Ez 42:1 - Chuj San Sebastian Bible

^1-2 Xlajw cha, in yi'n 'el jun winc chi 'a sti 'el jun 'amc' 'ay 'a stojlal norte, in yi'n 'och 'a yojl jun tzo'n̈ cuarto 'ay 'a sti 'amc' 'a yojltac jun n̈a tzcan 'a stojlal norte cha, atn jun quiln 'och 'a spatc 'el yatut Dios cha. A jun tzo'n̈ cuarto chi 'a smasnil, 50 metro spac'b'il, ax 25 metro schiquin.

Chuj San Mateo Bible

¹ Ix lajvi chi', ix in yic'anelta vin̈ d'a amac' d'a spatictac templo d'a stojolal norte. Ix in yic'anoch vin̈ d'a yol chab' pat d'a spatiquel amac' chi' yed' d'a stojolal norte d'a jun nivan cuarto d'a spatic templo chi'.

Ez 42:1 Referans Kwoze

Ez 40:20

A jun puerta 'ay 'a stojlal norte 'a sti 'elt jun 'amc' 'ay 'a spatc 'elt yatut Dios cha, xyechtej pax jun winc cha, xyechtej spac'b'il, schiquin yet' jun scorredoral yol sti cha.

Ez 40:17

Xlajw cha, in yi'n pax 'el jun winc chi 'a 'aj 'ay jun 'amc' 'a sti 'och cha. A jun 'amc' cha, latz'b'il 'ejm q'uen 'a 'a, ax 'a stitc cha, ata oyn 'och lajn̈schawinc cotc cuarto.

Ez 42:13

'Ix yaln jun winc chi 'ayn 'ixtic: A jun tzo'n̈ cuarto 'ay 'a sti 'amc' 'a stojlal sur, yet' jun tzo'n̈ xo 'ay 'a stojlal norte, yicn̈ej eb' ya'mal 'och sti eb' 'anma 'a Dios yaji. Atn eb' tz'a'n servil Jehová, ata tzc'ux eb' jun tzo'n̈ xajmb'al tz'ajx 'a Dios. A pax ta tzmol eb' jun tzo'n̈ xajmb'al mto jun tzo'n̈ ofrenda tz'ajx yuj yajx lajwc mul, mto yuj stojloc mul cha. A jun tzo'n̈ cuarto cha, to yic Dios yaji.

Ez 42:4

A 'a yojltac jun tzo'n̈ cuarto cha, ata 'ay junx 'amc' cha, o'e metro sat, 50 metro scal, a jun cha, tz'och 'a yojl 'och cha. Ax spuertail jun tzo'n̈ cuarto cha, ata q'ueln 'at eb' 'a stojlal norte.

Ez 41:1

Xlajw cha, in yi'n pax 'och jun winc chi 'a yojl 'och sti yatut Dios cha, 'ix yechtan jun tzo'n̈ niwc marco, 'oxx metro spiml jun jun.

Apoc 11:2

Ax yamq'uil sti', man̈ echtoc. Yujto a jun cha, 'ac'b'ilx 'a eb' man̈ israeloc. A eb' cha, 42 'ujl 'oj stec' 'ejm eb' jun chon̈b' yic Dios cha.

Ez 42:10

'a 'aj tz'el'ch jun muro 'a sti 'amc' 'a sti 'el cha. Ax 'a sti 'el jun 'amc' 'ay 'a stojlal sur, jun q'uelc'mb'a yaj yet' jun n̈a 'ay 'a stojlal 'aj tz'em c'u, jun quiln 'och 'a spatquil 'el smuroal yatut Dios, ata 'ay pax jun tzo'n̈ xo cuarto.

Ez 41:9

A jun muro 'aj oyn 'och jun tzo'n̈ cuarto 'a smuroal yatut Dios, nan̈lyoxl metro spimal. 'Ixta pax scal jun tzo'n̈ cuarto cha, lajn yet' jun tzo'n̈ cuarto 'ay 'a yol 'och sti spuertail yatut Dios, a yamq'uil snan̈l jun tzo'n̈ scuarto eb' ya'mal 'och sti eb' 'anma 'a Dios, yet' yatut Dios cha, lajn̈e metro scal.

Ez 40:24

Xlajw cha, in yi'n 'at jun winc chi 'a stojlal sur. A pax ta 'ay junx puerta. 'Ix yechtan smarcoal yet' jolm puerta cha, lajn yechl yet' jun tzo'n̈ b'ab'l puerta.

Ez 40:14

'Ix yechtan pax jun corredor q'ueln 'och 'a yatut Dios, lajn̈e metro junjn spac'b'il cha.

Ez 40:28

In yi'n pax 'och 'a yol 'och sti puerta, 'a 'aj 'ay jun yamq'uil sti yatut Dios 'a stojlal sur. Syamn 'och yechtan jun puerta cha, lajnn̈ej yechl yet' jun tzo'n̈ xo puerta tox xyechtej cha.