Ez 43:11 - Chuj San Sebastian Bible

¹¹ Toto 'oj q'uixwc chan̈ eb' yuj tas xlaj sb'o cha, to 'ixta', tza ch'ox yil eb' tas yaj watut sb'o'i, tastc 'ay 'a yojol, chajtl pax yilx smac 'aj tzon̈ 'ochi yet' 'aj tzon̈ 'el paxta, yet' pax jantc yechl 'a smasnil. Tzaln yab' eb' jun tzo'n̈ ley tas tz'aj yoch 'emmquilal 'a watut tic. B'o yechl chi yil eb', tza tz'ib'n pax smasnil jun tzo'n̈ ley cha, sec 'oj stac' syiclni eb'.

Chuj San Mateo Bible

¹¹ Tato ol q'uixvoc eb' yuj tas sc'ulej chi', tzalan d'a eb' chajtil yaj in templo yed' tastac ay d'a yool, chajtil yaj spuertail. Syalelc'ochi, chajtil yaj templo chi' smasanil, tas yaj pax juntzan̈ schecnab'ilal yovalil sc'anab'ajaji. Tz'ib'ej yechel masanil juntzan̈ chi', yic vach' ol nachajel yuj eb' sic'lab'il yic ol sb'o eb' icha yaj chi'. Tza tz'ib'anpax masanil juntzan̈ checnab'il yic sc'anab'ajej eb'.

Ez 43:11 Referans Kwoze

Ez 36:27

'Oj wa'ch Wespíritu 'ayex, ax eyiclni in ley, yic tze b'eylb'ani.

Ez 11:20

sec 'oj e b'eylb'oc in checnb'il, ax eyiclni in ley. 'Oj eyoch in chon̈b'oc, ax woch e Diosaloc.

A Ch'an̈ Carta D'a Eb' Hebreo 8:5

Palta a yopiso eb' cha, ton̈j ch'oxnb'il yaj yuj tas 'ay 'a satcha'an̈. 'Icha to yen̈ln̈ej yaji. Cojquec, to ton̈j ch'oxnb'il yaji, yujto a yic mantzac sb'o Moisés jun scajnub' Dios, yaln Dios 'ixtc 'a 'a: Tzcham wal elni, 'icha wal tzwutj in ch'oxn yechl 'aych 'a sjolm lum witz tic, 'ixta wal tzotj a b'oni, xchi 'a 'a.

1 Co 11:2

Ex wu'tac, ex wanab', tzex wal wach'l ta', yujto smasnil tiempo tzin e na coti. Wan e b'eylb'an pax jun tzo'n̈ cuynb'il waljnac can 'ayex.

Jn 13:17

Toto tznachj 'el jun tzo'n̈ tic eyu'uj, tzeyiclni, caw wach' eyico'.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Ez 12:3

Yuj cha, molb'tzej tas 'ay 'ayach, tze'ni tzach 'ati, 'icha to tzach 'ijx 'at 'icha presoal. A cab' 'a c'ul tza b'o jun tic, sec tzyil eb' smasnil. 'Eln̈ 'a et'l cha, chucx junc lugar 'aj tzach c'och yil eb', sec lemb'il 'oj yil cot sb'a eb', yujto caw pit jun chon̈b'al eb' 'anma tic.

Ez 43:10

Ach 'anma', a ticnec al yab' smasnil eb' israel yuj tas 'ix el tic, ch'ox yil eb' yechl watut yet' tas yaj sb'o'i, sec 'oj yec q'uixwc sb'a eb' yuj smul.