloc.

Salmos 83:10

Ata 'ix chamcn eb' 'a Endor, 'ix 'ochcn eb' syaxilc sat lum lu'um.

Josué 8:24

Xlajw schamcn smasnil eb' 'aj Hai cha, atn eb' xpechn eb' israel cha, 'ix meltzj pax eb' israel 'a chon̈b' Hai. 'Ix swach' miln eb' smasnil eb' 'anma xcan 'a yol chon̈b' cha.

Gn 14:3

A own̈ eb' rey tic, 'ix smol alj eb', xya'n eb' syam sb'a eb' soldado 'a span̈nil lum Sidim, 'a 'aj 'ay a Mar Muerto.

Gn 14:11

A eb' chan̈wn̈ rey 'ix 'a'n ganar owl cha, 'ix 'at yi'nc cot eb' smasnil tas tzc'uxxi, yet' smasnil tas caw chan̈ stojl 'a Sodoma yet' 'a Gomorra, xlajw cha, 'ix 'at eb'.

Gn 14:17

A yic tox 'ix 'ajx ganar win rey Quedorlaomer yuj eb' rey 'aych yet' win Abram, 'ix meltzj Abram yet' eb' xcolchj 'el yuj cha. 'Ix 'elt win sreyl Sodoma scha Abram 'a jun niwquil pan̈n Save sb'i. A jun pan̈n cha, yicn̈ej eb' rey yaji.

Gn 14:21

Ax win sreyl Sodoma cha, 'ix yaln win 'a Abram 'ixtic: —Cojn eb' 'anma tzac' meltzjoc 'ayin, ax smasnil tastac, tzcan 'ayach, xchi 'a Abram.