Gn 1:5 - Chuj San Sebastian Bible

⁵ A sacq'uinl cha, xya'n Dios sb'ic c'ual, ax q'uic'q'uinal, xya'n sb'ic 'ac'wal. X'ec' jun 'ac'wal, yet' jun c'u, 'ixta x'aj yec' b'ab'l c'u.

Chuj San Mateo Bible

⁵ A saquilq'uinal chi', c'ualil ix sb'iejcan yuuj, axo q'uic'alq'uinal chi', d'ac'valil ix sb'iejcani. Ix q'uic'b'iemi, ix sacb'i, ix eq'uel jun b'ab'el c'u.

Gn 1:5 Referans Kwoze

Salmos 74:16

Ach 'ay ec c'ual yet' 'ac'wal, ach a b'ojnac can 'uj yet' c'u.

Is 45:7

An in b'ojnac sacq'uinal yet' q'uic'q'uinal, an tzwac' junc'ojlal, tzwa'n pax yailal. An Jehová in, an tzin b'o smasnil jun tzo'n̈ tic.

1 Ts 5:5

Yujto an̈ec tic, sacq'uinl xo yaj qui pixnec, yic on̈c xo c'ual. Yel man̈ q'uic'q'uinloc yaj qui pixnec, man̈ on̈ yico'oc 'ac'wal.

Salmos 104:20

Tza'n jawc q'uic'q'uinl 'a 'ac'wal, ax 'ac'wl cha, a tzpechn 'elt e no calte'al noc'.

Gn 8:22

Ya' sb'a 'ayt 'ec' yolyib'n̈q'uinl tic, 'ay tas 'oj 'awxoc, 'oj molb'tzaxc sat 'awb'en; 'ay stiempoal c'ac', 'ay stiempoal si'ic; 'ay n̈ab'lq'uinal, 'ay cuaresma, 'ay c'ual, 'ay pax 'ac'wal, xchi Dios 'a snab'en.

Salmos 19:2

Junjn c'u, junjn 'ac'wal tzch'oxn 'el satchan̈ sjelnal Dios.

Jeremías 33:20

An Jehová in, an tzwala: 'Ay jun in trato wa'jnac cani, chajtlto 'ay c'ual 'ay 'ac'wal, 'a 'icha stiempoal, matz tac' sjelmj jun in trato cha.

Ef 5:13

Palta jantcn̈ej tas tzb'o'i, c'uxn 'oj 'ajxc prowal yuj jun sacq'uinl yic Dios, ax scheclj 'eli. Yujto a jun sacq'uinl cha, a tz'a'n checljoc 'el smasnil tas.

1 Co 3:13

Palta a qui munljel junjn on̈ec, caw 'oj checljoc 'eli, a yic 'oj jawc jun c'u yic b'eyc'ojlal. 'Icha junc c'ac' tzjawi, 'ixta 'oj 'aj sjaw jun b'eyc'ojlal cha. Ax yajx prowal qui munljel junjn on̈ec, toto wach', mto ma'ay.

Gn 1:8

A jun tas jen̈n 'ec' 'a yib'n̈ yolyib'n̈q'uinl tic, satchan̈ sb'i yuj Dios. X'ec' junx 'ac'wal, yet' junx c'u, 'ixta x'aj yec' schab'l c'u.

Gn 1:31

Xyiln 'och Dios smasnil tas 'ix b'o'i, to caw wach' smasnil. 'Ix 'ec' junx 'ac'wal yet' junx c'u, 'ixta x'aj yec' swacl c'ual.

Gn 1:23

'Ix 'ec' junx 'ac'wal, yet' junx c'u, 'ixta x'aj yec' yol c'ual.

Gn 1:19

X'ec' junx 'ac'wal, yet' junx c'u, 'ixta x'aj yec' schan̈l c'u.

Gn 1:13

'Ix 'ec' junx 'ac'wal, yet' junx c'u, 'ixta x'aj yec' yoxl c'u.

Nm 20:29

Ax yic xyab'n eb' israel to xchamcn Aarón, yuj cha, lajn̈schawinq'uin̈ 'ix 'oc' eb' yu'uj.

Salmos 65:8

An̈jtona eb' cajn 'a snajtil sat lum lum tic, 'oj 'ib'xoc chan̈ eb' yiln tas satjub'tac yilx tza b'o'o. O'oj 'ay 'aw yic tzaljc'ojlal 'a stojlal 'aj tzq'uel c'u masnto 'a 'aj tz'em c'u.