Gn 11:31 - Chuj San Sebastian Bible

³¹ Xlajw cha, 'ix 'el Taré 'a yol chon̈b' Ur 'a yol yic Caldea, yic tz'at 'a yol yic Canaán. 'Ix yi'n 'at jun yunnal yet'oc atn Abram, 'ix yi'n pax 'at Lot, atn win yixchiquin, win yunnal can win Harán, yet' 'ix yalb' winac, tzcuch Sarai. Xc'och eb' 'a chon̈b' Harán, ata 'ix can cajn eb' ta'.

Chuj San Mateo Bible

³¹ Ix el vin̈aj Taré chi' d'a chon̈ab' Ur d'a yol yic Caldea, yic scotcan vin̈ d'a yol yic Canaán yalani. Ix yic'ancot vin̈ yuninal vin̈ yed'oc, aton vin̈aj Abram yed' pax vin̈aj Lot, aton yixchiquin vin̈ yuninal vin̈aj Harán chamnac. Ix yic'paxcot ix yalib' vin̈, aton ix Sarai. Axo yic ix javi eb' d'a chon̈ab' Harán, ix cajnajcan eb' ta'.

Gn 11:31 Referans Kwoze

Nehemías 9:7

Mamin Jehová, ach ton wal Dios ach, ach a si'jnac 'elt Abram, 'ix ej 'elt 'a Ur 'a schon̈b' eb' caldeo, 'ix a'n sb'ic Abraham.

Gn 24:10

Xlajw cha, 'ix si'n 'elt siylab' caw wach' 'ay 'a scal smasnil tas 'ay 'a spatron̈ cha, 'ix yi'n 'at lajn̈wan̈ no cameyo yet'oc, yic 'ix 'at 'a schon̈b' can win Nacor 'a yol yic Mesopotámia.

Gn 12:4

Xlajw cha, x'elt Abram 'a Harán, 'icha xyutj Jehová yaln 'a 'a. 'Ay 75 ab'il sq'uinal, yic 'ix 'elt 'a jun lugar cha. 'Ix yij cot yistzil, atn 'ix Sarai, xyi'n cot jun yunnal can yu'tac tzcuch Lot, yet' jantcn̈ej tas 'ay 'a 'a, tzyal 'el'chi eb' schecab' yet' smasnil tas 'ix yac' ganar 'a Harán. 'Ix 'och eb' 'a b'eyel masnto xjaw eb' 'a Canaán.

Gn 15:7

'Ix yaln pax Dios: —An ton tic Jehová in, an ach wij 'elt 'a chon̈b' Ur 'a yol yic eb' caldeo yuj wa'n jun lum tic eco'oc, xchi 'a 'a.

Gn 11:32

Ata 'ix cham win Taré 'a lum Harán cha, 205 ab'il xyila, xlajw cha, xchami.

A Ch'an̈ Carta D'a Eb' Hebreo 11:8

A Abraham, caw ya'jnac 'och Dios 'a sc'ojol. Yuj cha, a yic yawtx yu'uj, syicljnac. 'Atnc 'a jun lugar ya'jnac Dios yico'oc. Wach'xam mant yojcoc 'aj tz'ati, palta yactjnac can slu'um, s'ati.

Gn 27:43

Yuj cha, ach wune', ab' wal tas 'oj wala'. 'Eln̈ 'a tic, ata tzach c'ochcn 'a lum Harán, a yet' ni 'in nul'j Labán, ata tzach 'aji.

Gn 24:15

Mantzac lajw sleslwi winac, ax xyilni xc'och jun 'ix cob'es, 'ay q'ue sch'ub' 'a squelab', atn 'ix Rebeca yisl win Betuel. A Betuel cha, atn yunnal can win Nacor yet' 'ix Milca. A Nacor cha, yu'tac sb'a yet' Abraham.

A Ch'an̈ Schab'il Libro Yic Yab'ixal Eb' Rey 19:12

¿Toc 'ix colchj eb' 'anma yuj sdiosal, 'a yol sc'ab' eb' in mam wicham? 'Ix yac' lajwc eb' 'aj Gozán, eb' 'aj Harán, eb' 'aj Resef, yet' eb' 'anma 'aj Bet-edén cajn 'a yol yic Telasar.

Job 1:17

Mantzac wal lajw yaln win cha, 'ix jaw junx winac, xyaln 'ixtic: —'Ay 'oxc'aj ewin caldeo 'ix c'och yac' owl quet' on̈, smiln cham ewin eb' yilmal e no cameyo, 'ix yelc'n 'at ewin e no'. Cojxn̈ej in 'elcni yic tzwul walnc ab' jun tic, xchi winac.

Is 37:12

¿Toc 'ix colchj eb' 'anma yuj sdiosal 'a yol sc'ab' eb' in mam wicham? 'Ix yac' lajwc eb' 'aj Gozán, eb' 'aj Harán, eb' 'aj Resef, yet' eb' 'anma 'aj Bet-edén cajn 'a yol yic Telasar.

Gn 14:12

Ax pax Lot, yunnal yu'tac Abram, ata cajn 'a Sodoma, an̈jtona 'ix 'ijx 'at 'icha presoal yuj ewinac, yet' smasnil tastc 'ay 'a 'a.

Gn 28:10

A yic x'el Jacob 'a Beerseba, x'atcn 'a sb'el Harán.