Gl 5:25 - Chuj San Sebastian Bible

²⁵ Yuj Yespíritu Dios, 'ay qui q'uinlec 'a jun 'ejmn̈ej. Yuj cha, yowlal tzqui b'eylb'ejc 'icha tznib'j Yespíritu tic.

Chuj San Mateo Bible

²⁵ Yuj Yespíritu Dios chi' ay co q'uinal. Yuj chi', yovalil sco c'anab'ajej icha sgana Yespíritu chi'.

Gl 5:25 Referans Kwoze

Gl 5:16

Tzwaln 'at pax junx tic 'ayex. Caw qui b'eylb'oquec 'icha tznib'j Yespíritu Dios. To 'ixta', ma'oj qui b'eylb'oquec 'icha tznib'j qui tu nab'enalec.

Jn 6:63

A jun Espíritu yic Dios, a tz'a'n qui q'uinlec. Ax qui niwnalec tic, may jac tztac' yu'uj. A jun tzo'n̈ paxti xwal 'ayx tic, caw yel yic Yespíritu Dios. Yuj cha, a tztac' ya'n e q'uinl 'a jun 'ejmn̈ej.

Ro 8:2

A Yespíritu Dios a tz'a'n qui q'uinlec 'a jun 'ejmn̈ej, yujto junxn̈ej cajc yet' Cristo Jesús. Yuj spoder Yespíritu, on̈ colchjec 'elt 'a yol sc'ab' maysch'olnil, yet' 'a yol sc'ab' chamel.

2 Co 3:6

A 'a'jnac copiso ya'malc servil on̈, tzcaln 'el yab'xil jun yac' trato on̈. A jun strato tic, man̈ yujoc qui yiclni junc tas tz'ib'b'il cani, tz'el'chi. Palta yujn̈ej Yespíritu tz'el'chi. A jun ley tz'ib'b'il cani, yopiso ya'n 'och chaml 'a quib'n̈ec. Palta ax Yespíritu Dios, yopiso ya'n qui q'uinlec 'a jun 'ejmn̈ej.

A Sb'ab'el Carta San Pedro 4:6

Yuj wal jun tic, alb'il can wach' 'ab'x 'a eb' chamnc xo. Yuj cha, wach'xam xcham sniwnal eb' yuj sb'eyc'ojlal Dios, 'icha tz'aj smasnil 'anma', palta ax spixn eb', tztac' schan sq'uinal, 'icha Dios 'ay sq'uinal.

Ro 8:10

Palta an̈ec tic, 'ayx 'och Cristo 'ayn̈ec. Yuj cha, wach'xam yowlal 'oj cham qui niwnalec tic yuj maysch'olnil tzb'o'o, ax qui pixnec, pitznn̈ej, yujto wach'n̈ec 'a sat Dios ticnec.

1 Co 15:45

'Ixtc yaj stz'ib'x can 'a Ch'an̈ Un̈ 'ixtic: A jun b'ab'l winac, Adán sb'i, a 'ajxnac pitzwc 'anma'il, xchi. Palta 'ay junx tza'n to xjawi, 'icha Adán chi yaji. Palta a jun cha, espíritu. Atn tz'a'n qui q'uinlec 'a jun 'ejmn̈ej.

Apoc 11:11

Palta ax 'a yic 'oj lajw nan̈l schan̈l c'u xcham eb', ax Dios 'oj 'a'nc pitzwc pax eb', 'oj sq'uex wan eb'. Ax jantcn̈ej eb' 'oj 'ilnc eb', caw 'oj xiw eb' si'mb'il.

A Scarta San Pablo D'a Eb' Aj Filipos 3:3

Palta an̈ec xo, a 'a sat Dios 'ac'b'iln̈ec xo circuncidar 'a yel, yujto tzcalc qui b'a 'a Dios 'a 'esal. An̈j 'a Cristo Jesús 'aj tzon̈ tzaljec. Ax jun tas tzb'o 'a qui niwnalec, matz ca'c 'och xon jac yipc qui c'ojol.