Ez 6:2 - Chuj San Sebastian Bible

² Ach 'anma', 'ixc q'ueln 'a jolmctac witz yic chon̈b' Israel, tzaln 'at 'ixtc 'a yib'n̈ eb' 'anma chi ta':

Chuj San Mateo Bible

² Ach anima, ixic q'uelan d'a stojolal jolomtac vitz yic Israel, tzalan d'a yib'an̈ eb' cajan ta'

Ez 6:2 Referans Kwoze

Ez 19:9

Xya'ch eb' ch'oc 'a 'a, smacn 'och eb' 'a yol jaula, xyi'n 'at eb' 'a win sreyl Babilonia, axta xya'ch eb' 'a preso. 'Ixta xyutj eb' sec man̈xtzac 'ab'x yel yaw 'a lum jolmctac witz yic chon̈b' Israel. (A tzyal 'el'ch jun 'ab'x tic atn snun eb' sreyl chon̈b' Israel.)

Ez 37:22

Junxn̈ej nacion̈al 'oj ex wutc 'a jolmctac witz yic Israel, junxn̈ej e reyl 'oj eya'n cuenta. Man̈x chab'oc nacion̈al 'oj eyaji, palta to junxn̈ej.

Ez 36:1

Ach 'anma', al 'a eb' 'et israelal 'ay 'a lum jolmctac witz, to tzchaj eb' yab' in paxti'.

Ez 35:12

An Jehová in tic, 'ix wab' a b'uchwj 'a eb' lum chon̈b' 'ay 'a jolmctac witz yic chon̈b' Israel, 'ix aln cob' 'ixtic: A jun tzo'n̈ lugar tic, xcan eb' 'a sictaquil, yuj cha, ax ticnec 'oj in macc' wico'oc, xa chi.

Ez 34:14

'Oj wi't eb' 'a lum lum caw 'ay syaxil sat, atn lum jolmctac witz wa'jnac 'a eb'. Ata 'oj wac' 'iljoc eb', ax wa'n tas caw wach' tzc'ux eb' ta'.

Ez 33:28

'Oj can lum lum chi 'a sictaq'uil, cusltac xoj 'oj 'ajcni, ax wa'n lajwc sb'an̈quintacl eb' cha. Cusltac xoj 'oj 'ajcn eb' lum jolmctac witz yic chon̈b' Israel, man̈x 'a 'anma 'oj 'ec' ta'.

Ez 25:2

Ach 'anma', meltzjan̈ 'at q'ueln 'a yib'n̈ schon̈b' eb' amonita, tzaln can 'el jun tzo'n̈ paxti tic 'a yib'n̈ eb'.

Ez 21:2

Ach 'anma', meltzjan̈ 'at q'ueln 'a stojlal chon̈b' Jerusalén, tzaln 'at a paxti 'a yib'n̈ jun tzo'n̈ yatutal 'aj tzyal sb'a eb' 'anma'. Tzaln yab' eb' et israelal to 'ay tas 'oj jawc 'a yib'n̈ eb'.

Ez 20:46

Ach 'anma', meltzjan̈ 'at q'ueln 'a stojlal sur, tzaln 'at jun tzo'n̈ paxti 'a yib'n̈ lum jolmctac witz 'a Neguev 'ay 'a stojlal sur cha.

Ez 13:17

Ach 'anma', a ticnec al 'a jun tzo'n̈ eb' 'ix et chon̈ab', eb' 'ix cob' xyalch sb'a in checb'oc. A eb' 'ix cha, mun cob' tzyal eb' 'ix junc tas 'a yol yico'.

Ez 4:7

Tzach meltzj 'at q'ueln 'a chon̈b' Jerusalén, tza piln 'oxt sc'ab' a camix, tzach paxtin 'at 'a yib'n̈ jun chon̈b' cha.

Josué 11:21

An̈jtona', a 'a yic jun tiempoal cha, ata 'ix yijcan 'ec' Josué smasnil jun tzo'n̈ chon̈b' 'aj cajn 'ec' eb' yin̈tl Anac 'a lum Hebrón, 'a Debir, 'a Anab yet' 'a smasnil lum jolmctac witz yic Judá yet' lum yic Israel.

Ez 6:1

'Ix yaln pax Jehová 'ayn 'ixtic:

Ez 28:21

Ach 'anma', 'ixc q'ueln 'a yib'n̈ chon̈b' Sidón, tzaln 'el can jun tzo'n̈ paxti tic 'a yib'an̈.

Ez 21:7

Toto tzc'anb'j eb' 'ixtc 'ayach: ¿Tas yuj tzach 'oq'ui? toto xchi eb', al 'a eb' 'ixtic: 'Ay wal jun 'ab'x xwab'i, to 'ay wal jun tas wan sjawi. Smasnil 'anma', 'oj 'el spixn yuj xiwlal, 'oj 'el yip sc'ab' eb'. Toc 'ayt mach te'n 'oj yutc sb'a, c'uxn 'oj 'ib'xoc chan̈ spenc eb' yuj xiwlal cha. Caw wal la'n xo yaji, man̈x najtloc tiempo, xchi Dios, xa chi 'a eb', xchi 'ayin.