Ez 5:5 - Chuj San Sebastian Bible

⁵ An Jehová Yajl in 'a smasnil, an tzwal jun tic: A tas tzch'ox jun tic, atn chon̈b' Jerusalén, an 'ix wac' 'ejm jun chon̈b' chi 'a scal jun tzo'n̈ xo nacion̈.

Chuj San Mateo Bible

⁵ A in val Jehová in svala': Aton Jerusalén sch'ox jun yechel tic, a in vac'naquem d'a scal juntzan̈xo nación.

Ez 5:5 Referans Kwoze

Ez 4:1

'Ix yaln pax Jehová 'ixtc 'ayin: Ach 'anma', 'ij cot junc lum xamit, tza'n 'ejm 'a ojltac, tzlajw cha, tza b'on 'ejm yechl chon̈b' Jerusalén 'a yib'an̈.

Jeremías 6:6

A Jehová jun tztac' yuj smasnil, a 'ix aln 'ixtic: ¡Ch'acc 'el eb' te te'! tzeya'n 'och eb' te e b'achte'oc 'a spatquil 'el jun chon̈b' tic, yic 'oj eya'nc owl yet' eb' 'aj Jerusalén! A jun chon̈b'al eb' 'anma tic, 'oj wa'ch yailal 'a yib'n̈ eb', yujto cojxn 'ixtj 'anma tzb'o eb'.

Dt 4:6

Yicljec, tze b'eylb'an jun tzo'n̈ checnb'il tic; yu'uj 'ay e jelnal, 'ay pax e nab'en 'a sat jun tzo'n̈ xo chon̈ab'. A yic 'oj yab'nc eb' eyab'xil, ax yaln eb' 'ixtic: Caw jelan, caw 'ay snab'en jun nacion̈al eb' 'anma tic, 'oj schic eb' eyu'uj.

Ez 16:14

An Jehová Yajl in, an tzwala, to caw wal tzb'inax 'a scal jun tzo'n̈ xo nacion̈ yuj swach'l yilxi, yujto wach' xwutj in b'oni.

1 Co 10:4

An̈jtona', smasnil eb' 'u'jnac jun a 'ac'b'il yuj Dios 'a eb' 'a 'esal. A 'a sat jun q'uen q'ue'en, ata 'elnc ta a a'. A jun q'uen cha, sch'oxnb'il Cristo yaji.

Mt 5:14

'Icha sacq'uinal, 'ixta 'ex 'a yolyib'n̈q'uinl tic. Q'uinloc 'ay junc chon̈b' 'a junc tzalan, caw matz tac' sc'ub'x 'eli.

Miqueas 5:7

A yic cha, a eb' yin̈tl Jacob 'oj canoc, 'oj yi' cot eb' wach'ilal 'a scal nan̈loc chon̈ab', 'icha tz'aj sya'xb' te c'ultc yuj n̈ab', mto yuj chicb'chan̈ tz'em 'a 'ac'wal. A Jehová 'oj 'a'nc cot jun wach'ilal cha, man̈oc 'a eb' 'anma 'oj cotoc.

Dt 8:20

'Icha wal 'oj yutc Jehová satn 'el jun tzo'n̈ chon̈b' 'aj 'oj e c'och cha, 'ixta pax 'oj eyaj e satl jun xo, yujto matz eyiclj tas tzyal Jehová qui Diosalec, xchi Moisés.

Lm 1:1

Cusltac xoj yilx x'ajcn chon̈b' Jerusalén, atn jun niwquil chon̈b' 'aj til wal 'anma 'a pecti'. Lajn xoj yilx x'ajcn 'icha junc 'ix 'ix chamnc yichmil. A 'a pecti cha, 'icha to yajl yaj 'a scal jun tzo'n̈ xo nacion̈, ax ticnec, 'ix 'ajx pural yoch 'a munljel.

Ez 5:4

Tza si'n cot jaye'ocx xil a jolm cha, tza'n 'och 'a scal c'ac'. 'Oj 'och n̈ilnjoc c'ac' chi 'a 'a, ax stz'a'i. 'Icha wal jun c'ac' cha, 'ixta 'oj 'aj sjaw cusc'ojlal 'a eb' et israelal.

Salmos 87:3

Man̈x jantcoc wach' paxti tzyal 'a yib'n̈ schon̈ab'.