Gl 1:13 - Chuj San Sebastian Bible

¹³ Eyab'jnac xo, chajtl wutjnac in b'a 'a yic yalan̈, yic wa'n 'och in nab'en 'a scuynb'il eb' wit israelal. Caw niwn yailal 'ec' wa'jnac 'och 'a yib'n̈ yiglesia Dios. Wa'ljnac in satn 'el eb' smasnil.

Chuj San Mateo Bible

¹³ Eyab'nacxo chajtil vutejnac in b'a d'a yalan̈taxo, ayic vac'annac och in b'a d'a sc'ayb'ub'al eb' vetisraelal. Nivan val yaelal vac'nac och d'a yib'an̈ eb' yicxo Dios. Vac'nac val vip in satanel eb'.

Gl 1:13 Referans Kwoze

A Tas Sc'ulejnac Eb' Schecab' Jesús Hechos 8:3

Ax win Saulo, caw xyac' win stul 'a eb' creyente. Tzann̈j 'aj 'ay eb', x'och win 'a yol yatut eb'. 'Ix laj yi'nc 'elt win eb' winac, yet' pax eb' 'ix 'ix, x'at ya'nc 'och win eb' 'a preso.

1 Co 15:9

Yuj cha, an tic, may wel'ch 'a scal jun tzo'n̈ xo eb' schecb' Jesucristo cha. Palta a eb' cha, caw 'ec'b'al yel'ch eb' 'a wib'an̈. Caw man̈ in mojc walx 'och schecb'oc yet' eb', yujto caw wa'jnac 'och eb' yiglesia Dios 'a syailal.

A Tas Sc'ulejnac Eb' Schecab' Jesús Hechos 9:26

Ax yic xc'och Saulo chi 'a Jerusalén, tznib'j tzyam sb'a yet' eb' creyente ta'. Palta ton̈j 'ix xiw chan̈ eb' smasnil yu'uj, ma'ix chaj eb' yab'i', toto yel creyente xo.

A Tas Sc'ulejnac Eb' Schecab' Jesús Hechos 9:21

Jantcn̈ej eb' x'ab'n yalni, caw 'ix sat sc'ojl eb'. 'Ix yaln eb' 'ixtic: —Palta atn win tic x'ec' 'a'nc 'och syailal eb' creyente 'a Jerusalén, atn eb' tzyal sb'a 'a Jesús. A qui nani to tzjaw win wul syam eb' creyente 'a tic, yic tzyi'n 'at win eb' 'a sat eb' ya'mal 'och qui ti 'a Dios, xchi eb'.

1 Ti 1:13

Al 'a yic yalan̈, caw b'uchwjnacn 'a Cristo. Caw wa'jnac in tul 'a 'a, 'ay 'aj b'ajb'il wu'uj. Palta caw x'o'ch sc'ojl Dios 'ayin, yujto ma'ix nachj 'el wu'uj, tas xin b'o'o, yujto mant in creyenteoc ta'.

A Scarta San Pablo D'a Eb' Aj Filipos 3:6

Caw wa'jnac 'och in nab'en 'a jun qui cuynb'il chi 'on̈, yuj cha, wa'n 'och syailal eb' yic xo Cristo. C'uxn in yicljnac jantcn̈ej tas tzyal 'a ley yic Moisés, man̈x 'a jac in paltail 'a 'a.

A Tas Sc'ulejnac Eb' Schecab' Jesús Hechos 8:1

A Saulo, caw locn yet' eb' xmiln cham Esteban. Atn wal 'a jun c'u cha, 'ix 'el yich yajx 'och jun niwn yailal 'a yib'n̈ eb' creyente 'aj Jerusalén cha. Yuj cha, 'ix laj yi'nc 'el sb'a eb'. 'Ix laj 'at eb' 'a jun tzo'n̈ xo chon̈b' 'a yol yic Judea cha, yet' 'a Samaria. Cojxnn̈ej eb' schecb' Jesús 'ix can 'a Jerusalén cha.

1 Co 10:32

Wach'xam israel, mto man̈ israeloc, caw matz tac' ca'nec juwc 'el snab'en eb'. An̈jtona', yet' eb' yiglesia Dios quet'ec, matz tac' ca'nec juwc 'el snab'en eb'.

1 Ti 1:14

Caw niwn swach'c'ojlal Cajlil sch'ox 'ayin. Ya'jnac wa'ch in c'ojl 'a 'a, ya'jnac pax in chamc'ojlal, 'icha tzyutj ya'n 'ayn̈ junjn on̈, yujto junxn̈ej caj yet' Cristo Jesús.