Gl 4:14 - Chuj San Sebastian Bible

¹⁴ 'Ac'b'ilx prowal yuj jun in yailal cha, palta ma'in e patquilj can 'el yu'uj. May tas eyal paxi, to may wel'ch 'a e sat. 'Icha tzcutj qui chan junc yángel Dios tzjawi, 'ixta eyutjnacn in e chani. 'Icha Jesucristo, 'ixta in 'a e sat in c'ochi.

Chuj San Mateo Bible

¹⁴ Vach'chom eyab'nac syail ved'oc yuj jun in yab'il chi', palta maj in e patiquejel-laj, maj in e chaqueli. Icha scutej co chaan junoc yángel Dios, icha chi' eyutejnac in e chaani, ichato a Jesucristo e chanac.

Gl 4:14 Referans Kwoze

Mt 10:40

A eb' tzex chani, an tzin schaj eb'. Ax eb' tzin chan cha, wan schan pax eb' jun checjnacn coti.

1 Ts 2:13

A yic caln 'el spaxti Dios 'a e cal on̈, yajn̈ej eya'n 'och 'a e c'ojol, chajtlto yel yic Dios, man̈ yico'oc 'anma'. Yuj cha, caw tzca'n̈j yuj diosal 'a Dios eyuj on̈. A spaxti tic, caw yel yico'. Caw 'ay yopiso sb'on qui nab'en an̈ creyente on̈c tic.

A Ch'an̈ Carta D'a Eb' Hebreo 13:2

Qui nac coti, to yowlal wach' tzcutjec qui b'a 'a eb' tzlaj 'ec' 'ayon̈. 'Ay eb' 'ixta yutjnac sb'a, palta man̈ yojcoc eb', toto ángel eb' 'aj wach' yutjnac sb'a eb' cha.

2 Co 5:20

Yuj cha, schecb' Cristo caj on̈. 'Icha to caw a Dios wan stew 'at 'ayx cuj on̈. Yuj cha, caw sjel Cristo tzon̈ 'aj qui tew 'at 'ayx on̈, sec tzex can 'a junc'ojlal yet' Dios.

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.

Zacarías 12:8

An Jehová in, 'oj in tan̈wc eb' cajn 'a Jerusalén cha. A eb' may wal sjelnal ya'n owl 'a scal eb' cha, caw wal 'oj jelnb'oc eb' 'icha rey David. Ax eb' yin̈tl David cha, a eb' 'oj jucb'tzan eb' 'a jelnal, 'icha to a jun wángel b'ab'l s'at 'a yojltac eb' mto 'icha to a 'in.

A Ch'an̈ Schab'l Libro Samuel 19:27

'Ix spitzn chan̈ win 'es 'a wib'an̈, 'ix yaln 'aych wuj mamin rey. Palta a a jelnal lajn 'icha junc yángel Dios, b'o cab' tas 'icha tza nib'j 'a wib'an̈.

A Ch'an̈ Schab'l Libro Samuel 14:17

An a checb' in tic mamin rey, 'oj in tan̈woc tas spac 'oj ac' 'ayin sec 'oj wic' sniwnal in c'ojol, yujto ach tic mamin rey, ojc wal tzotj a b'eyc'ojlwi 'a tas wach' yet' 'a tas tu', lajn ach wal 'icha junc yángel Dios. A cab' Jehová qui Diosalec, a tz'och et'oc, xchi 'ix 'a win rey David.

1 Ts 4:8

Toto 'ay mach tzchichn 'och 'a jun tzo'n̈ checnb'il tic, a 'a Dios wan schichn 'ochi, man̈oc 'a junc 'anma'. Palta atn Dios 'a'jnac 'och Yespíritu 'ayn̈ec.

Gl 4:13

Eyojtac, a yic in b'ab'l 'ec' 'ayx ta', yuj wal jun yab'il 'ochnc 'ayin, waln 'el wach' 'ab'x 'a e cal.

1 Co 4:10

'Icha to may jac qui nab'en 'a sat eb' 'anma 'on̈, yujto 'aych qui nab'en 'a Cristo on̈. Palta ax xo, caw jeln ex xo 'a yic Cristo chi e nani. Cojc on̈, man̈toc te'n on̈ on̈. Ax xo, 'icha to caw te'n ex xo. An̈ tic on̈, tzon̈ spatquilj can 'el eb' 'anma 'on̈. Palta ax xo, caw 'ay eyel'ch 'a sat eb'.

1 Co 1:28

A Dios tzsi'n chan̈ pax eb' may jac yopiso 'a sat eb' 'anma', yet' eb' patcab'il can 'el yuj eb', atn eb' may xon yel'chi. 'Ixta tzyutj Dios sch'oxni, to a eb' 'ay yel'ch 'a sat eb' 'anma', toxn may jac yel'ch eb' 'a sat Dios.

Jn 13:20

Wal yel tzwal 'ayex, a mach tzchan eb' in checab', tzyal 'el'chi, an tzin schaj eb'. A eb' tzin chan cha, tzchaj pax eb' jun checjnacn coti, xchi Jesús.

Lc 10:16

'Ix yaln pax 'a eb' scuywum 'ixtic: —A mach tzchan 'ab'noc 'ayex, tzyal 'el'chi, 'a 'ayn tzchaj eb' yab'i'. Ax eb' tzex patquiln can 'eli, tzyal 'el'chi, an tzin spatquilj can 'el eb'. A eb' tzin patquiln can 'el cha, tzyal 'el'chi, a Dios checjnacn coti, a tzpatquilj can pax 'el eb', xchi Jesús 'a eb'.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Mt 18:5

Tzann̈j mach tzchan junc 'unn 'icha jun tic, yujn̈ej to wico', an tzin scha'aj.

Ec 9:16

Yuj cha, wach'xam a sjelnal junc win meb'a cha, to may yel'ch 'a sat 'anma', may mach tznib'n 'ab'nc tas tzyala, palta an tic tzwala to yel xo 'ay yel'ch jelnal 'a yib'n̈ yip eb' tzte'wtzej sb'a.

Salmos 119:141

'Emmquilal 'anma 'in, toc 'ay jac wel'chi, palta ma'ix wac' sat in c'ojl 'a a checnb'il.

Job 12:5

A eb' may jac tas tzjaw 'a yib'an̈, tzpatquilj can 'el eb' junc mach 'oltac yaj yuj syailal; toc 'ay yel'ch junc chi 'a eb', wach'xam tztelw jun 'oltac cha.

Gl 3:26

Yujto tzca'c 'och 'a qui c'ojol, yuj cha, yunnaln̈ec xo Dios, junxn̈ej cajc yet' Cristo Jesús qui masnil.

Gl 3:28

Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

Gl 4:15

Palta ¿tasm x'aj jun e tzaljc'ojlal chi ticnec? Wal yel tzwalb't 'ayex, caw niwn e tzaljc'ojlal wet' ta'. Wach'xam yol e sat, lista eyaj eyi'n 'el ta, yic tzeya'n 'ayin.