Ez 47:12 - Chuj San Sebastian Bible

¹² A 'a sti a a chi 'a schapaq'uil, ata 'oj q'uib' chan̈ smasnil te 'awb'ente tzlox sat, ax te xil chi 'oj 'och remelal. 'A junjn 'uj ax ya'n te sat, ma'oj pucl pax xil te', yujto a 'a scal yib' te', ata tz'ec' a tz'elt 'a yol yatut Dios. 'Oj loxoc sat eb' te', ax yoch te xil chi remelal, xchi 'ayin.

Chuj San Mateo Bible

¹² A d'a stitac a a' chi', ol q'uib'q'ue masanil macan̈il te te' sloji sat. A te te' chi', malaj b'aq'uin̈ sc'ajb'anem xiil te'. Man̈ ol yactejpax yac'an sat te'. Junjun uj syac'n̈ej sat te', yujto a a' tz'elta d'a templo ayoch yaloc te'. A sat te' chi', ol lochajoc, axo xil te' ol och remeyoal, xchi vin̈ d'ayin.

Ez 47:12 Referans Kwoze

Apoc 22:2

A 'a snan̈l jun scayeal jun chon̈b' chi tz'at a'. Ax 'a junjn stitc a', ata 'ay te te tz'a'n qui q'uinlec 'a jun 'ejmn̈ej. A te te cha, lajchw 'ejm tzsatn 'a junjn ab'il. Junjn 'uj tzsatni. Ax xil te', a tz'a'n b'oxc sc'ojl eb' 'anma 'a junjn nacion̈.

Salmos 1:3

Smasnil tas tzb'o eb', caw wach' tz'aj 'el'chi. A eb' cha, lajn wal eb' 'icha junc te te 'ayc' 'a sti junc a a', tzyac' sat 'a stiempoal, may pax b'a'n̈ tzpucl xi'il.

Ez 47:7

ax xwilni, til wal jun tzo'n̈ te te 'ib'ctac yaj 'a sti jun a cha, 'ayn̈j eb' te 'a schapaq'uil sti a'.

Jeremías 17:8

Lajn wal eb' 'icha te te 'awb'il 'a sti a', tz'at sch'an̈l yib' te 'a 'aj tzb'ey a a cha. Wach'xam 'ay c'ac', palta may tz'i'n te', caw pimn̈j xil te'. A 'a yic may n̈ab', matz tac sc'ojl te', may xon tz'aj yoch wan te ya'n sat.

Gn 2:9

'Ix ya'n Jehová q'uib' smasnil te te caw wach' yilx tzyac' sat, te wach' slox sat. Ax 'a scal jun tzo'n̈ xo te 'awb'ente cha, ata 'ay jun te te tz'a'n q'uinal, yet' jun te tz'a'n nachjoc 'el 'aj 'ay tas wach' yet' tas tu'.

Salmos 92:12

Palta ax eb' wach' snab'en, 'icha to 'oj nichnoc eb' 'icha te palma, ax sq'uib' eb' 'icha te c'ute 'a Líbano.

Job 8:16

A eb' 'anma maysch'olnil snab'en, lajn eb' 'icha junc te snichte tzpo'chj yuj yoc c'u, chucx lum lum 'aj tzpa'x chan̈ te sat cha.

Is 61:3

In jaw wul wac' scorona eb' 'aj Sión 'aych 'a scusc'ojlal, atn sniwnal sc'ojl eb' tz'ajx sjelc stan̈il c'ac' tzlaj yac' q'ue eb' 'a sjolom. Tzwa'n stzaljc'ojlal eb' sjelc yal sat, ax eb' 'ay somc'ojlal, a b'it yic alj wach' paxti', a tzwa'cn 'a eb'. Ax yalx yuj eb' to lajn eb' 'icha junc 'awb'ente 'awb'il yuj Jehová. 'Oj sb'o eb' tojlal, sec 'oj b'inaxc sb'i yuj eb'.

Is 60:21

A smasnil eb' eyit chon̈b' 'a jun tiempoal cha, caw wach'n̈j 'oj 'aj snab'en eb'. 'Oj yico'oc pax eb' lum e lum chi 'a jun 'ejmn̈ej. Lajn wal eb' 'icha swol junc 'awb'ente', sec tzin b'inax yuj eb'.

Jeremías 8:22

¿Man̈x am wal sb'omb'il 'a lum Galaad? ¿May am wal junc mach tztac' yan̈tn ta'? ¿Tas wal yuj matz tac' yan̈tx eb' wit chon̈b' tic?

Is 1:6

'Icha to man̈x 'a xon jac sjacnil 'a sniwnal yuj syailal, tzchaj 'el 'a yoc masnto tzq'ue'ch 'a sjolom. 'Ay 'elnc sat, 'ay ton̈j malnac, 'ay pax wan sc'a'i. May pax yan̈l tzya'chi, may mach tz'a'n 'och jac spichl sat, may pax jac aceite tzya'ch 'a 'a yic tzpacb'i, 'ixta on̈ 'ajec.