Gn 1:28 - Chuj San Sebastian Bible

²⁸ Xya'n Dios syaxilal 'a yib'n̈ eb', xyaln 'a eb' 'ixtic: 'Alj cab' eyunnal, q'uib' cab' e b'isul, b'ut'j cab' 'el sat lum lum tic eyu'uj. 'Oj eyac' yajlil 'a yolyib'n̈q'uinl tic, 'a yib'n̈ no chay 'ay 'a yojl a mar, 'a yib'n̈ no ch'ic tz'ec' jen̈n̈oc, yet' 'a yib'n̈ smasnil no noc' tz'ec' 'a sat lum tic, xchi.

Chuj San Mateo Bible

²⁸ Ix lajvi chi' ix yac'an svach'c'olal Dios d'a yib'an̈ eb'. Ix yalan d'a eb' icha tic: Aljocab' eyuninal, q'uib'ocab' e b'isul, b'ud'jocab'el sat lum luum tic eyuuj, ochan̈ec yajalil d'a yolyib'an̈q'uinal tic. Ochan̈ec yajalil d'a yib'an̈ noc' chay ay d'a yoltac a a', d'a yib'an̈ noc' much sjen̈vi yed' d'a yib'an̈ masanil noc' tz'ec' n̈ern̈onoc ma tz'ec' jachjon d'a sat lum tic, xchi.

Gn 1:28 Referans Kwoze

Gn 9:1

'Ix yaln can Dios wach' paxti 'a yib'n̈ Noé, yet' 'a eb' yunnal. 'Ix yaln 'a eb' 'ixtic: Niwtj cab' 'el eyunnal, 'a'c b'ut'joc sat lum lum tic.

Gn 9:7

Ax xo tic, niwtj cab' eyunnal, b'ut'j cab' 'el yolyib'n̈q'uinl tic eyu'uj, xchi Dios.

Lv 26:9

Yujto 'oj wochx 'a wach'c'ojlal eyet'oc. 'Oj wa'x q'uib' e b'isul, 'oj wac' 'el'choc in trato eyet'oc.

Gn 1:22

'Ix ya'n syaxilal 'a yib'n̈ smasnil no noc' cha, 'ix yaln 'ixtic: 'Unewoc cab' e no', b'ut'j cab' 'el yojl a mar yuj e no', 'ixta pax no ch'ic, b'ut'j cab' 'el yolyib'n̈q'uinl yuj e no', xchi.

Is 45:18

Mamin Jehová, ach b'ojnac satcha'an̈ yet' lum lum tic, wach' otjnac can 'a yet'ul, caw ach b'ojnac. Man̈toc sictac 'ajnc cani, palta to xcajxi. Ach aljnac can 'ixtic: Cojn in ton Jehová in, may junc xo.

Gn 17:20

Ax pax Ismael, tox 'ix wab' tas tzal yu'uj. 'Oj wac' 'in yaxil 'a yib'n̈ winac, yuj cha, niwn 'oj 'aj yunnal, 'oj niwtjoc chan̈ sb'isl yin̈til. A 'a scal yin̈tl win cha, ata 'oj 'eltoc lajchwan̈oc eb' niwc yajal. A yin̈tl cha, niwc nacion̈ 'oj 'aj 'el'chi.

Gn 8:17

Tze'n pax 'elt smasnil no noc' 'aych et'oc: No ch'ic, no cajb'en noc', no calte'al noc', no tzjuc sb'a 'a sat lu'um. Sactzic cab' 'at e no', 'unewoc cab' e no', sb'ut' cab' e no sat lum lum tic, xchi Dios.

Salmos 107:38

Tzya'n Dios chi syaxilal 'a yib'n̈ eb' sec tzniwtj sb'isl eb', a tz'a'n pax niwtjoc sb'isl scajb'en noc' eb'.

1 Cr 4:10

'Ix leslwi win 'a qui Diosalec an̈ israel on̈c tic, 'ix yalni: Tzin tew 'aych Mamin, to tzac' a yaxilal 'a wib'an̈. Tzin nib'j to niwquil in lu'um, tzin nib'j tzach 'och pax wet'oc, yic tzin a coln 'el 'a yailal, sec wach' matz in 'ixtxi, xchi 'a slesal. Ax Dios 'ix 'a'n tas 'ix sc'an cha.

Gn 26:24

A 'a yic jun 'ac'wl cha, ata sch'ox sb'a Jehová 'a 'a, 'ix yaln 'a 'ixtic: An ton tic sDiosal in a mam, atn Abraham, man̈ ach xiwoc, 'ayn 'och et'oc. Yujn̈ej to in checb' Abraham, yuj cha, 'oj wac' yaxilal 'a eb'an̈, til wal 'oj wutc sb'isl en̈til, xchi Dios.

Gn 17:16

'Oj wac' yaxilal 'a yib'n̈ 'ix, 'oj 'aljoc junc onnal yet' 'ix, niwn nacion̈ 'aj 'oj 'och 'ix nunb'ilal. Caw niwn eb' sreyl chon̈b' 'oj 'eltoc 'a scal yin̈tl 'ix, xchi Dios.

Gn 49:25

Yuj wal dios 'a in Diosal tzach colni, atn jun tztac' yuj smasnil, a tz'a'n syaxilal 'a eb'an̈, atn n̈ab' tzcot 'a satcha'an̈, sb'al sat a lu'um, yic tzq'uib' onnal yet' yic tzq'uib' pax chan̈ a cajb'en noc'.

Gn 33:5

Xlajw cha, xyiln 'och Esaú eb' 'ix 'ix yet' eb' 'unin, sc'anb'n 'ixtic: —Ax pax jun tzo'n̈ eb' tic, ¿mach 'ay yic eb'? xchi. —Wunnal eb' xyac' qui Mam Dios, xchi win Jacob.

Gn 24:60

'Ix yaln can eb' wach' paxti 'a yib'n̈ Rebeca chi 'ixtic: Ya' cab' Dios syaxilal 'a eb'an̈, 'oj och snunc smiyon̈al xo 'anma'. A smasnil one 'oj 'aljoc, a 'oj 'a'nc ganar eb' chon̈b' 'ajc'ojl yajch 'a eb', xchi eb' 'a 'ix.

Salmos 69:34

A satcha'an̈, yet' lum lu'um, a mar, yet' pax smasnil tas cajn 'a junjn c'aj, yal cab' eb' wach' paxti 'a Dios.

Job 42:12

'Ix ya'n pax Dios niwtjoc tas 'ay 'a Job, 'ec'b'al 'ix yutj ya'n pax 'icha xon tas 'ay 'a win 'a yic yalan̈. Yujto 'ix q'uexc'och sb'isl scalnelu win 'a chan̈lajn̈e mil, waque mil scameyo, jun mil mojn̈ smam swacax, jun mil no 'axna.

1 Ti 4:3

'Oj cob' yal eb' 'ixtic: Caw 'ay yowlal, toto tz'och quistzil. 'Ay pax jun tzo'n̈ tas tzc'uxx to 'ay yowlal qui c'uxni, 'oj schic cob' eb'. Palta a Dios tzb'on smasnil jun tzo'n̈ cha, sec a tzqui c'uxc an̈ creyente on̈c tic, tzca'nec yuj diosal 'a Dios yu'uj, yujto cojquec xo jun cuynb'il caw yel.

Gn 5:2

Sb'o Dios win winac yet' 'ix 'ix, 'ix ya'n can Dios syaxilal 'a yib'n̈ eb'. A yic 'ix b'o eb' yuj Dios, 'anma xyac' sb'ic eb'.

Salmos 8:6

'Ix a'n can 'och copiso 'a yib'n̈ tas a b'ojnac, 'ix a'n can smasnil 'a yol qui c'ab' on̈:

Gn 6:1

A yic xq'uib' sb'isl eb' 'anma 'a sat lum lum tic, 'ay yisl eb' x'alji.

Job 39:11

¿Tom yuj caw 'ay yip no', yuj cha, ax cob' a'nc yipc a c'ojl no yuj a munljel?

Salmos 8:7

Atn no calnelu, no wacax, no calte'al noc';

Salmos 115:16

A satcha'an̈ yic Jehová yaji, ax lum lum tic, 'ac'b'il lum 'ayn̈ec yu'uj.