Gn 13:16 - Chuj San Sebastian Bible

¹⁶ 'Icha wal spoccal lum lu'um, may mach tztac' sb'isni, 'ixta 'oj 'aj en̈til.

Chuj San Mateo Bible

¹⁶ Icha val spococal lum luum, malaj mach syal sb'isani, icha chi' ol aj in̈tilal.

Gn 13:16 Referans Kwoze

Nm 23:10

Lajn eb' 'icha wal lum pococ, ¿may junc mach tztac' sb'isn eb'? ¡Comnoc wal tzin cham 'a junc'ojlal 'icha jun tzo'n̈ 'anma wach' snab'en cha! xchi win Balaam 'a sat eb' 'ayc' 'a stz'ey cha.

Gn 28:14

A eb' en̈tl cha, caw niwn 'oj 'aj eb' 'icha spoccal lum lu'um, ax spuccn 'at eb' 'a stojlal norte yet' 'a stojlal sur. 'Ay pax eb' 'oj 'atcn 'a stojlal 'aj tzq'uel c'u yet' 'a stojlal 'aj tz'em c'u, ax smasnil eb' 'anma 'a yolyib'n̈q'uinl tic, 'oj scha eb' yaxilal 'a a patctacl ach tic, yet' a eb' en̈tl b'aq'uin̈.

Gn 32:12

Caw wal wach' xotj alni, to 'aych 'ochn̈ej wet'oc, ax in a tan̈wni, 'ix aln paxi chajtlto til wal 'oj 'aj sb'isl win̈til, 'icha wal yarenail sti a mar, to matz tac' sb'ischji, xchi winac.

A Ch'an̈ B'ab'el Libro Yic Yab'ixal Eb' Rey 3:8

Palta 'ayn xo 'och yilmalc a chon̈b' 'ix a si'cn 'el tic. A jun chon̈b' tic caw wal niwquil, man̈xtzac stac' sb'ischj eb' 'anma tic, til wal sb'isl eb'.

Ex 32:13

Comnoc tza na cot tas aljnac can yet' eb' a checb' 'a pecti', atn Abraham, Isaac yet' Israel. A 'a eb' aljnac can 'ixtic: 'Oj wac' q'uib' sb'isl eb' eyin̈tl b'aq'uin̈, lajn wal 'oj 'aj sb'isl eb' 'icha c'anal 'a satcha'an̈. A smasnil lum lum tic, 'ix wac' in ti wa'n 'a eb' eyin̈til, yic eb' tz'aj lum 'a smasnil tiempo, 'in xa chi, xchi Moisés cha.

Gn 22:17

to tzwalcn 'el in wach' paxti 'a eb'an̈. 'Oj wic' wal chan̈ sb'isl en̈til. 'Icha wal sb'isl c'anal 'a satcha'an̈, 'icha pax yarenail sti a mar, 'ixta 'oj 'aj eb'. Ax ya'n pax ganar eb' 'a eb' 'ajc'ojl yajch 'a 'a.

Gn 15:5

'Ix yi'n 'el Abram 'a b'esan, 'ix yaln 'a 'ixtic: —'Ilt wal yilx q'ue satcha'an̈, b'is nab'n jun tzo'n̈ c'anal cha, toto tzb'ischj eb' o'oj. 'Ixta 'oj 'aj sb'isl en̈til, xchi Dios.

Apoc 7:9

Xlajw cha, xwilni. Caw niwn 'anma 'ayc' 'a yojltac jun despacho cha, yet' 'a yojltac jun tzcuch Calnelu. A eb' cha, 'ay eb' 'a junjn nacion̈, 'a junjn 'in̈tal, 'a junjn ti'al, yet' 'a junjn chon̈b'al. Man̈x yalnb'ilc jantc sb'isl eb'. Caw sac spichl junjn eb'. Yamb'il xil te q'uib' yuj junjn eb'.

Jeremías 33:22

A eb' yin̈tl in checb' David, yet' jun tzo'n̈ eb' yin̈tl Leví 'aych ya'malc 'och sti eb' 'anma 'ayin, caw 'oj wac' niwtjoc sb'isl eb' 'icha wal c'anal 'ay 'a satcha'an̈, mto 'icha wal yarenail sti a mar, may junc mach tztac' sb'isni, xchi.

1 Cr 27:23

A David ma'ix yij chan̈ sb'isl eb' to 'ayt stz'acw 'a sjunc'lil ab'il sq'uinal, yujto tox 'ix yac' Jehová sti', to 'oj q'uib' sb'isl eb' israel 'icha sb'isl c'anal 'a satcha'an̈.

1 Cr 21:5

'Ix ya'n jantc sb'isl smasnil eb' soldado chi 'a David. Ax 'a yol smacb'en eb' israel cha, 'ay jun miyon̈ yet' jun ciente mil soldado, eb' to caw stiempoal s'at 'a owal. A 'a scal eb' 'ay 470 mil eb' 'aj Judá.

A Ch'an̈ B'ab'el Libro Yic Yab'ixal Eb' Rey 4:20

A eb' 'aj Judá yet' eb' israel, man̈x jantcoc sb'isl eb', lajn eb' 'icha yarenail sti a mar. Til wal tas tzc'uxxi yet' tas tz'u'xi, caw wal 'ay tzaljc'ojlal ta'.

Jueces 6:5

Yujto yet' eb' smantiado tzc'och eb', yet' eb' swacax, man̈x yalnb'ilc scameyo eb' yet'i. Man̈xtzac b'ischj eb' yet' scajb'en noc', 'icha wal sb'ey tob'tnoc no c'ulub', 'ixta sb'ey eb' yic xc'och eb' 'at satl sb'al lum lum cha.

Jueces 6:3

A yic tzyawn eb' israel yawb'en 'a 'aj 'ayc' cha, ax eb' madianita yet' eb' amalecita, yet' pax jun tzo'n̈ xo eb' cajn 'ec' 'a stojlal 'aj tzq'uel c'u, tz'at eb' 'at yac' owl yet' eb'.

Dt 1:10

Yujto til wal cunnal tzyac' Jehová qui Diosalec, ax ticnec, caw tzniwtj jun qui chon̈b'ec tic cujec, til wal tz'aj qui b'islec 'icha c'anal 'ay 'a satcha'an̈.

Ex 1:7

Palta til wal yunnal eb' x'alj cani. Yuj cha, 'ix niwtj sb'isl eb' israel cha, yel xo wal 'ay smay eb', 'ix b'ut'j 'el smasnil yol yic Egipto chi yuj eb'.

Gn 46:3

Xyaln Dios 'a 'ixtic: —An ton tic a Diosal in, sDiosal in pax a mam, man̈ ach xiw a 'at 'a Egipto, yujto ata 'oj wa'ch eb' en̈tl niwc chon̈b'al.

Gn 35:11

xyaln 'a 'ixtic: An ton Dios in, tztac' wuj smasnil, til wal 'oj 'ajl onnal, til wal pax 'oj 'aj en̈til. A 'aych 'oj pitzwc 'elt jun niwquil nacion̈, axta 'oj 'elx jun tzo'n̈ xo nacion̈, a 'a scal en̈tl cha, ata 'oj 'eltoc eb' rey.

Gn 28:3

Ax Dios tztac' yuj smasnil, a 'oj yac' syaxilal 'a eb'an̈, til wal 'oj 'aj 'el'ch sb'isl en̈til. A 'a scal eb', ata niwn nacion̈ 'oj 'eltoc.

Gn 26:4

Caw 'oj wac' niwtjoc sb'isl eb' en̈tl 'icha c'anal 'a satcha'an̈, ax wa'n jun lum tic 'ayach. An̈jtona', yujn̈ej eb' en̈tl cha, ax schan smasnil nacion̈ in yaxilal.

Gn 21:13

Ax pax win yune 'ix a'mal servil tic, an 'oj in b'o jun niwquil chon̈b' 'a yin̈til, yujto onnal winac, xchi.

Gn 18:18

yujto a 'oj 'och smamc jun niwquil chon̈b' to caw 'ay yip. Tox 'ix wac' in ti 'a 'a; to yu'uj ax schan smasnil chon̈b' 'a yolyib'n̈q'uinl tic in yaxilal.

Gn 17:20

Ax pax Ismael, tox 'ix wab' tas tzal yu'uj. 'Oj wac' 'in yaxil 'a yib'n̈ winac, yuj cha, niwn 'oj 'aj yunnal, 'oj niwtjoc chan̈ sb'isl yin̈til. A 'a scal yin̈tl win cha, ata 'oj 'eltoc lajchwan̈oc eb' niwc yajal. A yin̈tl cha, niwc nacion̈ 'oj 'aj 'el'chi.

Gn 17:16

'Oj wac' yaxilal 'a yib'n̈ 'ix, 'oj 'aljoc junc onnal yet' 'ix, niwn nacion̈ 'aj 'oj 'och 'ix nunb'ilal. Caw niwn eb' sreyl chon̈b' 'oj 'eltoc 'a scal yin̈tl 'ix, xchi Dios.

Gn 17:6

Niwn 'oj 'ajl en̈tl wu'uj, 'oj 'och eb' nacion̈al. A 'a scal en̈tl cha, ata 'oj 'eltoc eb' rey.

A Ch'an̈ Carta D'a Eb' Hebreo 11:12

Yuj cha, wach'xam caw 'ichm xo Abraham chi si'mb'il, palta til wal x'aj eb' yin̈tl spitzw 'eli. Lajn x'aj sb'isl eb' 'icha jun tzo'n̈ c'anal tzquilc 'a satcha'an̈. Lajn pax eb' 'icha sb'isl jun tzo'n̈ arena 'ay 'a sti a mar, yujto man̈xtzac b'ischji.

Gn 16:10

'Ix yaln pax jun yángel Jehová chi 'a 'ix 'ixtic: 'Oj wac' niwtjoc sb'isl en̈til, may mach 'oj stac' sb'isni.

Gn 17:2

'Oj wac' jun in trato et'oc, to niwn en̈tl 'oj 'eloc, xchi 'a 'a.

A Ch'an̈ Schab'il Libro Yic Yab'ixal Eb' Rey 13:23

Palta ax Jehová caw 'ix 'o'ch sc'ojl yiln 'och eb', yujn̈ej to 'ay strato yet' Abraham, Isaac, yet' Jacob, ma'ix yal sc'ojl xlajw 'ejm eb'. Ma'ix yal sc'ojl to tzsatl eb' 'a yojltac, 'ayc'n̈ej cab' eb' masnto ticnec.

2 Cr 1:9

A ticnec ach Jehová in Diosal, 'el'ch cab' tas 'ix al 'a in mam, yujto ach in a'ch reyl 'a yib'n̈ jun chon̈b' to lajn sb'isl 'icha spococal lum lu'um.

Gn 32:13

A 'a yic jun 'ac'wl cha, xcancn Jacob wayc 'a 'aj 'ayc' cha. Ax yic sacb'i, 'a 'a scal smasnil tas 'ay 'a yol sc'ab', 'ix si'lni tas tzsiyj 'a Esaú:

Job 5:25

Caw 'oj niwtjoc sb'isl en̈tl b'aq'uin̈, til wal 'oj 'aj eb' 'icha te c'ultc tzpac' 'a sat lu'um.