Ez 5:17 - Chuj San Sebastian Bible

¹⁷ 'Oj wa' cot wejl 'a e cal, yab'il tzcham 'anma yu'uj, no chiwjum noc' 'oj satnc 'el eyunnal, ax wa'n cot niwc owl 'a e cal, til wal mach 'oj cham yuj owl cha. An Jehová in, an tzwal jun tzo'n̈ tic, xchi Dios.

Chuj San Mateo Bible

¹⁷ A in Jehová in svala' to a in ol vac'b'at jun nivan vejel, ilya yed' chamel d'a yib'an̈ eb' yed' noc' chium noc', pilan ol chijocb'at yuninal eb' yuj noc'. Tzijtum eb' ol champax d'a scal oval, xchi Jehová.

Ez 5:17 Referans Kwoze

Ez 33:27

Al 'a eb', to an Jehová in, an tzwal 'ixtc 'a yib'n̈ eb': A eb' cajn 'a jun tzo'n̈ chon̈b' mac'b'il 'ejmi, 'oj cham eb' yuj owal. Ax eb' cajn 'a calte', a no calte'al noc' 'oj chinc eb', yet' pax eb' cajn 'a yoltc n̈aq'ue'en, a yab'il 'oj milnc eb'.

Ez 14:21

Yuj cha, an Jehová Yajl in, an tzwal 'ixtic: A yic 'oj wa'noc cot chan̈e niwc yailal 'a yib'n̈ chon̈b' Jerusalén, caw wal 'ay smay tas 'oj ujc cha. 'Oj jawc owal, wejel, no chiwjum noc' yet' yab'il. 'Oj cham eb' 'anma', yet' no noc'.

Ez 14:15

Q'uinloc tzwa' cot no chiwjum noc' 'a sat lum lum tic, ax tz'aji, tzsatn 'el no eb' 'anma 'a jun chon̈b' cha, cusltac tz'ajcni, man̈x 'a junc 'anma tztac' yec' yuj no'.

A Ch'an̈ Schab'il Libro Yic Yab'ixal Eb' Rey 17:25

Yictax sjaw cajn eb' ta', mant 'a xon 'aj tz'och eb' 'emmquilal 'a Jehová. Yuj cha, 'ix ya'n cot Jehová e no león 'a scal eb', yic tzchin no jaywn̈oc eb'.

Dt 32:24

'Oj cham eb' yuj wejel, ax sjaw c'a'l yab'il 'a yib'n̈ eb'. A junc yab'il caw ow 'oj satnc 'el eb'. Ax wa'n cot nan̈loc no chiwjum noc' 'a scal eb', atn no calte'al noc', yet' no chan caw 'ay svenenoal sti'.

Lv 26:22

'Oj wa' cot no chiwjum noc' 'a e cal, ax schin 'ejm no eyunnal, ax ya'n lajwc no e cajb'en noc', ax yemt e b'isl yuj no'. Man̈x 'a mach 'oj b'ey 'a b'e.

Mt 24:35

'Oj lajwc 'ec' satcha'an̈ yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

Ez 37:14

An tzwala, to 'oj wa'x 'och Wespíritu 'ayex, 'icha to 'oj e pitzw paxi; ax wa'n e cajx e lum chi jun 'ejm xo. 'Ixta to b'i'an, ax eyojcan 'eli to a tas 'aj tzwa'cn in ti an Jehová in, yowlal tzwac' 'el'choc, xchi Dios.

Ez 30:12

Ax wa'n tup a niwn a tzcuch Nilo, 'oj wac' jun nacion̈ chi 'a yol sc'ab' eb' 'anma maysch'olnil; a eb' chuc chon̈b'al chi 'oj satnoc 'ejm smasnil tas 'ay 'a 'a.

Ez 26:14

T'anmtac 'oj 'ajcn jun chon̈b' cha, lajn wal 'oj wutc can 'icha q'uen sam q'uen n̈el-li sat, man̈xtzac q'uib' sc'ultcal, ata 'oj yac' tacjoc eb' yamn chay schim, man̈x 'a b'a'n̈ 'oj b'o jun 'ejm xo.

Ez 23:47

Ax eb' 'anma cha, a eb' 'oj julq'uenan eb' 'ix. 'Oj tzu'x cham eb' yet' q'uen espada, ax smilx pax yune eb' chi yet'oc. Tzlajw cha, ax sn̈usx can yatut eb'.

Ez 22:14

Tom 'oj stac' ste'wtzan sb'a eb' 'a wojltac yic 'oj in b'eyc'ojlanc eb'. A tas tox xwala, yowlal 'oj 'el'choc.

Ez 21:32

'Oj e tz'a 'ejmi, ax sb'ey e chic'l 'a sat lum lum tic. Man̈x 'a mach 'oj e nan cot b'aq'uin̈. An Jehová in, an tzwala, xchi Dios, xa chi 'a eb', xchi 'ayin.

Ez 21:3

Al yab' eb' to an Jehová in, an tzwal 'ixtc 'a yib'n̈ eb': An tzwala, to tzin 'och 'ajc'ojlal 'ayex. 'Oj wic' q'uet wespada 'a yol yet'ul, ax in miln cham eb' 'anma wach' snab'en yet' eb' maysch'olnil sb'eyb'al. 'Oj 'el yich scham eb' 'anma 'a stojlal sur masnto 'oj c'och scham eb' 'a stojlal norte.

Ez 17:24

Ax smasnil te niwc te', 'oj yojcoc 'el eb' te', to an ton Jehová in. An tzwac' ch'acxoc 'el te niwquil te cha, ax te tzapn ste'il, a te tzwac' q'uib'oc. An tzwac' tacjoc eb' te', an pax tzwac' yaxb'oc te wan stacji. An tzwal jun tzo'n̈ tic, to 'oj wac' 'el'choc, xchi Dios.

Ez 17:21

A eb' soldado caw jelan, 'oj cham eb' 'a scal owl cha, ax eb' ma'oj chamoc, 'oj sactzic can 'at eb' 'a yolyib'n̈q'uinl tic. 'Ixta to b'i'an, ax eyojcan 'eli to an Jehová in tzwac' 'el'choc tas tzwala.

Ez 14:19

Toto tzwa't yab'il 'a yib'n̈ junc nacion̈ cha, yet' wal yowl in c'ojol, ax wa'n cham eb' 'anma yet' no noc'.

Ez 6:12

A eb' najt 'oj 'atcni, 'oj cham eb' yuj yab'il; ax eb' la'n 'oj canoc, 'oj cham eb' yuj owal; ax pax eb' ma'oj cham yuj owl cha, a wejl 'oj milnc eb'. 'Ixta wal 'oj wutc wa'n cot yowl in c'ojl 'a yib'n̈ eb'.

Ez 5:15

A yic 'oj wa'nc 'och yailal 'a eyib'n̈ yuj yowl in c'ojol, ax eb' 'anma 'a jun tzo'n̈ xo chon̈b' 'a e la'nil, caw wal 'oj ex stzetzc eb', ax ex sb'uchn eb'.

Jeremías 15:3

An Jehová in, an tzwala: 'Oj wa' cot chan̈ macn̈ yailal 'a yib'n̈ eb' 'anma tic: 'Oj milxoc cham eb' 'a scal owal, 'oj jucxoc b'eyc'oc sniwnal eb' yuj no tz'i', 'oj chixoc eb' yuj no 'usej, ax e no calte'al noc' 'oj wach' satnc 'el eb'.

Ex 23:29

Man̈ junn̈joc ab'il 'oj wi'l eb' mu'c 'a sat lum lum cha, sec wach' ma'oj juwc lu'um, yujto 'ay smay sniwtj sb'isl no calte'al noc', ax tz'aji tzex yixtn pax e no'.

Apoc 6:8

Ax xwilni, 'ayc' junx chej caw c'an. A jun 'ay q'ue 'a yib'an̈, atn Chamel. Ax jun lugar 'aj 'ay spixn eb' chamnac, 'icha to a tza'n 'och yu'uj. A jun cha, 'ix 'ajx spoder 'a yib'n̈ eb' 'anma 'a yolyib'n̈q'uinal. Chan̈c'aj 'oj 'el eb'. Palta 'ay junc'aj eb' 'oj milxc chamoc. 'Oj cham eb' yuj owal, mto yuj wejel, mto yuj yab'il, mto yuj jun tzo'n̈ no chiwjum noc' 'ay smay.

Ez 5:16

A yic 'oj wa'noc cot jun wejl chi 'a eyib'an̈, 'oj jawc lemnjoc 'ayx 'icha wal junc jul-lab' tzcham 'anma yu'uj. 'Oj wac' niwtjoc jun wejl chi 'a e cal, sec 'oj e lajw 'el yu'uj, ax slajw chan̈ smasnil tas tze c'uxu.

Ez 6:1

'Ix yaln pax Jehová 'ayn 'ixtic:

Ez 28:23

'Oj wa' cot yab'il 'a yib'n̈ eb' 'anma', ax sb'ey chic' 'a yol caye. Til wal 'aj 'oj cot eb' 'a'm owl cha, ax scham eb' 'anma chi smasnil. 'Ixta to b'i'an, ax yojcan 'el eb' to an ton Jehová in.