Gl 1:5 - Chuj San Sebastian Bible

⁵ Yuj cha, calc wach' paxti 'a Dios 'a smasnil tiempo. B'o cab' 'ixta'.

Chuj San Mateo Bible

⁵ Yuj chi', calec vach' lolonel d'a Dios d'a masanil tiempo. Amén.

Gl 1:5 Referans Kwoze

Ro 11:36

Yujto smasnil tas, an̈j 'a Dios tzcoti. Smasnil tas b'ob'il yu'uj, sec tzcheclj 'el swach'il. Niwn cab' yel'ch Dios 'a smasnil tiempo. 'Ixta cab' tz'aji.

A Ch'an̈ Carta D'a Eb' Hebreo 13:21

Tzin nib'ej, yuj schic'l cha, tzwach' b'oj Dios e nab'en, sec wach'n̈j 'oj eyutc e b'a, tze b'on 'icha tznib'ej. Tzin nib'j paxi, yuj Jesucristo caw wach' tzon̈ 'ajc 'a sat, sec tzalj quet'ec. Niwn cab' yel'ch Cristo 'a smasnil tiempo. 'Ixta cab' tz'aji.

Salmos 72:19

Alx cab' wach' paxti 'a sb'i 'a smasnil tiempo. B'inax cab' sb'i 'a smasnil yolyib'n̈q'uinl tic. 'Ixta cab' tz'aji.

Apoc 14:7

Caw 'ip yaln 'a eb' 'ixtic: —Xiwn̈ec 'a Dios. Alc wach' paxti 'a 'a, yujto tox xjaw stiempoal ex sb'eyc'ojlani. Alc e b'a 'a 'a, yujto a b'ojnac satcha'an̈, sat lu'um, a mar, yet' jun tzo'n̈ spac'b'a', xchi.

Apoc 7:12

Xyaln eb' 'ixtic: B'o cab' 'ixta'. Alx cab' wach' paxti 'a Dios 'a smasnil tiempo. Alx cab'i', chajtlto caw niwn swach'il, yet' sjelnal. Alx cab' yuj diosal 'a 'a. Caw niwn yel'chi, niwn spoder, niwn pax yip. B'o cab' 'ixta', xchi eb'.

Apoc 5:12

Caw 'ip xyutj eb' yaln 'ixtic: A jun tzcuch Calnelu milb'il chamoc, caw smoj tzcalec to 'ay spoder, 'ay sricoal, 'ay sjelnal yet' yip. Caw niwn yel'chi, niwn swach'il. Caw smoj calnec wach' paxti 'a 'a, xchi eb'.

A Schab'il Carta San Pedro 3:18

Yowlal tze wach' 'ojquej 'el Cajlilec, atn Jesucristo qui Colmalec. An̈jtona', caw tze wach' chaj swach'c'ojlal 'a junjn c'u. Niwn cab' yel'ch Cajlilec ticnec, yet' 'a smasnil tiempo. Ya' cab'i'.

A Sb'ab'el Carta San Pedro 5:11

A Dios caw niwn yel'chi, Yajl yaj 'a smasnil tiempo. 'Ixta cab' tz'aji.

2 Ti 4:18

A 'oj in coln can 'el 'a yol sc'ab' smasnil maysch'olnil. 'Oj in swach' moloc, sec wach' 'oj in c'och 'a yol sc'ab' 'a satcha'an̈. Niwn cab' yel'ch Jesucristo 'a smasnil tiempo. 'Ixta cab' tz'aji.

1 Ti 1:17

A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.

A Scarta San Pablo D'a Eb' Aj Filipos 4:20

Niwn cab' yel'ch qui Diosalec, qui Mamc 'a smasnil tiempo. 'Ixta cab' tz'aji.

Ef 1:12

An̈ tic on̈, qui b'ab'l 'a'jnac 'och Cristo yipc qui c'ojl on̈. Yuj cha, x'el 'a sc'ojl Dios to cuj on̈, tzalx wach' paxti 'a 'a, chajtlto caw niwn swach'il.

Ro 16:27

Cojxn Dios 'ojtnac smasnil tas. Smasnil tiempo calc wach' paxti 'a yuj Jesucristo. Ya' cab'i'.

Lc 2:14

¡Alx cab' wach' paxti 'a Dios 'a satcha'an̈! ¡Ax 'a yolyib'n̈q'uinl tic, 'ay cab' junc'ojlal 'a eb' 'aj tzch'ox swach'c'ojlal! xchi eb'.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

Is 42:12

Yal cab' eb' chon̈b' 'ay 'a sti a mar swach' paxti 'a Jehová.

Is 24:15

An̈jtona yet' pax 'a stojlal 'aj tzq'uel c'u, yet' 'a jun tzo'n̈ nacion̈ 'ay 'a sti a mar, 'oj yal eb' wach' paxti 'a Jehová sDiosal Israel.

Salmos 41:13

¡Alx cab' wach' paxti 'a Jehová, atn qui Diosal an̈ israel on̈c tic, ticnec yet' 'a smasnil tiempo! 'Ixta cab' tz'aji.

1 Cr 29:13

Yuj cha, a ticnec, ach qui Diosal on̈, tzcal yuj diosal 'ayach, tzcaln pax qui wach' paxti 'a a b'i to wach' yochi.

1 Co 8:13

Yuj cha, q'uinloc 'ay junc mach 'oj juwc snab'en yuj tas tzin c'uxu. To 'ixta', yel xo am wach' man̈x 'a chib'j 'oj in chi', sec wach' may junc eb' 'oj juwc 'el snab'en wu'uj.