Ez 46:1 - Chuj San Sebastian Bible

¹ An Jehová Yajl in, an tzwala: A jun puerta 'ay 'a sti 'amc' 'a yojl 'ochi, jun 'ay 'a stojlal 'aj tzq'uel c'u, macnn̈ej 'a yic 'ay munljel 'a waque c'ual, at 'a yic sc'ul 'iljelal yet' 'a yic tzpac' 'uj, atta tzjacwi.

Chuj San Mateo Bible

¹ A in Jehová Yajal in svala': A jun spuertail schab'il amac' d'a stojolal b'aj sjavi c'u, a d'a vaque' c'ual munlajel, yovalil macann̈ej, an̈ej d'a sc'ual ic'oj ip sjacvi yed' d'a sc'ual yic tz'alji q'uen uj.

Ez 46:1 Referans Kwoze

Is 66:23

A yic tzpac' 'uj 'a junjn 'ujal, yet' 'a yic sc'ul 'iljelal 'a yol junjn seman, 'oj jawc smasnil 'anma 'a wojltac, ax yem cumn eb' 'ayin.

Ex 20:9

Waquen̈ej c'u tzex munlji, yic tze b'on smasnil e munljel;

Lc 13:14

Ax win yajl yaj 'a jun n̈a cha, xcot yowl winac, yujto a 'a sc'ul 'iljelal xb'ox sc'ojl 'ix yuj Jesús. Yuj cha, xyaln win 'ixtc 'a eb' 'anma chi 'ayc' ta': —Waquen̈ej c'u smoj tzon̈ munljec 'a yol seman. A 'a waque c'u cha, tzann̈j c'ul 'aj tzex jaw wul eyac' b'oxc e c'ojol, palta man̈ smojc tz'ajx b'oxc e c'ojl 'a sc'ul 'iljelal tic, xchi win 'a eb'.

Ez 46:6

Palta ax yic tzpac' 'uj, ata tz'ajx jun quelm wacx xajmb'alil, wacwn̈ quelm calnelu yet' jun mam calnelu, e no may spaltail.

Ez 8:16

In yi'n 'at 'a yol sti yamq'uil yatut Dios, ax 'a yol 'och sti puerta cha, 'a sla'nil 'aj 'ay yet'l xajmb'al, ata 'ay 25 eb' winac. A yichspatquil eb' 'aycn cot 'a stojlal yatut Dios, axta q'ueln 'at eb' 'a stojlal 'aj tzq'uel c'u, cumn 'ejm eb' yal sb'a 'a c'u.

Gn 3:19

'Oj 'el yalil snan̈l a sat, ax yilchj tas 'oj a c'uxu', masnto 'oj a meltzj 'a lum lum tic jun 'ejm xo, yujto a 'a lum ach coti, yuj cha, 'oj a meltzj can pax 'och lumal jun 'ejm xo, xchi Dios.

1 Cr 9:18

Tztan̈wxn̈ej spuerta eb' rey yuj eb' levita 'a stojlal 'aj tzq'uel c'u. A jun tzo'n̈ eb' tic 'aych 'a yib'n̈ eb' stan̈wni spuertail camplamento 'a scal eb' yit levitail.

Ez 10:3

Ax eb' querubín cha, ata 'ayc' eb' 'a spac'b'il yatut Dios 'a stojlal sur. 'Ix 'eml 'asun, xb'ut'j 'el yojl 'och sti yamq'uil yatut Dios cha.

Ez 40:19

'Ix yechtan pax jun winc chi snajtil scal jun puerta 'a sti 'el chi yet' junx puerta 'a yojl 'och cha, atn jun 'ay 'a stojlal 'aj tzq'uel c'u, yet' jun 'ay 'a stojlal norte, 'ay 50 metro scal chab' puerta cha.

Ez 43:1

Xlajw cha, in yi'n pax 'at jun winc chi 'a jun puerta 'ay 'a stojlal 'aj tzq'uel c'u;

Ez 46:3

A 'a sc'ul 'iljelal yet' 'a yic tzpac' 'uj, yowlal tzwul yac' 'ejm sb'a smasnil 'anma 'ayn an Jehová in 'a sti puerta cha.

Ez 46:12

A yic tz'el 'a sc'ojl win yajl chi ya'n junc xajmb'al 'ayn an Jehová in, no xajmb'al tz'a'i, mto no xajmb'al yic junc'ojlal, tztac' sjacx jun puerta 'ay 'a stojlal 'aj tzq'uel c'u chi 'a winac, yic tzya'n win xajmb'al 'icha tzyac' 'a sc'ul 'iljelal. A yic tzlajw ya'n win xajmb'al cha, ata tz'el paxt 'a 'aj tz'och cha, tzlajw cha, tzmacx can pax jun puerta cha.