Gl 6:2 - Chuj San Sebastian Bible

² Caw tzlaj e coltc e b'a, sec 'oj laj techjoc syal eyuj e masnil. Toto 'ixta', wan eyiclni sley Cristo smasnil.

Chuj San Mateo Bible

² Tze col-laj e b'a junjun ex, yic ol laj techaj eyuuj e masanil. Tato icha chi', van e c'anab'ajan sley Cristo.

Gl 6:2 Referans Kwoze

Ro 15:1

An̈ec tic, te'n on̈c xo 'a yic Dios, yujto tznachj 'el cujec, to may yowlal jun tzo'n̈ cha. Palta 'ay eb' mant 'a ste'nal, tzxiw eb' yu'uj. Yuj cha, yowlal tzca'c techjoc tas tzna eb', sec matz somchj 'el eb' cujec. Matz tac' qui comn b'onec 'icha tzqui nib'ej.

1 Ts 5:14

Ex wu'tac, ex wanab', tzcham wal caln 'at 'ayx on̈, to tze xib'tj chan̈ eb' matz nib'j sb'o smunljel. Tzeya'n pax sniwnal sc'ojl eb' 'ay scusc'ojlal. Tzeyac' ste'nal eb' mant 'a yip 'a screyenteal. Caw niwn tzeyutj e c'ojl 'a eb' smasnil.

Jn 13:34

'Ay junx 'ac' checnb'il 'oj walcn 'ayx ticnec: To tzlaj e chamc'ojloc e b'a junjn ex. 'Icha tzex wutj ex in chamc'ojlani, 'ixta tzlaj eyutc e chamc'ojlan e b'a jun xo.

1 Jn 4:21

A aljnac can jun schecnb'il tic 'ayn̈ec, 'a 'aj tzyal 'ixtic: A eb' tzchamc'ojlan Dios, yowlal tzchamc'ojlej pax sb'a eb' yet' eb' yit creyenteal, xchi.

Santiago 2:8

Palta 'ay jun sley qui Reylec, tz'ib'b'il can 'a Ch'an̈ U'un̈, ata tzyal 'ixtic: Chamc'ojlejc eyit 'anma'il, 'icha tzeyutj eya'iln e b'a junjn ex, xchi. Toto tzqui yiclj tas tzyal sley tic, caw wach' tzcutjec qui b'a.

Jn 15:12

A ticnec, 'ay jun checnb'il 'oj walcn 'ayex, to tzlaj e chamc'oljoc e b'a junjn ex, 'icha tzex wutj ex in chamc'ojlani.

Ex 23:5

Yowlal tzex colwj 'a eb' tzchichn 'och 'ayex. Q'uinloc tzeyil stelw sb'uru junc eb' 'a yaln̈ yicatz, yowlal tzex colwj eyi'n chan̈ no yet'oc.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

Mt 8:17

'Ixta sb'o Jesús, sec tz'el'ch tas yaljnac can Isaías, atn jun schecb' Dios 'a pecti', yic yaln can 'ixtic: 'In to a qui yailal, a 'ix 'ajx 'och 'a yib'an̈, a 'ix yab' syal qui jeloc, xchi.

Gl 6:5

Yujto junjn on̈ec, yowlal 'oj ca'c 'och qui cuenta 'a Dios, a tzyal tas 'ac'b'il 'a yol qui c'ab'.

1 Co 9:21

Ax yic 'ayn 'ec' 'a scal eb' man̈ israeloc, eb' man̈ 'ayc 'och snab'en 'a jun ley cha, lajn tzwutj in nab'en yet' eb', sec 'ay eb' tzmontchj wu'uj. Palta smasnil tiempo, yowlal tzin yicljn̈ej sley Dios, yujto 'aych in nab'en 'a sley Cristo ticnec.

Ro 8:2

A Yespíritu Dios a tz'a'n qui q'uinlec 'a jun 'ejmn̈ej, yujto junxn̈ej cajc yet' Cristo Jesús. Yuj spoder Yespíritu, on̈ colchjec 'elt 'a yol sc'ab' maysch'olnil, yet' 'a yol sc'ab' chamel.

Lc 11:46

Palta xyaln pax Jesús 'ixtic: —¡An̈jtona', ax cuywjum ex 'a ley yic Moisés caw 'oltacx paxi! A jun tzo'n̈ e checnb'il, lajn 'icha junc 'ictz toxn matz q'ue xon jac cu'uj, tze tusb'tzej, tzeya'n scuch eb' 'anma'. Palta toxn matz eya'ch jac yune e c'ab' e t'un̈n chan̈ yictz eb' cha.

Is 58:6

Palta an tzwal 'ixtc 'ayex: A jun e c'ajb'c'ojlal cha, man̈ 'ichcta stzolil. A jun caw yel to c'ajb'c'ojlal, yaj stzol-l tic: Colc 'elt eb' 'anma 'a yol sc'ab' eb' tu snab'en, man̈x eyixtc eb' 'anma tzmunlj 'ayex; 'a'c 'el eb' tz'ixtx chi 'a libre, man̈x eyixtc eb'.

Dt 1:12

A in ch'ocoj, matz techj ex wiln yet' eyowal, mto chacjb'al tzpitzw chan̈ 'a e cal.

Santiago 1:25

'Ay jun ley caw tz'acan, a tzon̈ coln 'el 'a libre. Toto tzqui chamc'ojlej qui cuynec jun ley tic, toto matz sat qui c'ojlec 'a tas tzyala, tzqui yiclni, toto 'ixta', 'oj qui tzaljec 'a jantcn̈ej tas tzqui b'o'ec.

Santiago 2:12

Yuj cha, yowlal wach'n̈j tzcutjec qui paxtini, wach'n̈j tzcutjec qui b'eyb'al. Yujto 'ay junx ley tzon̈ colnec 'el 'a libre. Yuj jun ley cha, 'oj on̈ sb'ocyaj Dios.

A Schab'il Carta San Pedro 2:21

A eb' 'ixta tzyutj sb'a cha, octom wal ma'ix ya'ch xon eb' snab'en 'a jun wach' b'eyb'al tic. Toto 'ixta', wach' to wal yic eb'. Ocxo jun, xya'ch eb' snab'en 'a 'a. Ax ticnec, xyactj can pax eb' jun checnb'il yic Dios 'ac'b'il 'a eb'. Yuj cha, yel xo wal caw maysch'olnil yic eb' ticnec.

A Schab'il Carta San Pedro 3:2

Yuj cha, yowlal tze na cot jun tzo'n̈ tas stz'ib'jnac can eb' schecb' Dios pecti', atn eb' sic'b'il 'el yu'uj. An̈jtona', tze na cot pax schecnb'il Cajlil qui Colmal. A schecnb'il cha, alb'ilx can 'ayx cuj an̈ schecb' on̈ tic on̈.

1 Cr 19:12

'Ix yaln 'a 'ixtic: Toto tzela a eb' sirio yel xo jeln eb' 'a wib'an̈, to 'ixta', tzach 'at colwjoc wet'oc. Palta 'oj wila', toto a eb' amonita yel xo jeln 'a eb'an̈, to 'ixta', an xo 'oj in 'at colwjoc et'oc.