Ez 6:13 - Chuj San Sebastian Bible

¹³ A yic 'oj yilnc eb', t'occtac yaj eb' 'anma chi scham 'a scal jun tzo'n̈ yechl comn dios cha, 'a stz'ey yet'l xajmb'al eb', 'a lum tzalctac, 'a lum jolmctac witz, 'a yich eb' te ma'ach', atn 'aj tzlaj sn̈us eb' incienso 'a sdiosal cha, ata 'oj yojcoc 'el eb' to an Jehová in tic, to cojn in ton Dios in.

Chuj San Mateo Bible

¹³ Ayic ol yilan snivanil eb' milb'ilcham d'a spatictac juntzan̈ yechel chi' eb', d'a spatictac juntzan̈ altar, d'a tzalquixtac, d'a jolomtac vitz, d'a yichtac te te' c'ayum xiil yed' d'a yichtac te' ji c'ayum xiil, aton d'a juntzan̈ lugar b'aj sn̈ustz'a incienso eb' silab'il d'a juntzan̈ comon dios chi', icha chi' ol aj snachajel yuj eb' to a in ton Jehová sDiosal in eb'.

Ez 6:13 Referans Kwoze

Ez 20:28

A yic xwi'n 'och eb' 'a sat lum lum 'aj wa'jnac in ti wa'n 'a eb', cojn wal yic x'och eb' 'a lu'um, 'ix yiln 'och eb' lum tzalctac, eb' te te pim xi'il. Axta 'ix laj sn̈us eb' xajmb'al, xlaj ya'nc eb' yofrenda 'a jun tzo'n̈ sdiosal, atn jun tzo'n̈ chi tzuntzn cot yowl in c'ojl 'a yib'n̈ eb'. 'Ix ya'n tz'a eb' jun tzo'n̈ incienso, xlaj stob'n q'ue eb' jun tzo'n̈ yal uva 'a yib'n̈ jun tzo'n̈ cha.

Os 4:13

Xlaj 'at eb' 'a lum jolmctac witz yet' 'a lum tzalctac, axta xlaj sn̈us eb' te incienso, tzya'n pax eb' xajmb'al 'a yich eb' te álamo pim xi'il, 'a eb' te pocjiy yet' 'a eb' te ma'ach'. Yuj cha, xlaj ya'nc 'och sb'a yisl eb', yet' yalb' eb' 'a 'ajmulal.

Jeremías 2:20

A 'a yictax yaln̈taxi, syamn 'och yoch e tenmtacl 'ayin. Ma'ix eyiclj tas xwala. 'Ix eyaln 'ixtic: Matz qui nib'j tzach cac' servil, xe chi. Cojxn 'ajmulal tzlaj e b'o 'a lum tzalctac yet' 'a yich eb' te te caw pim xi'il.

A Ch'an̈ B'ab'el Libro Yic Yab'ixal Eb' Rey 14:23

'Ix sb'o pax eb' yet'l 'emmquilal 'a lum jolmctac witz, yet' 'a yich smasnil te te caw pim xi'il. Tzlin̈n chan̈ eb' q'uen q'uen yechloc, yet' te te sch'oxnb'il comn dios tzcuch Asera.

Is 1:29

'Ixta to b'i'an ax eyecn q'uixwc e b'a, yujto xlaj eyal e b'a 'a yechl jun tzo'n̈ comn dios, xeyi'n 'ejm e b'a 'a eb' te niwc mach' 'ay 'a calte'.

A Ch'an̈ Schab'il Libro Yic Yab'ixal Eb' Rey 16:4

An̈jtona', 'ix yac' xajmb'al, 'ix sn̈usntz'a incienso 'a jun tzo'n̈ macsej 'ay 'a jolmctac witz, yet' 'a yich eb' te te pim xi'il.

Jeremías 3:6

A 'a yic stiempoal win rey Josías, 'ix yaln Jehová 'ayn 'ixtic: ¿'Ix el am wal tas sb'o eb' et chon̈b' cha? Lajn wal xyutj sb'a eb' 'icha eb' 'ix 'ajmul 'ix. Caw tz'at eb' 'at sb'o mul 'a smasnil lum tzalctac, yet' 'a yich eb' te te pim xi'il.

Is 66:17

A Jehová, a tzaln 'ixtic: 'Oj in satl eb' tzya'ch sb'a 'emmquilal 'a jun tzo'n̈ comn dios 'ayc' 'a scal te 'awb'ente'. Tzlaj sb'o eb' 'icha tas tzb'o junc tzjucb'tzan eb' cha. Tzlaj schi eb' schib'jal no chitam, yet' no ch'o'ow. A eb' 'anma tzchin jun tzo'n̈ no noc' man̈ wach'c tic, junn̈j 'oj 'aj satl eb', yujto wojtac tas tzlaj sb'o eb', wojtac tas nab'il yuj junjn eb'. An tic 'oj in jaw in molb'tzoc eb' 'anma 'a junjn nacion̈ yet' 'a junjn chon̈ab'. 'Oj jawc eb' 'a wojltac, ax yiln eb' in poder.

Is 37:20

Ax ticnec jun Mamin Jehová qui Diosal on̈, coln̈ 'el 'a yol sc'ab' jun rey cha, sec tzyojquej 'el smasnil nacion̈ 'a yolyib'n̈q'uinl tic, to cojxn̈ej ach Jehová Dios ach, xchi Ezequías 'a slesal.

Jeremías 13:27

'Ix wila, jantc wal eyajmulal, atn wal jun tzo'n̈ 'ajmulal caw q'uixweltac xlaj e b'o'. Caw yajb'entac tas xlaj e b'o 'a lum tzalctac, yet' 'a calc te'. 'Oltacx wal ex 'aj Jerusalén. ¿Jantcto wal tiempo 'ayx 'ec' 'a scal e maysch'olnilal? xchi Dios.

Ez 18:6

Man̈ comnoc tzwa yet' eb' 'anma tz'at wac 'a lum jolmctac witz 'aj 'ay jun tzo'n̈ yechl comn dios yic eb' yit israelal; matz b'o 'ajmulal yet' yistzil yit wincal, man̈ comnoc tz'och 'a eb' 'ix 'ix 'aj stiempoal yel a a'.

Ez 43:7

xyaln 'ayn 'ixtic: Ach 'anma', atn wal jun lugar tic 'aj 'ay in despacho. Atn 'a tic 'oj in can cajn 'a e cal ax israel ex tic 'a jun 'ejmn̈ej. Man̈x b'a'n̈ 'oj spatquilc can 'el eb' et chon̈b' chi in b'i, man̈x 'oj ya'ch eb' smul sb'on chan̈ munamento 'a yib'n̈ yet'l eb' xi'lb'a 'a stz'ey watut, atn 'aj tzmucx eb' sreyl eb'.

Sofonías 1:10

An Jehová in an tzwala: A 'a yic jun c'ul cha, til wal 'oj 'ab'xoc yoch 'aw 'a spuertail yic no chay, yet' pax 'a junx stz'acb' chon̈b' tot b'ob'il. 'Oj 'ab'xoc pax yel yaw eb' 'anma yuj c'acp 'oj laj cot lan̈njoc 'a lum tzalctac.

Ez 23:41

Xlajw cha, x'em wocn eb' 'ix 'a sti sch'at, wach'x pax yaj sb'o jun te mexa yet' tas tzc'uxxi. A 'a sat mexa cha, ata xyac' 'ejm eb' 'ix jun incienso yet' jun aceite to wic yaji.