Gn 1:16 - Chuj San Sebastian Bible

¹⁶ Yuj spaxti xyal cha xb'o chab' niwc luz: a jun caw ow sc'aq'uil, tz'och yopiso 'a c'ual, ax jun jab' wal sacq'uinlal, tz'och yopiso 'a 'ac'wal. Xb'o pax smasnil c'anal.

Chuj San Mateo Bible

¹⁶ A Dios ix b'oan chab' nivac saquilq'uinal. A jun nivan sc'ac'al ix och yopisio d'a c'ualil, axo jun quenn̈ej sc'ac'al ix och yopisio d'ac'valil, aton c'u yed' q'uen uj. Ix sb'oanpax masanil q'uen c'anal.

Gn 1:16 Referans Kwoze

Dt 4:19

A yic tzex q'ue q'ueln 'a satcha'an̈, tzeyiln q'ue c'u, 'uj, c'anal yet' smasnil tas 'ay 'a satchan̈ cha, xeya't wal somchjoc e nab'en yic tzeyaln e b'a 'a jun tzo'n̈ cha, yujto a Jehová qui Diosalec, a b'ojnac jun tzo'n̈ cha, sec tz'och swach'loc smasnil chon̈b' 'ay 'a sat lum lum tic.

Salmos 8:3

A yic tzwiln q'ue satcha'an̈, tzin b'eyc'ojlani to ach b'ojnac; xa'n can 'och 'uj yet' smasnil c'anal 'a yet'ul.

Is 40:26

Q'uen̈ec q'ueln 'a satcha'an̈, ¿tom man̈oc Dios xb'on smasnil jun tzo'n̈ cha? A xb'on 'och junjn eb' c'anal 'a yet'ul. Tzb'isn smasnil junjn c'aj eb', tz'awtx sb'i junjn eb' yu'uj. May junc eb' tzsati, yujto caw niwn yel'ch Dios chi yet' spoder.

Salmos 148:5

Yal cab' eb' swach' paxti 'a Jehová, yujto a 'ix alni yic xb'o eb'.

Salmos 74:16

Ach 'ay ec c'ual yet' 'ac'wal, ach a b'ojnac can 'uj yet' c'u.

Salmos 148:3

A c'u, 'uj yet' smasnil c'anal, yal cab' eb' swach' paxti 'a Jehová.

Job 38:7

Wan xo sacb' 'el 'a jun c'u cha, 'ix b'itn chan̈ smasnil c'anal, ax eb' wángel caw 'ix 'el yaw eb' yuj tzaljc'ojlal.

1 Co 15:41

Ax jun tzo'n̈ tas 'ay 'a satchan̈ cha, chucchc pax stzictznil jun jun. Chuc stzictznil c'u. Chuc pax stzictznil 'uj. An̈jtona', chuc pax stzictznil jun tzo'n̈ c'anal. Ax jun tzo'n̈ c'anal cha, chucchc stzictznil jun jun.

Mt 27:45

Ax 'a chimc'ual, 'ix 'och q'uiq'uinl 'a smasnil yolyib'n̈q'uinal, masnto 'a las tres.

Habacuc 3:11

Ax c'u yet' 'uj, 'ix 'och wan eb' sb'eyi, yic 'ix 'elt jupljoc a jul-lab' cha, caw 'ix q'ue wan jupljoc a lanza.

Is 45:7

An in b'ojnac sacq'uinal yet' q'uic'q'uinal, an tzwac' junc'ojlal, tzwa'n pax yailal. An Jehová in, an tzin b'o smasnil jun tzo'n̈ tic.

Is 13:10

Ax smasnil c'anal 'a satcha'an̈, man̈x 'oj yac' sacq'uinlal 'a yib'n̈ lum lum tic, cojn yic tzq'uel c'u, ax yochx can musan, 'ixta pax 'uj, man̈x 'oj yac' sacq'uinlal 'a 'ac'wal.

Salmos 19:6

A jun c'u cha, tzq'uel 'a yib'cha'an̈, tzlajw cha, tz'ejm can pax 'a junx yib'cha'an̈. May wal junc tas tztac' scoln sb'a 'a sc'aq'uil.

Apoc 21:23

A 'a jun chon̈b' cha, may tz'och yoc c'u, may pax tz'och yoc 'uj. Yujto a sacq'uinlal Dios yet' pax sacq'uinlal jun tzcuch Calnelu, a tzyac' sacq'uinlal 'a 'a.

Is 24:23

A 'a jun c'ul cha, 'oj 'och q'uic'q'uinl 'a c'u yet' 'a 'uj, ax Jehová tztac' yuj smasnil, 'oj 'och Reyl 'a lum tzaln Sión 'a Jerusalén, ax sch'oxn stzictznil 'a sat eb' yichm wincal schon̈ab'.

Job 31:26

'Ix wil stzictznil yoc c'u, 'ix wiln pax sja'l yilx yoc 'uj 'a yic caw c'ojan,

Mt 24:29

A 'a yic 'oj lajwc 'ec' jun niwn yailal cha, 'oj 'och q'uic'q'uinl 'a c'u, 'oj tup yoc 'uj, ax yemt jun tzo'n̈ c'anal, yujto 'oj stzicb'tan̈c Dios tas 'ay 'a satcha'an̈.

Jeremías 31:35

A Jehová, jun 'ix b'on c'u yic tzya'n sacq'uinl 'ayn̈ 'a c'ual, sb'on pax 'uj yet' c'anal yic tzya'n pax sacq'uinl 'a 'ac'wal, a tz'a'n c'an̈ a mar, yic tzq'ue wan a 'a cha'an̈, a Jehová tztac' yuj smasnil, a tzaln 'ixtic: