Gn 12:18 - Chuj San Sebastian Bible

¹⁸ Yuj cha, xya'n win rey 'ijx cot Abram, 'ix yaln 'a 'ixtic: ¿Tas wal yuj 'ixta tzin otej? ¿Tas yuj ma'ix al 'ayin, toto estzil 'ix 'ix tic?

Chuj San Mateo Bible

¹⁸ Yuj chi' ix schec vin̈ rey chi' avtajcot vin̈aj Abram chi', ix yalan vin̈ icha tic: ¿Tas yuj icha tic tzin utej? ¿Tas yuj maj al d'ayin tato etb'eyum ix tic?

Gn 12:18 Referans Kwoze

Pr 21:1

A snab'en eb' rey, a 'a yol sc'ab' Jehová 'ayq'ui, a tz'i'n b'ey snab'en eb' 'icha tzyac' junc a a tzjelx sb'e 'aj tzb'eyi.

A Ch'an̈ B'ab'el Libro Samuel 14:43

Yuj cha, xyaln Saúl 'a Jonatán 'ixtic: —Al 'ayin, tas xa b'o'o, xchi. —Wal yel, 'ix in nib'j 'och no yal chab', yuj cha, 'ix in coln 'ejm sn̈i te in c'occh tic 'a scal no', 'ix in le'ni. Al ticnec waji, tztac' in chami, xchi Jonatán cha.

Josué 7:19

Xlajw cha, xyaln Josué 'a win Acán chi 'ixtic: —Ach 'un, 'a sat Jehová qui Diosalec an̈ israel on̈c tic, tza jacn a ti'oc, tas wal jun maysch'olnil chi 'ix a b'o'o, man̈ a c'ub'c 'eli, xchi 'a winac.

Ex 32:21

'Ix yaln Moisés 'ixtc 'a Aarón: —¿Tas wal ach yutj jun tzo'n̈ 'anma tic, yuj cha xa chan wal 'och jun sniwquil mul eb' tic? xchi Moisés.

Gn 44:15

Xyaln José 'a ewin 'ixtic: —¿Tas yuj 'ixta xeyutj e b'a? ¿Tom man̈ eyojcoc to a junc winc 'ay yopiso 'icha 'in tic, to tztac' snachj 'el junc tas yu'uj? xchi 'a eb'.

Gn 31:26

Syamn 'och Labán yaln 'och 'a sat Jacob 'ixtic: —¿Tas xa b'o'o? ¿Tas yuj in extej? Xe'n cot eb' 'ix wisil, coynto 'icha xo owl xotj e'n cot eb' 'ix.

Gn 4:10

'Ix yaln pax Dios 'ixtc 'a winac: —¿Tas yuj 'ixta xa b'o'o? A schic'l win o'tac 'ix 'elcn 'a sat lum lum tic o'oj, 'icha to a tzyal sb'a 'ayin, yic tzin b'onyaji.

Gn 3:13

Xlajw cha, sc'anb'n pax Jehová Dios 'ixtc 'a 'ix 'ix cha: —¿Tas yuj 'ixta 'ix otj a b'a? xchi. Xta'w 'ix, xyaln 'ix 'ixtc 'a 'a: —A no chan in 'ixtn paxti', yuj cha, xin lon te', xchi 'ix.

Gn 12:19

'In to xal 'ayin, to anb' 'ix, ton̈j 'ix ela yic 'ijn 'ix 'och 'ix wistziloc. Ax ticnec, 'ij pax 'ix, tzlajw cha, tzach 'el 'a yol qui nacion̈ tic on̈, xchi win rey chi 'a winac.

Gn 20:3

Ax 'a jun 'ac'wal, 'ix waychni Abimelec, to a Dios 'ix aln 'a 'ixtic: 'Oj a chami, yujto a 'ix 'ix x'at ac' cotoc yic tz'och 'ix estzilc alni, 'ay yichmil 'ix, xchi 'a winac.

Gn 29:25

Ax yic sacb'eli, xyiln cot sb'a win Jacob to a 'ix Lea xway yet'oc, yuj cha, x'at yalnc 'a win Labán 'ixtic: —¿Tas yuj 'ixtc in otej? Yuj 'unx Raquel in munlj 'ayach. ¿Tas yuj tzin extej? xchi.

Jueces 2:2

toto may b'a'n̈ tze b'o junc e trato yet' eb' 'anma cajn 'a jun lum tic. A eyico', to tze satl jun tzo'n̈ yet'l xajmb'al eb', xin chi 'a eb'. Palta ax tic, ma'ix eyiclj tas xwala. ¿Tas yuj tennmtac xe yutj e b'a?

A Ch'an̈ Schab'l Libro Samuel 3:24

Yuj cha, xjaw Joab wul yil win rey cha, xyaln 'ixtc 'a 'a: —¿Tas wal xa b'o mamin rey? A Abner caw xwulc' wul ach yila', palta ¿tas wal yuj xa chaj meltzjoc winac?