Gn 1:27 - Chuj San Sebastian Bible

²⁷ Xlajw cha, sb'on Dios 'anma', 'icha wal Dios cha, 'ixta xyutej, sb'o win winac, yet' 'ix 'ix.

Chuj San Mateo Bible

²⁷ Ichato chi' ix b'oji eb' anima chi' yuj Dios, icha val Dios chi' ix aj eb'. Ix b'ojican vin̈ vinac yed' ix ix yuuj.

Gn 1:27 Referans Kwoze

Mt 19:4

Yuj cha, xyaln 'ixtc 'a ewinac: —¿Tom mant 'a 'aj xeyil 'a Ch'an̈ U'un̈, to a yic sb'on can Dios yolyib'n̈q'uinl tic, sb'ojnac win winac yet' 'ix 'ix?

Ef 2:10

A Dios on̈ b'onec 'a scha'ejmal yuj Cristo Jesús, sec caw wach' tzcutjec qui b'eyb'al 'a 'a. Yictax pecti', snajnac cani, chajtl 'oj cutquec qui b'eyb'al.

Mr 10:6

Palta a yic sb'on can Dios yolyib'n̈q'uinl tic, sb'ojnac win winac yet' 'ix 'ix.

Ef 4:24

Yowlal tze chaj jelmjoc e nab'en, tze chan junx 'a't tzb'o Dios 'icha tznib'ej. Toto 'ixta', tojl 'oj eyutc e b'eyb'al, caw wach'n̈j 'oj eyutc e b'a, 'icha tzyal jun 'ab'x caw yel.

Salmos 139:14

Caw wal satjub'tac yilx tas b'ob'il o'oj. Yuj cha, tzwaln wach' paxti 'ayach. Caw tzsat in c'ojl wilni, palta 'ix wojquej 'el jun tzo'n̈ tic si'mb'il.

Is 43:7

Atn smasnil eb' wico', an in pitzjnac 'el eb', in b'on eb', yuj yi'nb'ilc chan̈ in b'i, 'oj in chioc.

A Scarta San Pablo D'a Eb' Aj Colosas 1:15

Wach'xam matz tac' quilnec qui Mam Dios, palta a Yunnal chi xch'oxn 'ayn̈ec tas yaji, yujto caw lajn yet'oc. A Yunnal, b'ab'l yaj 'a smasnil tas, yel xo wal niwn yel'ch 'a yib'n̈ smasnil.

Malaquías 2:15

¿Tom man̈oc Dios 'ix 'a'n e mojc e b'a sec junn̈j niwnal tzex 'ajcni, yet' junn̈j pax espíritu 'aych 'ayex? ¿Tas snab'en Dios yuj cha, 'ixta xyutj tze na'a? 'Ixta xyutej, sec a eb' eyunnal, yic pax tz'aj eb'. Yuj cha, tan̈wjec e b'a, man̈ eyac' sat e c'ojl 'a e ti eya'jnac 'a eyistzil eyijnac e b'a yet' 'a yic quelmal.

Gn 2:18

Xyaln pax Jehová Dios 'ixtic: Man̈ wach'oc 'ayc' win winc sch'ocoj, to 'oj in b'o junc yitb'eym win to smoj tztac' scolwj yet'oc, xchi.

A Scarta San Pablo D'a Eb' Aj Colosas 1:26

'Ay jun tas c'ub'b'il 'el yuj Dios 'a yictax mant 'a yolyib'n̈q'uinl tic. Palta ax ticnec, a x'a'n cojcoquec 'el an̈ yic on̈c xo tic. A 'a'jnac wopiso waln 'el jun tic.

A Scarta San Pablo D'a Eb' Aj Colosas 3:10

A ticnec, caw xjelmj qui nab'enec. Wan swach' b'o qui nab'enec tic, sec lajn tzon̈ 'ajc yet' jun b'ojnacn̈ec, sec wach' 'oj qui wach' 'ojcoc 'el jun b'ojnacn̈ec cha.

Gn 9:6

A mach tzmiln cham yit 'anma'il, 'anma 'oj milnc chamoc, yujto ax 'anmax tic, 'icha in tic, 'ixta ex wutj ex in b'oni.

Dt 4:32

Nac cot jun tzo'n̈ tiempo 'e'nc xo can 'a yic pecti', yictax sb'on Dios eb' 'anma 'a yolyib'n̈q'uinl tic. 'Ixquec, 'at c'anb'jec 'ec' 'a smasnil lugar, toto 'ay 'aj ujnac xo, mto 'ay 'aj tz'ab'x yalx junc tas niwn yel'ch 'icha jun wan yuj 'a qui calc tic.

Ec 7:29

Cojn tas x'ilchj wu'uj, to an̈ 'anman̈ec tic, caw tojl on̈ 'aj qui b'oc yuj Dios, palta ax ticnec, caw wal yelc'ojlal on̈ juwc 'eli.

Gn 2:7

'Ix sb'on Dios jun 'anma'. A yet' spoccal lum lum 'ix b'o'i. 'Ix yutz'n 'och Dios yic' 'a sn̈i', 'ixta wal x'aj yel yich spitzw 'el 'anma'.

Jueces 21:22

Toto 'oj jawc ewin smam eb' 'ix, mto ewin snul'j eb' 'ix wul yal 'ayn̈ on̈, 'oj cal 'ixtc 'a eb' on̈: —Tzqui c'an niwnc'ojlal 'ayx yuj eb' 'ix, yujto ma'ix 'ilchj yistzil ewin smasnil cuj 'a tic on̈, yic 'ix 'och owl 'a Jabes. An̈jtona', caw man̈oc ex tzeyac' eb' 'ix 'a ewinac, yuj cha, may ex tz'och e mul 'a 'aj xeyac' e ti', 'oj qui chic 'a eb' on̈, xchi eb' syajlil eb' israel cha.

Jeremías 29:6

'A'c 'och eyistzil, 'alj cab' eyunnal yet'oc, 'och cab' pax yistzil eb' eyunnal cha, 'alj cab' pax yunnal eb'. Q'uib' cab' e b'isl ta', man̈ 'emtoc cab' e b'isul.