Ez 5:15 - Chuj San Sebastian Bible

¹⁵ A yic 'oj wa'nc 'och yailal 'a eyib'n̈ yuj yowl in c'ojol, ax eb' 'anma 'a jun tzo'n̈ xo chon̈b' 'a e la'nil, caw wal 'oj ex stzetzc eb', ax ex sb'uchn eb'.

Chuj San Mateo Bible

¹⁵ A val yic ol vac'anoch yaelal d'a yib'an̈ eb' yed' yoval in c'ool, masanil eb' ay d'a slac'anil eb' ol yajanoc yed' sb'uchvaj eb' d'a chon̈ab' Jerusalén chi'. Sch'oxnab'il yoval in c'ol ol ajoc.

Ez 5:15 Referans Kwoze

Ez 25:17

Caw niwquil 'oj wutc in pacn in b'a 'a eb' yuj yowl in c'ojol, sec 'oj yojcoc 'el eb', to an Jehová in, to cojn in ton Dios in, xchi Dios.

1 Co 10:11

Smasnil jun tzo'n̈ tas jawnc 'a yib'n̈ eb' qui mam quichm chi 'on̈, ch'oxnb'il yaj 'ayn̈ec. Tz'ib'b'il can jun tzo'n̈ chi 'a Ch'an̈ U'un̈, sec cojquec, to 'ay smay yoch qui mulec. Yujto an̈ec tic, 'ayn̈ecx 'ec' 'a jun slajb' tiempoal.

Is 26:9

Cojn 'ayach, ata 'aych in nab'en yic tz'ec' junjn 'ac'wal; an̈jtona 'a sq'uin̈b'ial, tzach wa'n 'och yipc in c'ojol. A yic tza b'eyc'ojlan eb' 'anma', ata 'oj nachj 'el yuj eb', tas tzyutj eb' stojlb'tzan sb'eyb'al.

A Ch'an̈ B'ab'el Libro Yic Yab'ixal Eb' Rey 9:7

toto 'ixta', 'oj wi'l in chon̈b' Israel tic 'a sat lum lum wa'jnac can 'ayx tic. A jun n̈a 'ix in si'cn 'och wico'oc can tic, 'oj wi'cn 'el 'a wojltac, nachji ax ex sb'uchn smasnil eb' nacion̈.

Nahúm 1:2

A Jehová Dios toni, tzyac' spac yet' yowl sc'ojl 'a eb' tz'i'n 'ec' tas to smacl Jehová yaji. Tzpac sb'a pax 'a eb' tz'och 'ajc'ojlal 'a 'a, caw tzcot pax yowl 'a eb'.

Salmos 79:4

Til wal qui b'uchx yuj eb' 'anma oyn 'och 'a qui la'nil on̈, tzetzjub'tac quilx 'a sat eb' on̈.

Dt 28:46

A jun tzo'n̈ yailal cha, sch'oxnb'il yowl sc'ojl Dios 'ayex, yet' pax 'a eb' eyin̈tl 'a smasnil tiempo.

Salmos 39:11

Ach tzon̈ a cuy on̈, tza'n 'och qui yailal yuj qui mul on̈, 'icha to 'ijctac xo tzotjcan tas yel xo tzqui chamc'ojlej on̈. Qui masnil on̈, caw may yel'ch yec' qui q'uinal, lajn 'icha qui'n quic' jun 'ejmoc.

Is 43:28

Yuj cha, ma'ix yal in c'ojl to tzin ya' servil eb' ya'mal 'och e ti ax israel ex tic. Ex yin̈tl can Jacob, 'oj ex wac' satxoc 'eli, caw wal 'oj eyixtxi, xchi Dios.

Jeremías 23:40

Smasnil tiempo 'oj wa'cn 'och q'uixwc'ojlal 'ayex, ax wa'n cot pax yailal 'a eyib'an̈. Man̈x 'a b'a'n̈ 'oj 'at satc'ojlal eyu'uj, xchi Dios, xa chi 'a eb', xchi 'ayin.

Ez 5:8

Yuj cha, an Jehová Yajl in, an tzwal 'ixtic: 'Oj woch 'ajc'ojlal 'ayex, q'ueln 'och jun tzo'n̈ xo nacion̈ 'ayex, ax wa'n 'och eyailal.

Ez 5:16

A yic 'oj wa'noc cot jun wejl chi 'a eyib'an̈, 'oj jawc lemnjoc 'ayx 'icha wal junc jul-lab' tzcham 'anma yu'uj. 'Oj wac' niwtjoc jun wejl chi 'a e cal, sec 'oj e lajw 'el yu'uj, ax slajw chan̈ smasnil tas tze c'uxu.

Ez 14:8

An tzwala to 'oj woch 'ajc'ojlal 'a 'a, ax wa'n 'och ch'oxnb'ilal 'a scal 'anma', ax wi'n 'el 'a scal eb' in chon̈ab', 'ixta to b'i'an, ax in eyojcan 'eli, to an Jehová in, to cojn in ton Dios in.

Ez 16:57

yujto mantzac checlj smul. Ax ticnec, a eb' edomita, eb' filistea yet' eb' cajn 'a stz'ey, caw wal 'oj sb'uch eb'.

Ez 22:4

Yuj a milm 'anma'il 'ix 'och a mul, 'ix laj a b'o jun tzo'n̈ yechl comn dios, 'ix extn 'el a b'a yu'uj. Atn yuj jun tzo'n̈ tic, tzjaw slajb' sc'ul eco'. 'Oj ach wac' sb'aj jun tzo'n̈ xo nacion̈, ax ach wa'n sb'uch eb' 'anma 'ay 'a sat lum lum tic.

Ez 23:32

An Jehová Yajl in, an tzwal 'ixtic: A tas xyu'j 'ix a nul'j cha, a pax 'oj wac' oc' ach tic. A jun vaso 'oj a c'an cha, caw niwquil, xab' pax yich. Ata 'oj b'ut'joc 'ejm sb'uchwal paxti eb' nacion̈ 'ayach.

Ez 30:19

'Oj wa'ch wal yailal 'a yib'n̈ eb' 'aj Egipto, 'ixta to b'i'an ax yojcan 'el eb', to an Jehová in, to cojn in ton Dios in, xchi Dios.

Lv 26:32

'Oj wac' lajwc 'ejm e chon̈b' cha, ax eb' 'ajc'ojl yajch 'ayex, a eb' 'oj wul cajnoc can paxi, 'oj laj sat sc'ojl eb' yiln jun cha.

Dt 28:37

'Oj sat sc'ojl jun tzo'n̈ xo nacion̈ eyu'uj, tu eyilx 'a sat eb'. 'Oj e b'uchx yuj eb' 'anma 'aj 'oj ex yi't Jehová.

2 Cr 29:8

Yuj wal cha, 'ix cot yowl sc'ojl Jehová 'a quib'n̈ an̈ 'aj Judá on̈c tic, yet' 'a yib'n̈ Jerusalén. Toxn̈ej caw tzsat qui c'ojl quilnec 'och tas on̈ yutjec, b'uchnb'ilal on̈ 'ajc 'och yuj 'a jun tzo'n̈ xo nacion̈, 'icha tas wan quilnec ticnec.

Jeremías 29:18

'Oj in pech b'eyc'oc eb' yet' owal, yet' wejel, yet' pax yab'il. Ax wa'n yajxoc eb' yuj jun tzo'n̈ nacion̈. 'Oj jawc catb' 'a yib'n̈ eb', caw 'oj xiw eb' 'anma yiln 'och eb'. 'Oj b'uchwjoc eb' 'anma chi 'a eb', ax sb'ajx eb' yuj eb' 'a jun tzo'n̈ nacion̈ 'aj 'oj sactzic can 'at eb' wuj cha,

Lm 2:15

A yic tz'ilx chon̈b' Jerusalén yuj eb' tzlaj b'ey 'a b'e, tzlaj spo'nc can eb' sc'ab' yu'uj, yic tzb'uchwj can eb' 'a 'a. Tzlaj xulmj eb', tzlaj syucnc eb' sjolom yuj sb'uchn eb', tzlaj yalnc eb' 'ixtic: ¿Am jun chon̈b' tic til wal sb'inax 'a sat lum lum tic, tolab' yel xo wach' yilxi? xchi eb'.

Lm 2:16

Smasnil eb' 'ajc'ojl yajch 'a 'a, tzlaj yal eb' tu paxti 'a 'a. Tzlaj xulmjoc eb', tzlaj pax ch'umnjoc eb', tzlaj yaln eb' 'ixtic: 'Ix qui satc 'ejm jun chon̈b' tic 'a jun 'ejmn̈ej. Atn jun c'ul tic tan̈b'il xon cujec; al ticnec, wan quilnec tas tz'aji, xchi eb'.

Ez 11:9

'Oj ex wic' 'elt 'a yol chon̈b' tic, ax wa'n 'och yailal 'a eyib'an̈, ax 'a yol sc'ab' eb' chuc chon̈b'al, ata 'oj ex wactcani.

Ez 16:41

'Oj sn̈ustz'a eb' yatut, ax sb'eyc'ojlan eb' yet' yailal 'a sat jun tzo'n̈ xo eb' 'ix 'ix. 'Ixta 'oj aj yoch wan sb'on 'ajmulal, ax yactn stojn eb' chamc'ojlab'il yuj cha.