Ez 40:17 - Chuj San Sebastian Bible

¹⁷ Xlajw cha, in yi'n pax 'el jun winc chi 'a 'aj 'ay jun 'amc' 'a sti 'och cha. A jun 'amc' cha, latz'b'il 'ejm q'uen 'a 'a, ax 'a stitc cha, ata oyn 'och lajn̈schawinc cotc cuarto.

Chuj San Mateo Bible

¹⁷ Ix lajvi chi', ix in yic'anb'at vin̈ vil jun b'ab'el nivan amac' d'a yolochi. A d'a oxe' pac'an̈ d'a stitac jun nivan amac' chi' ay 30 cuarto, a d'a stitac yed' d'a spatictac juntzan̈ cuarto chi', a q'uen q'ueen latz'b'ilemi.

Ez 40:17 Referans Kwoze

Apoc 11:2

Ax yamq'uil sti', man̈ echtoc. Yujto a jun cha, 'ac'b'ilx 'a eb' man̈ israeloc. A eb' cha, 42 'ujl 'oj stec' 'ejm eb' jun chon̈b' yic Dios cha.

Ez 42:1

Xlajw cha, in yi'n 'el jun winc chi 'a sti 'el jun 'amc' 'ay 'a stojlal norte, in yi'n 'och 'a yojl jun tzo'n̈ cuarto 'ay 'a sti 'amc' 'a yojltac jun n̈a tzcan 'a stojlal norte cha, atn jun quiln 'och 'a spatc 'el yatut Dios cha. A jun tzo'n̈ cuarto chi 'a smasnil, 50 metro spac'b'il, ax 25 metro schiquin.

Ez 46:21

In yi'n pax 'elt jun winc chi 'a 'aj 'ay jun 'amc' 'a sti 'elt cha, in ya'n b'eyc'oc 'a chan̈e yisquinyoal jun 'amc' cha, ax 'a junjn yisquinyoal cha, a paxta 'ay junjn cotc 'amac'.

Ez 45:5

An̈jtona', tz'echtax can pax 'elt junc'aj xo lu'um, nan̈lyoxlajn̈il kilómetro yoc, ax o'e kilómetro sat. A jun lum cha, yic jun tzo'n̈ xo eb' levita tzin 'a'n servil 'a watut, ata 'oj sb'o eb' schon̈b' 'aj 'oj 'aj cajan.

Ez 10:5

Ax eb' querubín cha, checl sc'an̈ sc'axl eb' chi 'a jun 'amc' 'a sti 'elt yatut Dios, lajn wal sc'an̈ 'icha yol sjaj Dios tztac' yuj smasnil yic tzpaxtini.

2 Cr 31:11

Yuj cha, xya'n Ezequías b'o yet'l 'aj tzmolx jun tzo'n̈ chi 'a yatut Jehová. A yic xlajw sb'o'i,

1 Cr 23:28

A eb' cha, 'ix can eb' 'a yol sc'ab' eb' ya'mal 'och sti eb' 'anma 'a Dios, atn eb' yin̈tl Aarón, yic tzb'on eb' jun tzo'n̈ munljel 'a yatut Jehová: yic tzya'n cuenta eb' yamq'uil, yet' jun tzo'n̈ cuarto, sacb'tzan pax eb' smasnil yamc'ab' to cojn Jehová 'ay yico', tzb'on pax eb' jun tzo'n̈ xo munljel 'a yatut Dios cha,

1 Cr 9:26

Palta 'ay chan̈wn̈ eb' levita niwn yel'ch yopiso, a eb' 'aych 'a yib'n̈ stan̈wni jun tzo'n̈ cuarto yet' a 'aj tzmolx q'uen tumn to yic yatut Dios yaji.

Ez 42:4

A 'a yojltac jun tzo'n̈ cuarto cha, ata 'ay junx 'amc' cha, o'e metro sat, 50 metro scal, a jun cha, tz'och 'a yojl 'och cha. Ax spuertail jun tzo'n̈ cuarto cha, ata q'ueln 'at eb' 'a stojlal norte.

Ez 41:6

A jun tzo'n̈ cuarto cha, 'oxe piso yajb't eb' 'a cha'an̈. Lajn̈schawinc cuarto 'ay 'a junjn piso. A 'aj tzque'ch jun b'ab'l piso cha, ata quiln 'och spatzb'il. Ata tzchaj 'elt schab'l piso cha. Ax 'aj tzq'ue'ch jun schab'l cha, ata quiln 'och jun tzo'n̈ xo patzab'. Ton̈j quiln 'och 'a sat smuroal yatut Dios, man̈ 'ayc' 'och 'a yojl jun muro cha. Ax 'a yib'n̈ cha, ata 'ay yoxl piso.

Ez 40:38

A 'a yojl 'och sti junjn puerta cha, ata 'ay junjn cuarto 'a sti corredor, ata tzb'icx 'el no noc' tz'ajx xajmb'alil.

A Ch'an̈ Schab'il Libro Yic Yab'ixal Eb' Rey 23:11

'Ix ya'n pax win 'ijxoc 'el no chej 'aych yuj eb' sreyl Judá, yic tzya'n eb' 'emmquilal 'a c'u, 'ix ya'n win n̈usxoctz'a pax jun tzo'n̈ caruaje tzc'an eb'. Ata 'ayc' jun tzo'n̈ chi 'a jun 'amc' 'a sla'nil 'aj tzon̈ 'och 'a yol yatut Jehová, 'a stz'ey scuarto jun win 'ay yopiso tzcuch Natán-melec.

A Ch'an̈ B'ab'el Libro Yic Yab'ixal Eb' Rey 6:5

'Ix ya'n 'ajxoc 'och yoyl jun tzo'n̈ cuarto 'a schapaq'uil 'a spatquil, yet' 'a schicn 'a spatquil yatut Dios cha.

Ez 40:18

A jun 'amc' 'aj latz'b'il 'ejm q'uen q'uen cha, tzc'och to 'a stz'ey yol sti junjn puerta cha. A spac'b'il yet' schiquin, lajnn̈ej yechel.

Ez 40:44

Ax 'a yol 'elt sti jun puerta 'a yojl 'och cha, 'a 'aj 'ay jun yamq'uil sti cha, ata 'ay chab'x cuarto. Jun 'ay 'a stz'ey puerta 'a stojlal norte q'ueln 'at 'a stojlal sur; ax junx 'ay 'a stz'ey puerta 'a stojlal sur q'ueln 'at 'a stojlal norte.

Ez 40:45

Xlajw cha, xyaln jun winc chi 'ayn 'ixtic: A jun cuarto q'ueln 'at 'a stojlal sur, yic eb' ya'mal 'och sti eb' 'anma 'a Dios, atn eb' tz'a'w servil 'a yatut Dios.

Ez 40:46

Ax jun cuarto q'ueln 'at 'a stojlal norte, yic eb' ya'mal 'och sti eb' 'anma', eb' tzn̈usn no xajmb'al, atn eb' yin̈tl can Sadoc, yet' eb' yin̈tl can pax Leví, cojn eb' tztac' ya'n servil Jehová, xchi 'ayin.

Ez 42:3

A 'a jun spac'b'il cha, ata tzcan jun 'amc' yic yojl 'ochi, lajn̈e metro sat. Ax 'a jun pac' xo, ata 'ay pax junx 'amc' latz'b'il 'ejm q'uen 'a 'a, atn jun 'ay 'a sti 'elta. A 'a jun 'amc' cha, ata oyn 'och jun tzo'n̈ cuarto q'uelc'mb'a yaj yet' pax jun tzo'n̈ xo 'oxe piso yaj sb'o cha.

Ez 42:10

'a 'aj tz'el'ch jun muro 'a sti 'amc' 'a sti 'el cha. Ax 'a sti 'el jun 'amc' 'ay 'a stojlal sur, jun q'uelc'mb'a yaj yet' jun n̈a 'ay 'a stojlal 'aj tz'em c'u, jun quiln 'och 'a spatquil 'el smuroal yatut Dios, ata 'ay pax jun tzo'n̈ xo cuarto.

Ez 44:1

Xlajw cha, in yi'n pax 'at jun winc chi 'a sti jun spuertail yatut Dios 'ay 'a stojlal 'aj tzq'uel c'u, ax xwilni macn jun puerta cha.

Ex 27:9

'Ix yaln pax Jehová 'ixtic: Tza'n b'o pax yamq'uil spatquil in cajnub'. A 'a spac'b'il 'a stojlal sur, ata tz'och te cortina lino ch'umb'il sat, 45 metro tz'aj 'aj tz'och te'.