Ez 48:8 - Chuj San Sebastian Bible

⁸ A yic tzlajw schan eb' chi yic cha, ax yechtax can 'el lum wic sic'b'il can 'eli, 'oj cot lum 'a jun mon̈jon 'ay 'a stojlal 'aj tzq'uel c'u, ax sc'och lum 'a sti a Mar Mediterráneo cha. A jun lum cha, nan̈lyoxlajn̈il kilómetro yoc, ax sat, lajn yet' yic junc 'in̈tal eb' israel cha. A 'a snan̈l jun lum cha, ata 'oj can watut.

Chuj San Mateo Bible

⁸ A d'a stz'ey lum smacb'en Judá, ata' ay jun lum sic'b'ileli: 12 kilómetro yed' nan̈alxo sat luum. Axo steel luum, lajan yed' steel lum smacb'en junjun in̈tilal, scot d'a stojolal b'aj sjavi c'u masanto d'a stojolal b'aj tz'em c'u. A d'a snan̈al lum chi', ata' ay in templo.

Ez 48:8 Referans Kwoze

Is 12:6

Ex 'aj Sión, 'el cab' eyaw yuj tzaljc'ojlal yujto a qui Diosal an̈ israel on̈c tic, atn jun Dios To Cojxni, caw 'ay smay, 'ayc' 'a qui calec, 'oj e chioc.

Apoc 22:3

May junc tas, may junc mach catb'tzab'il yuj Dios 'oj c'och ta'. A 'a jun chon̈b' cha, ata 'ayc' sdespacho Dios yet' yic jun tzcuch Calnelu. Ax eb' ya'mal servil, 'oj yal sb'a eb' 'a 'a.

Apoc 21:22

May junc yatut Dios 'a jun chon̈b' cha, yujto a Dios Cajlil, atn jun tztac' yuj smasnil, yet' jun tzcuch Calnelu, a eb' 'ayc'n̈ej 'a smasnil jun chon̈b' cha.

Apoc 21:3

Ax xwab'n yoch jun paxti 'a sdespacho Dios. Caw 'ip yaln 'ixtic: —'Ilto, a Dios 'ayc' yet' eb' 'anma ticnec. A 'oj cann̈j yet' eb'. Atn eb' chi schon̈b' yaji. Caw a Dios 'oj can 'a scal eb', atn wal sDiosal eb'.

A Scarta San Pablo D'a Eb' Aj Colosas 2:9

A Cristo, tz'acn yajch Dios 'a 'a.

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

Ez 48:35

A yechl jun muro chi 'a smasnil, jun oyn 'och 'a spatc 'el jun chon̈b' cha, b'aln̈e mil metro. Ax sb'i jun chon̈b' cha: Scajnub' Jehová, 'ixta 'oj sb'ioc, xchi Dios 'ayin, xchi Ezequiel.

Ez 48:21

Ax win yajl cha, a win 'oj 'ica'anc lum tzcan 'a snan̈l yic Judá yet' lum yic Benjamín; tzyal 'el'chi, atn lum tzcan 'a sti lum wico', yet' 'a sti 'aj tzcan yet'l chon̈ab'. A jun lum cha, nan̈lyoxlajn̈il kilómetro sat. Tz'atn̈j lum 'a yich jun mon̈jon 'ay 'a stojlal 'aj tzq'uel c'u, ax junc'aj xo 'a stojlal 'aj tz'em c'u, masnto tzc'och lum 'a sti a mar. A lum wic tzpojx can 'el cha, snan̈l eb' lum tic tzcan lu'um, lum 'aj tzcan yet'l watut, lum yic eb' levita yet' lum yet'l 'aj tzb'o chon̈ab'.

Ez 48:9

A lum wic an Jehová in, nan̈lyoxlajn̈il kilómetro snajtil yoc lu'um, ax lajn̈e kilómetro sat.