Filemón 1:17 - Chuj San Sebastian Bible

¹⁷ Toto tza na wet'oc, to qui wach'c'ojl qui b'a, caw tza chaj sc'och ta'. 'Icha to an tzin c'ochi, 'ixta tzotj a chan sc'och ta'.

Chuj San Mateo Bible

¹⁷ Yuj chi', tato tza na ved'oc to quetb'eyum co b'a, tza cha vin̈ sc'och ta' ichato a in tzin c'ochi.

Filemón 1:17 Referans Kwoze

2 Co 8:23

Toto 'ay mach 'oj c'anb'noc 'ayex, tas yaj Tito tic, toto xchi eb', tzeyal 'ixtc 'a eb': Yitb'eym sb'a yet' Pablo, to 'ayl munljoc 'a qui calc tic, xe chi. Toto 'ay mach 'oj c'anb'noc pax 'ayex, tas yaj eb' ajun yet' Tito tic, toto xchi eb', tzeyal 'ixtc 'a eb': A eb' tic, checb'il cot eb' yuj eb' creyente 'a jun tzon̈ xo iglesia, caw tzcheclj 'el swach'l Cristo yuj sb'eyb'al eb', xe chi 'a eb'.

Mt 10:40

A eb' tzex chani, an tzin schaj eb'. Ax eb' tzin chan cha, wan schan pax eb' jun checjnacn coti.

Filemón 1:12

Yuj cha, tic tzin checb't pax 'ayach. Caw tza chaj sc'ochi. 'Icha to an tzin c'ochi, 'ixta tzotj a chan sc'och ta'.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

A Ch'an̈ Carta D'a Eb' Hebreo 3:1

Ex wu'tac, ex wanab', yic ex xo Dios wet'oc, yujto a 'awtjnacn̈ec 'och yico'oc. Yuj cha, caw tze wach' 'a'j 'och e nab'en 'a Cristo Jesús, yujto schecb' Dios yaj 'ayn̈ec. An̈j tz'a'n 'och qui ti 'a jun 'aj tzcalc qui b'a.

Ef 3:6

Atn jun tzo'n̈ 'oj wal tic, 'ix 'ajx cojcoc 'el on̈. Ax xo man̈ ex israeloc, a yic tzeya'n 'och e c'ojl 'a jun wach' 'ab'x yic colnb'il tic, tzex 'och yunnalc Dios quet' an̈ israel on̈ tic tzlaj ca'ch qui c'ojl 'a on̈. Yu'uj, ax e chan e q'uinl quet' on̈. 'Icha to junxn̈ej 'anmal quilxec 'a sat. Ya'jnac can Dios sti yuj tas tzyac' 'ayn̈ yuj Cristo Jesús. Ax xo, junn̈j tzeyutj e chan pax jun tic quet' on̈.

A Tas Sc'ulejnac Eb' Schecab' Jesús Hechos 16:15

Yuj cha, xya'n 'ajxc bautisar sb'a 'ix, yet' jantcn̈ej eb' jun yaj yet' 'a yol yatut. Xlajw xoj cha, xyaln 'ix 'ayn̈ 'ixtc on̈: —Toto tze na'a, to yel tzwa'ch in c'ojl 'a Cajlil, 'ochn̈ec 'a yol watut. Wach' tzex 'aj ta', xchi 'ix 'ayn̈ on̈. Caw xtew 'och 'ix 'ayn̈ on̈, yuj cha, on̈ 'och wan ta on̈.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Mt 18:5

Tzann̈j mach tzchan junc 'unn 'icha jun tic, yujn̈ej to wico', an tzin scha'aj.

1 Jn 1:3

A jun quiljnac, cab'jnac spaxtin chi 'on̈, a tzcal 'ayx on̈, sec wach' junxn̈ej tzex 'aj quet' on̈. Yujto wal yel junxn̈ej cajc yet' qui Mam Dios. Junxn̈ej cajc pax yet' Yunnal, atn Jesucristo.

A Sb'ab'el Carta San Pedro 5:1

A ticnec, tic tzwalb't jun tzo'n̈ checnb'il tic 'ayx ex anciano 'a junjn chon̈ab', yujto an tic, anciano in pax eyet'oc. Caw wiljnac Cristo, chajtl 'ajnc yab'n syail. 'Ay waln wic in chan swach'l eyet'oc, atn jun tot 'oj checljoc 'eli.

A Ch'an̈ Carta D'a Eb' Hebreo 3:14

Yujto yictax b'ab'el, ca'jnaquec 'och yipc qui c'ojol. Toto an̈ja te'n tzcutjec qui b'a ca'n 'och yipc qui c'ojol, masnto 'a slajub', to 'ixta', 'ay calnec quic yet' Cristo.

Filemón 1:10

Tic tzin tew 'aych yuj Onésimo. 'Icha to wunnal x'aji, yujto schaj Cristo wuj 'a yol preso tic.

1 Ti 6:2

Toto 'ay eb' 'aych mosoal 'a junc yit creyenteal, wach'xam creyente junc spatron̈ eb' cha, niwn cab' yel'ch 'a eb'. Yel xo wal wach' tzyutj eb' smunlj 'a 'a, yujto creyente spatron̈ eb' cha, chamc'ojlb'il yuj Dios yet' eb'. Tzcham aln jun tzo'n̈ checnb'il tic 'a eb' ta', tza cuyn eb' 'a 'a.

A Scarta San Pablo D'a Eb' Aj Filipos 1:7

Caw smoj tzin na jun tzo'n̈ tic eyuj e masnil, yujto caw tzex in chamc'ojlej. Wach'xam 'aynto 'och 'a preso tic, wach'xam tzin c'och 'a yojltac eb' yajal, yic tzwalni chajtlto caw yel jun wach' 'ab'x tic, palta junn̈j tzeyutj e chan swach'c'ojlal Dios wet'oc.

Filemón 1:18

Lemb'il 'ay sb'oc 'ayach, mto 'ay junc xo smul x'och 'ayach. Toto 'ay, tza'cn 'a in cuenta.