Gl 4:8 - Chuj San Sebastian Bible

⁸ A 'a yic yalan̈, mant eyojcoc Dios. Eya'jnac servil jun tzo'n̈ cob' eyaljnac e diosaloc, palta man̈ diosoc eb'.

Chuj San Mateo Bible

⁸ A d'a yalan̈taxo, manto eyojtacoc Dios. Eyac'nac servil juntzan̈ comon dios, palta man̈ diosoc.

Gl 4:8 Referans Kwoze

1 Co 8:4

Ax ticnec, 'oj wal yuj jun tzo'n̈ tas tzc'uxxi, yic tox x'ajx xajmb'al-l 'a jun tzo'n̈ tzalx 'och diosal cha. A jun tzo'n̈ tzalx 'och diosal cha, cojquec, may jac yopiso eb' 'a yolyib'n̈q'uinl tic. Yujto cojn jun Dios 'ay, may junc xo.

2 Ts 1:8

Ata 'oj yac' syailal eb' matz 'ojcan 'el Dios, eb' matz yiclni wach' 'ab'x yic Cajlil Jesucristo.

1 Ts 4:5

Matz tac' tzqui nib'jec 'och maysch'olnil yet' qui niwnal, 'icha eb' man̈ 'ojtnacoc Dios.

1 Ts 1:9

Yujto smasnil eb', wan laj yalnc eb' eyab'xil, chajtlto wach' e chajnacn̈ on̈, yic quec' 'ayx on̈. Wan yaln pax eb', chajtl eyutjnac eyactn can jun tzo'n̈ eyaljnac 'och e diosaloc, eyamn 'och eya'n servil Dios pitzan, atn Dios caw yel.

A Sb'ab'el Carta San Pedro 4:3

A 'a yic yalan̈, niwn tiempo e b'ojnac jun tzo'n̈ tas 'aj 'aych snab'en eb' man̈ 'ojtnacoc Dios. Palta can cab' jun tzo'n̈ chi ticnec. Yujto a 'a jun tiempoal cha, cojxn 'ajmulal e b'ojnac, cojn maysch'olnilal e nib'jnac 'ochi. 'U'm ex 'an̈, toxn̈ej tzex laj somlji ta'. Til wal 'an̈ eyu'jnac. An̈jtona', eyaljnac e b'a 'a jun tzo'n̈ tzalx 'och diosal, a jun tzo'n̈ cha, caw man̈ smojoc.

1 Co 1:21

Yuj sjelnal Dios 'ix 'el 'a sc'ojol, to a eb' yic yolyib'n̈q'uinl tic, man̈ yujoc sjelnal eb' cha, tztac' yojcan 'el eb' Dios cha. Palta x'el 'a sc'ojol, to an̈ec 'aych qui c'ojl 'a 'a, tzon̈ colchjec yuj jun wach' 'ab'ix, atn jun may yel'ch 'a sat eb' 'anma'.

Is 37:19

Tz'anc sdiosal eb', yujto wal yel man̈ diosoc jun tzo'n̈ cha. 'Anma b'ojnac, te eb', q'uen eb'. Yuj cha, xtechj satn 'el ewin eb'.

2 Cr 13:9

'In xe pechl pax eb' ya'mal 'och sti eb' 'anma 'a Jehová, atn eb' yin̈tl can Aarón yet' eb' levita, 'in xe si'cn pax 'och eb' tz'och ya'malc 'och e ti 'a jun tzo'n̈ e comn diosal 'a yol eyico', 'icha tzb'eylb'ej jun tzo'n̈ xo nacion̈. Tzann̈j mach tzjaw yet' junc quelm wacax, yet' ucwn̈oc no mam calnelu, a xe ya'cn 'och ya'malc 'och e ti 'a jun tzo'n̈ e diosal cha, palta a jun tzo'n̈ cha, man̈ diosoc eb'.

Ef 4:18

Ax snab'en eb', caw q'uic'q'uinl yaji. May xon jac sq'uinl eb' tzyac' Dios 'a jun 'ejmn̈ej. Yuj spitl eb', yuj cha, man̈ jac tznachj 'el yuj eb'.

1 Co 12:2

Eyojc xoni, a yic mant ex creyenteoc, ex 'ijx 'at 'a jun tzo'n̈ xeyalch e diosaloc. Ex 'at tic, ex 'at tic e sayn 'eq'ui. Palta matz tac' spaxtin jun tzo'n̈ cha.

Jeremías 10:25

Sec 'emt yowl a c'ojl 'a yib'n̈ jun tzo'n̈ chuc chon̈b'al cha, atn 'a yib'n̈ jun tzo'n̈ chon̈b' to matz ach 'ojcan 'eli. Atn jun tzo'n̈ chon̈b' to matz yal sb'a 'ayach, yujto caw 'ix satx 'el jun qui chon̈b' an̈ yin̈tl on̈ Jacob tic yuj eb' on̈. Jun 'ejmn̈ej on̈ satx 'el yuj eb', caw 'ix lan̈chj 'ejm qui nacion̈ 'a jun 'ejmn̈ej on̈, xin chi.

Josué 24:15

Palta toto matz yal e c'ojl tzeyac' servil Jehová, si'c ticnec mach 'oj eyac' servil. Tom a jun tzo'n̈ comn dios ya'jnac servil eb' qui mam quichmec 'a sc'axpil 'ec' a Eufrates, mto a scomn diosal eb' amorreo 'aj cajnon̈c 'ec' tic. An xo tic yet' smasnil eb' wic cajn 'a yol watut, a Jehová 'oj ca' servil on̈, xchi Josué.

Josué 24:2

'Ix yaln Josué chi 'ixtc 'a smasnil eb' chon̈b' cha: —A Jehová qui Diosalec an̈ israel on̈c tic, a aljnac can 'ixtic: A yic pecti', ata cajn win e mam eyichm 'a sc'axpil 'ec' a Eufrates, atn win Taré yet' chawn̈ yunnal, jun win tzcuch Abraham, ax junx winac, Nacor sb'i, ata tzyac' servil eb' jun tzo'n̈ comn dios.

Ex 5:2

'Ix ta'w win rey chi 'a eb' 'ixtic: —¿Mach jun Jehová tzeyal cha? Alc jac wab'i', sec 'oj in yiclc tas 'oj yala', ax ex in chan 'ati. An tic man̈ wojcoc xon jun Jehová tzeyal cha. Yuj cha, toc 'ayx wan ex in chan 'ati, xchi winac.

1 Jn 3:1

'In caw tzon̈ schamc'ojlejec qui Mam Dios, yujto tzon̈ yalc yunnaloc. Yel toni, yunnaln̈ec xo. Ax eb' yic yolyib'n̈q'uinl tic, matz nachj 'el yuj eb', toto yunnaln̈ec xo Dios, yujto man̈ yojcoc eb' Dios tic.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

A Tas Sc'ulejnac Eb' Schecab' Jesús Hechos 17:23

Yujto yic in b'eyc' 'a yol e chon̈ab', x'ec' wil 'ajtc tzlaj eyal e b'a 'a jun tzo'n̈ e diosal cha. Xwiln pax jun yet'l xajmb'al, 'ajtil tz'ib'b'il can 'och eyuj 'ixtic: A 'a tic tzcalc qui b'a 'a jun Dios man̈ cojcoc, xchi jun letra cha. A jun Dios cha, niwnoc cob' tzeyal e b'a 'a 'a, palta man̈ eyojcoc 'aj 'ay. Atn jun Dios chi tzwul wal yab'xil 'ayx ticnec.

A Tas Sc'ulejnac Eb' Schecab' Jesús Hechos 14:12

A Bernabé, xyac' eb' scuch Júpiter. Ax Pablo, xyac' eb' scuch Mercurio yujto a xpaxtin 'a eb'. 'Ixta xyutj eb' sb'i eb', yujto 'ixta sb'i chawn̈ sdiosal eb'.

Jn 1:10

A jun Spaxti Dios cha, wulnc 'ec' 'a yolyib'n̈q'uinl tic. Caw b'ob'il yolyib'n̈q'uinl tic yu'uj. Palta a yic swulc 'emta, ma'ix nachj 'el yuj eb' 'anma', toto a'.

Jeremías 2:11

Tom 'ay junc nacion̈ tox 'ix 'actn can sdiosal, wach'xam a sdiosal cha, man̈ caw Diosoc. Ax xo ax in chon̈b' ex tic, in eyactj cani, ex 'och tza'n yuj jun tzo'n̈ comn dios, wach'xam to tzex b'inax cob' wu'uj.

Ro 1:23

A Dios caw niwn yel'chi, may b'a'n̈ tzchami. Palta xyactj can eb', ax jun tzo'n̈ 'anma to chamlb'a yaji, a yechl eb' tzya'ch eb' sdiosaloc. Yet' pax jun tzo'n̈ yechl no ch'ic, no chan, yet' no chan̈e yoc, a jun tzo'n̈ yechl chi 'aj tzyal sb'a eb'.

Jeremías 5:7

Yuj cha, tzyaln Jehová 'ixtic: ¿Tas to wal 'oj wutc wa'n niwnc'ojlal 'ayex? A eb' eyunnal, caw in yactj can eb', tzb'inan eb' jun tzo'n̈ sdiosal to man̈ diosoc. 'Ix wac' b'ut'joc eb' si'mb'il, palta ma'ix syiclj eb' 'ayin. An̈ja sb'on eb' 'ajmulal, axn̈ej 'a yatut eb' 'ix 'ajmul 'ix tzlaj syam sb'a eb'.

Jeremías 16:20

¿Tom tztac' sb'on eb' 'anma sdiosal? Toto a eb' b'ojnac, wal yel, man̈ diosoc tzyal cha, 'oj schic eb' 'ayach, xin chi 'a Dios.

Gl 4:3

An̈jtona', 'ixta on̈ec. A 'a yic yalan̈, 'icha to 'unn on̈ec, yujto on̈ 'ajxec mandar yuj jun b'eyb'al yic yolyib'n̈q'uinl tic.