Filemón 1:22 - Chuj San Sebastian Bible

²² Yet' pax junx tic tzwalb't 'ayach, tzac' lista jac in posada ta'. Toq'ue 'oj 'el 'a sc'ojl Dios 'oj in ya't 'ayx ta', 'icha tzeyutj e leslwi.

Chuj San Mateo Bible

²² Svalpaxb'at junxo tic d'ayach to tzac' lista jab'oc in posado ta'. Talaj icha chi' ol el d'a sc'ool Dios, ol in yac'b'at d'ayex ta', icha tz'aj e c'anan d'a e lesal.

Filemón 1:22 Referans Kwoze

A Scarta San Pablo D'a Eb' Aj Filipos 2:24

An̈jtona', tzwa'ch Cajlilec yipc in c'ojol, chajtlto caw an stac' 'oj 'at ex wila'. Yaln̈ej 'ajan̈ej c'u 'oj 'at ex wila'.

2 Co 1:11

Caw tzex colwj quet' 'a lesl on̈. Toto niwn ex 'oj e leslwi cuj on̈, an̈jtona', niwn ex 'oj eyac' yuj diosal 'a Dios yuj swach'c'ojlal 'oj yac' 'ayn̈ on̈.

2 Jn 1:12

Til to wal jun tzo'n̈ xo tas tzin nib'j tzwal 'ayex, palta matz in tz'ib'j 'at 'a jun in carta tic. Yujto tzin na'a, toq'ue 'oj stac' in 'at ex wila'. Atta 'oj in wach' alc can jun tzo'n̈ xo tas 'ayex, sec 'oj wach' jawc qui tzaljc'ojlalec ta'.

Santiago 5:16

Yuj cha, tzlaj eyal-lac e paltail 'ayx junjn ex. Tzex laj leslwi pax eyuj junjn ex, sec wach' 'oj laj b'oxc e c'ojol. A eb' tojl xon sb'eyb'al, a yic tzleslwi eb' 'a Dios, caw 'ay yel'ch slesl eb' cha. Til wal tas tztac' yuj eb'.

A Scarta San Pablo D'a Eb' Aj Filipos 1:19

yujto wojtac, wach'xam tzwab' syal ticnec, palta caw wach' 'oj waji, yujto wan e leslwi wu'uj. 'Ixta 'oj waji, yujto a Yespíritu Jesucristo 'aych wet'oc.

A Tas Sc'ulejnac Eb' Schecab' Jesús Hechos 28:23

Xlajw cha, smol aln eb', 'aja c'u tzyam sb'a eb' jun 'ejm xo. Ax 'a yic jun c'u cha, til wal eb' syam sb'a 'a 'aj 'ayc' Pablo cha. Ax 'a sq'uin̈b'ial, 'ix syamn 'och Pablo yaln 'a eb', masnto x'em c'u. 'Ix yaln 'a eb' tas wal tz'aj eb' 'anma yoch 'a yol sc'ab' Dios. 'Ix yaln pax 'a eb', tastc tz'ib'b'il can 'a ley yic Moisés, yet' tastc tz'ib'b'il can yuj eb' schecb' Dios pecti'. Caw xyac' wal snab'enoc eb', sec toq'ue tzya'ch eb' sc'ojl 'a Jesús.

3 Jn 1:14

Yujto tzin na'a, toq'ue 'oj stac' in 'at ach wila'. Atta 'oj in wach' alc can jun tzo'n̈ xo tas 'ayach.

A Ch'an̈ Carta D'a Eb' Hebreo 13:23

Tic tzwalb't 'ayex, a cu'tac Timoteo, x'el 'a libre. Toto 'oj jawc 'a tic muc'uc, 'oj 'at wet'oc, ax 'at ex wilnoc.

A Ch'an̈ Carta D'a Eb' Hebreo 13:19

An xo tic, caw tzin tew 'at 'ayex, caw tzex leslwi wu'uj, sec 'oj stac' in c'ochx 'ayx jun 'ejm xo muc'uc.

Ro 15:24

Yuj cha, tzin na'a, a yic 'oj in 'at 'a España, 'oj 'ec' ex wila', sec 'oj jawc in tzaljc'ojlal eyet' ta'. 'Oj lajwc in can jaye'oc c'u eyet' ta', tzin nib'j 'oj e colwj 'ayin, sec 'oj in c'och 'a España cha.

A Tas Sc'ulejnac Eb' Schecab' Jesús Hechos 27:24

'Ix yaln jun ángel chi 'ayn 'ixtic: Pablo, man̈ ach xiwoc, yujto yowlal 'oj a c'och 'a yojltac win yajl 'a Roma. Ojn̈ej, ax scoln 'el Dios eb' 'ayc' et' 'a yol te barco tic smasnil, xchi jun ángel chi 'ayin.