Gn 12:2 - Chuj San Sebastian Bible

² A en̈til, a 'oj 'och niwc chon̈b'al wu'uj. 'Oj in ch'ox in wach'c'ojlal 'ayach. Yel xo wal 'oj a b'inaxi, o'oj ax schan eb' 'anma yaxilal.

Chuj San Mateo Bible

² A in̈tilal ol och nivac nacional vuuj, ol in ch'oxan in vach'c'olal d'ayach. Yelxo val nivan ol aj a b'inaji, uuj ol scha vach'c'olal masanil eb' anima.

Gn 12:2 Referans Kwoze

A Ch'an̈ Schab'l Libro Samuel 7:9

Tzann̈j 'ajtil ach 'eq'ui, caw 'aynn̈ej 'och et'oc, in satjnac 'el smasnil eb' 'ajc'ojl yajch 'ayach, xwi'n q'ue'ch a b'inab'ilal, 'icha sb'inax eb' niwc winc 'a yolyib'n̈q'uinl tic.

Gl 3:14

'Ixta x'aj Cristo Jesús, sec yu'uj, ax ya'n Dios syaxilal 'ayx man̈ ex israeloc, 'icha yutjnac ya'n 'a Abraham pecti'. An̈jtona', yuj Cristo chab'il Yespíritu Dios cujec qui masnil, 'icha yutjnac ya'n can sti'.

Gn 18:18

yujto a 'oj 'och smamc jun niwquil chon̈b' to caw 'ay yip. Tox 'ix wac' in ti 'a 'a; to yu'uj ax schan smasnil chon̈b' 'a yolyib'n̈q'uinl tic in yaxilal.

Gn 35:11

xyaln 'a 'ixtic: An ton Dios in, tztac' wuj smasnil, til wal 'oj 'ajl onnal, til wal pax 'oj 'aj en̈til. A 'aych 'oj pitzwc 'elt jun niwquil nacion̈, axta 'oj 'elx jun tzo'n̈ xo nacion̈, a 'a scal en̈tl cha, ata 'oj 'eltoc eb' rey.

Gn 46:3

Xyaln Dios 'a 'ixtic: —An ton tic a Diosal in, sDiosal in pax a mam, man̈ ach xiw a 'at 'a Egipto, yujto ata 'oj wa'ch eb' en̈tl niwc chon̈b'al.

Gn 26:4

Caw 'oj wac' niwtjoc sb'isl eb' en̈tl 'icha c'anal 'a satcha'an̈, ax wa'n jun lum tic 'ayach. An̈jtona', yujn̈ej eb' en̈tl cha, ax schan smasnil nacion̈ in yaxilal.

Gn 24:35

'Ix sch'ox Jehová swach'c'ojlal 'a yib'n̈ win in patron̈ cha, caw wal rico win si'mb'il. 'Ay scalnelu, 'ay swacax, 'ay scameyo, 'ay sb'uru, caw 'ay q'uen oro yet' plata 'a 'a, 'ay pax ewin schecab', yet' eb' 'ix schecab'.

Gl 3:7

Yuj cha, nachj cab' 'el eyu'uj, a mach tzya'ch sc'ojl 'a Dios, atn eb' caw yel yin̈tl can Abraham cha.

Ex 1:7

Palta til wal yunnal eb' x'alj cani. Yuj cha, 'ix niwtj sb'isl eb' israel cha, yel xo wal 'ay smay eb', 'ix b'ut'j 'el smasnil yol yic Egipto chi yuj eb'.

Gn 13:16

'Icha wal spoccal lum lu'um, may mach tztac' sb'isni, 'ixta 'oj 'aj en̈til.

Gn 15:5

'Ix yi'n 'el Abram 'a b'esan, 'ix yaln 'a 'ixtic: —'Ilt wal yilx q'ue satcha'an̈, b'is nab'n jun tzo'n̈ c'anal cha, toto tzb'ischj eb' o'oj. 'Ixta 'oj 'aj sb'isl en̈til, xchi Dios.

Dt 26:5

Tzlajw cha, tzeyaln jun tzo'n̈ xo paxti tic 'ixtc 'a sat Jehová qui Diosalec: A eb' qui mam quichmec, arameo eb', jaywn̈ej wal sb'ey eb'; ton̈j 'e'lb'a yec' eb', 'ijn xcham eb' yuj wejel; yuj cha, x'atcn eb' 'a Egipto yet' jaywn̈ yunnal, ata xcan cajn eb' ta'. Axta 'ix 'och eb' niwquil chon̈b'al, caw jeln x'aj eb', caw niwn pax x'aj sb'isl eb'.

Ex 32:10

A ticnec b'i'an, man̈ 'ac' a b'a yuj eb', yujto tzcot wowl 'a jun tzo'n̈ 'anma tic, to 'oj in satl eb' smasnil. Cojxn yet' eb' en̈til, ata 'oj in b'o jun niwquil chon̈ab', xchi Dios 'a Moisés.

Gn 28:14

A eb' en̈tl cha, caw niwn 'oj 'aj eb' 'icha spoccal lum lu'um, ax spuccn 'at eb' 'a stojlal norte yet' 'a stojlal sur. 'Ay pax eb' 'oj 'atcn 'a stojlal 'aj tzq'uel c'u yet' 'a stojlal 'aj tz'em c'u, ax smasnil eb' 'anma 'a yolyib'n̈q'uinl tic, 'oj scha eb' yaxilal 'a a patctacl ach tic, yet' a eb' en̈tl b'aq'uin̈.

Gn 27:29

Til wal 'anma 'oj a'n servil. Smasnil eb' nacion̈ 'oj 'em cumn eb' 'ayach. 'Oj och yajlil 'a yib'n̈ eb' o'tac. ¡'Oj laj 'em cumn eb' 'a ojltac! A eb' tzaln maysch'olnil 'a a patic, maysch'olnil yic eb', ax eb' tzach aln wach'il, wach' yic eb', xchi Isaac.

Gn 19:29

Palta a yic 'ix ya'n Dios lajwc jun tzo'n̈ chon̈b' 'a jun pan̈n 'aj 'ix 'ec' cajn win Lot cha, 'ix snan cot tas 'ix sc'an Abraham, yuj cha, xcolx can 'elt Lot yuj 'a jun niwquil yailal cha.

Ro 4:11

Palta c'ojnc'ojnilt chab'il jun circuncisión chi yuj winac. A jun cha, ch'oxnb'il yaji, chajtlto wach' win 'a sat Dios, yujn̈ej to ya'jnac 'och win sc'ojl 'a Dios, yic mantzac 'ajx 'och jun senya chi 'a winac. Yuj cha, a win mamb'il yaj 'a jantcn̈ej eb' man̈ 'ac'b'ilc circuncidar, toto tzya'ch eb' sc'ojl 'a Dios. Mamb'il yaj 'a eb' yujto wach' pax eb' 'a sat yet' winac.

Nm 14:12

A ticnec b'i'an, 'oj wa' cot junc niwquil yab'il 'a yib'n̈ jun tzo'n̈ 'anma tic, ax scham eb' yu'uj. Palta a 'ayach, ata 'oj 'el jun chon̈b' caw niwquil, caw wal jelnto 'a yib'n̈ eb' tic, xchi Dios.

A Ch'an̈ B'ab'el Libro Yic Yab'ixal Eb' Rey 1:47

ax eb' 'aych 'a yopiso yet' win rey David, xit' yac' eb' stzatzl sc'ojl David cha, yujto tzaljc'ojlal x'och Salomón reyal. 'Ix yaln eb' 'a win 'ixtic: Niwquil cab' 'oj 'aj 'el'ch yopiso ni Salomón yuj Dios 'a yib'n̈ opiso mamin rey, b'inaxc cab' yet' yopiso 'a jun nacion̈ tic, xchi eb'. Ax pax rey David 'ix 'em n̈ojn yaln sb'a 'a Dios 'a sat sch'at,

Miqueas 7:20

'Ayn̈j 'ec' a wach'c'ojlal yet' a chamc'ojlal 'ayn̈ on̈ Mamin, 'icha otjnac a'n can a ti 'a eb' qui mam quichm 'a yictax pecti 'on̈, atn 'a Abraham yet' 'a Jacob, xchi Miqueas.

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

Gn 24:1

Caw wal 'ichm winc xo win Abraham, ax Jehová 'ix 'a'n syaxilal 'a yib'n̈ smasnil tastc 'ay 'a 'a.

Gn 25:11

Ax yic tox xcham win Abraham cha, ax Dios x'a'n swach'c'ojlal 'a yib'n̈ Isaac. Ata xcancn cajn 'a stz'ey a 'uc'b'il a tzcuch Dios Pitzan A Tzin 'Ilni.

Gn 26:3

A ticnec, wach' ajcn 'a jun lum tic. 'Aynn̈ej 'ec' et'oc, ax wa'n pax in yaxilal 'ayach. A smasnil jun lum tic, 'oj wac' 'ayach, yet' 'a smasnil en̈til, sec tz'el'ch smasnil tas waljnac can 'a a mam, atn Abraham.

Nm 22:12

Yuj cha, 'ix yaln Dios 'a 'ixtic: —Man̈ ach 'at yet' jun tzo'n̈ winc cha, matz tac' a catb'tzan jun tzo'n̈ 'anma cha, yujto an tzwac' in wach'c'ojlal 'a yib'n̈ eb', xchi Dios.

Nm 23:20

Xyal Jehová 'ayin, to tzwal wach' paxti 'a yib'n̈ jun chon̈b' cha. A tas tzyala, matz tac' in jeln 'eli.

Salmos 107:38

Tzya'n Dios chi syaxilal 'a yib'n̈ eb' sec tzniwtj sb'isl eb', a tz'a'n pax niwtjoc sb'isl scajb'en noc' eb'.

Ez 34:26

'Oj wac' in yaxilal 'a yib'n̈ eb' yic 'ayc' eb' 'a lum tzaln yic 'emmquilal, ax wa'n cot n̈ab' 'a sat lum lum chi 'a 'icha stiempoal.

Zacarías 8:13

'Icha 'ajnc e b'inax ex 'aj Judá, yet' ex 'aj Israel 'a scatb' paxti eb' chon̈ab'. Ax ticnec, 'oj ex in col-li, ax e b'inax 'a swach'il. ¡Caw man̈ ex xiwoc! ¡Te'n tzeyutj e b'a! xchi Dios.

Gn 17:20

Ax pax Ismael, tox 'ix wab' tas tzal yu'uj. 'Oj wac' 'in yaxil 'a yib'n̈ winac, yuj cha, niwn 'oj 'aj yunnal, 'oj niwtjoc chan̈ sb'isl yin̈til. A 'a scal yin̈tl win cha, ata 'oj 'eltoc lajchwan̈oc eb' niwc yajal. A yin̈tl cha, niwc nacion̈ 'oj 'aj 'el'chi.

Job 35:8

A eb' quit 'anma'il, a eb' tz'ixtx 'el yuj a mul; a pax eb', wach' tz'el'ch yuj tas wach' tza b'o'o.

Is 51:2

'Iltec nab'n e mam 'ichm Abraham yet' e nun chichm Sara. May yunnal eb', sch'ocj eb' schawn̈il yic xwawtn eb'. Palta xwac' in yaxilal 'a yib'n̈ eb', til wal x'aj sniwtj yin̈tl eb'.