Gn 1:26 - Chuj San Sebastian Bible

²⁶ Xyaln pax Dios 'ixtic: A ticnec qui b'oc 'anma 'icha on̈c tic, sec wach' a tzyac' yajlil 'a yib'n̈ no chay 'ay 'a yojl a mar, 'a yib'n̈ smasnil no ch'ic, 'a yib'n̈ no cajb'en noc', 'a yib'n̈ no calte'al noc', yet' 'a yib'n̈ no tzjuc sb'a 'a sat lum lum tic, xchi.

Chuj San Mateo Bible

²⁶ Ix lajvi chi' ix yalan Dios icha tic: A ticnaic co b'oec anima icha on̈ tic yic vach' tz'och eb' yajalil d'a yib'an̈ noc' chay ay d'a yol a' mar, d'a yib'an̈ masanil noc' much, d'a yib'an̈ noc' molb'etzal noc', d'a yib'an̈ noc' c'ultaquil noc' yed' pax d'a yib'an̈ noc' tz'ec' n̈ern̈onoc ma tz'ec' jachjon d'a sat luum tic, xchi.

Gn 1:26 Referans Kwoze

A Scarta San Pablo D'a Eb' Aj Colosas 3:10

A ticnec, caw xjelmj qui nab'enec. Wan swach' b'o qui nab'enec tic, sec lajn tzon̈ 'ajc yet' jun b'ojnacn̈ec, sec wach' 'oj qui wach' 'ojcoc 'el jun b'ojnacn̈ec cha.

Ef 4:24

Yowlal tze chaj jelmjoc e nab'en, tze chan junx 'a't tzb'o Dios 'icha tznib'ej. Toto 'ixta', tojl 'oj eyutc e b'eyb'al, caw wach'n̈j 'oj eyutc e b'a, 'icha tzyal jun 'ab'x caw yel.

Gn 3:22

Xlajw cha, xyaln Jehová Dios: A ticnec 'icha 'on̈c tic, 'ixta x'aj eb' 'anma tic, xnachj 'el tas wach' yet' tas tu yuj eb'. Ax ticnec, slot laj eb' sat te te tz'a'n q'uinal, ax spitzw can eb' 'a smasnil tiempo, xchi.

Gn 5:1

Atn stzol-l yab'xil eb' yin̈tl Adán tic. Yic sb'on Dios eb' 'anma', lajn xyutj sb'on eb' 'icha Dios cha.

Salmos 100:3

Tzcojcanec 'eli to a Jehová Dios toni; a b'ojnacn̈ec, yuj cha, to yic on̈ec; schon̈b' cajec, 'icha to scalnelu on̈ec, yuj cha, tan̈b'iln̈ec yu'uj.

2 Co 3:18

Yuj cha, man̈x 'ayc 'och jun 'icha nip chi 'a qui satc qui masnil. A ticnec, lajn on̈c 'icha junc nen 'aj tzquil qui sat, yujto cujec, tzcheclj 'el swach'l Cajlil. Yuj cha, wan slajnb'i qui nab'enec 'icha Cristo, yujto wan xo stz'acw qui wach'lec 'icha swach'il. 'Ixta wan on̈ yutnec Cajlil, atn Yespíritu Dios.

Is 64:8

Mamin Jehová, ach tic qui Mam aj on̈; an̈ xo tic on̈, lum on̈n̈ej, ach tz'acjnacn̈ yet' lum lu'um, caw ach b'ojnacn̈ on̈.

A Scarta San Pablo D'a Eb' Aj Colosas 1:15

Wach'xam matz tac' quilnec qui Mam Dios, palta a Yunnal chi xch'oxn 'ayn̈ec tas yaji, yujto caw lajn yet'oc. A Yunnal, b'ab'l yaj 'a smasnil tas, yel xo wal niwn yel'ch 'a yib'n̈ smasnil.

Santiago 3:9

A yet' qui ti'ec, tzcalc wach' paxti 'a Cajlil, atn qui Mam Dios. Palta a pax yet' qui ti'ec, tzqui c'anc cot yowl sc'ojl Dios 'a yib'n̈ eb' quit 'anma'il, palta a b'ojnac pax eb'. 'Icha wal Dios, 'ixta xyutj eb'.

2 Co 4:4

A eb' cha, matz ya'ch xon eb' 'a sc'ojol. Yuj cha, a win sdiosal yolyib'n̈q'uinl tic, a win tzwach' 'a'n juwc 'el snab'en eb'. 'Icha to a win tz'a'n juwc 'el yol sat eb', sec matz tac' yiln eb' jun sacq'uinl tzcot 'a yab'xil Cristo. A Cristo caw niwn yel'chi, caw lajn yet' Dios.

1 Co 11:7

An̈ winc on̈ec, man̈ smojc tzca'c q'ue junc tas 'a qui jolom, yujto 'icha to yechl Dios cajec, tzqui ch'oxnec 'eli, chajtl yaji. Ax eb' 'ix 'ix, a eb' tzon̈ ch'oxnec 'el an̈ winc on̈ tic.

Gn 9:6

A mach tzmiln cham yit 'anma'il, 'anma 'oj milnc chamoc, yujto ax 'anmax tic, 'icha in tic, 'ixta ex wutj ex in b'oni.

Ec 7:29

Cojn tas x'ilchj wu'uj, to an̈ 'anman̈ec tic, caw tojl on̈ 'aj qui b'oc yuj Dios, palta ax ticnec, caw wal yelc'ojlal on̈ juwc 'eli.

A Tas Sc'ulejnac Eb' Schecab' Jesús Hechos 17:26

Atn b'ojnac jun b'ab'l winac, yin̈tl junjn chon̈b'al. Yuj cha, 'ayn̈j 'anma 'a smasnil yolyib'n̈q'uinl tic. An̈j tzalni, 'aja tiempoal tzq'ue wan junjn chon̈b'al. A tz'a'n slugar junjn chon̈b'al eb' 'anma 'aj tzcan cajan.

Jn 14:23

Yuj cha, 'ix yaln pax 'a 'ixtic: —A eb' 'ay schamc'ojlal 'ayin, tzyiclni eb' tas tzwala. Yuj cha, ax in Mam, tzchamc'ojlan pax eb', ax woch cajn yet' in Mam chi 'a eb'.

1 Jn 5:7

'Ay 'oxwn̈ tzyac' testigoal sb'a yu'uj:

Santiago 3:7

A junjn c'aj no noc', no ch'ic, no chan, no chay, yet' e no chan̈e yoc, tzca'c ganar qui yamnec e no'. Yet' 'a pecti', ya'jnac ganar eb' 'anma syamn e no'.

Is 6:8

Xlajw cha, xwab'n yaln Cajlil 'ixtic: ¿Mach wal junc 'oj in chec ticnec? ¿mach wal junc tz'och qui checb'oc? xchi. Yuj cha, in ta'w 'a 'a: Waj Mamin, tztac' in a checni, xin chi.

Salmos 149:2

Ex wit israelal, tzaljan̈c yuj jun mach 'ijnac 'el yich sb'on qui chon̈b'ec tic,*f3* ex 'aj Sión tzaljan̈c yet' qui Reyal.

Gn 11:7

Ax ticnec, 'em coyc 'a scal eb', ca'c somchjoc 'el sti eb', yic wach' man̈xtoc 'oj yab'lac eb' sti', xchi.

Jeremías 27:6

An tzwa'cn 'och snacion̈ eb' 'a yol sc'ab' in checb' Nabucodonosor sreyl Babilonia. An̈jtona pax e no calte'al noc', tzwa'cn 'och e no 'a yaln̈ schecnb'il.

Job 35:10

Palta man̈oc Dios tzsayc' eb', atn jun b'ojnac eb', a pax tz'a'n yip eb', yic tzb'itnan eb' 'a yic 'ac'wal.

Jn 5:17

Palta xyaln Jesús chi 'a ewin 'ixtic: —A 'in Mam, may 'aj tz'och wan smunlji. Yuj cha, an̈jan̈ej in munlj pax an tic, xchi 'a ewinac.

A Tas Sc'ulejnac Eb' Schecab' Jesús Hechos 17:20

Yujto mant 'a 'aj tzcab' jun tzo'n̈ tic on̈. Yuj cha, tzqui nib'j cojcoc 'el on̈, tas wal tzyal 'el'chi, xchi eb'.

Job 5:23

A 'a scal a munljel, may q'uen q'uen 'oj extni; ax e no calte'al noc', may 'oj yutc e no' a munljel cha, ma'oj ac' 'owl yet' e no'.

Gn 2:19

Smasnil no noc' sb'o Dios 'a sat lum lum tic, no calte'al noc', yet' smasnil no ch'ic, xyij 'at Dios 'a win Adán yic tzya'n 'och win sb'i junjn c'aj no'. A sb'i junjn no xya'ch winac, an̈ja chi 'aych can sb'ic no'.

Is 45:18

Mamin Jehová, ach b'ojnac satcha'an̈ yet' lum lum tic, wach' otjnac can 'a yet'ul, caw ach b'ojnac. Man̈toc sictac 'ajnc cani, palta to xcajxi. Ach aljnac can 'ixtic: Cojn in ton Jehová in, may junc xo.

Job 39:11

¿Tom yuj caw 'ay yip no', yuj cha, ax cob' a'nc yipc a c'ojl no yuj a munljel?

Cantares 1:11

'Oj qui b'o wal a yumchicn to nab'a oro, ax ca'n 'och yelwnub'l to nab'a plata, xchi winac.