Ez 39:18 - Chuj San Sebastian Bible

¹⁸ 'Oj schi e no schib'jal eb' soldado, ax yu'n e no schic'l eb' syajlil jun tzo'n̈ chuc chon̈b'al cha, 'icha tzyutj eb' 'anma schin no xajmb'al caw b'aq'uech, no mam calnelu, no quelm calnelu, no chiwo yet' e no quelm wacx yic Basán.

Chuj San Mateo Bible

¹⁸ A schib'ejal eb' soldado ol schi noc'. Ol yuc'an schiq'uil eb' yajal d'a yolyib'an̈q'uinal tic noc'. Ol chijoc eb' icha tz'aj noc' ch'ac calnel, noc' yunetac calnel, noc' chiva yed' noc' b'aq'uech vacax scot d'a Basán.

Ez 39:18 Referans Kwoze

Salmos 22:12

Tox 'ix 'och oynjoc eb' 'ajc'ojl 'ayin, 'icha wal no wacx caw ow 'a yol yic lum Basán, 'ixta 'eb'.

Jeremías 51:40

'Oj wi't eb' 'aj 'oj milxoc chamoc, 'icha wal tz'aj yijx 'at no quelm calnelu, no mam chiwo, yet' no mam calnelu 'a 'aj tzmilx chamoc, xchi Dios.

Am 4:1

Ex 'ix to caw wal b'a'ch ex 'icha no wacx wach' yajx servil, ex to cajnex 'a lum stzalnil Samaria, 'ab'c wal jun tic. Caw tze yixtj eb' meb'a', yet' eb' 'oltac yilx 'ochi. Tzeyaln 'a eb' eyichmil 'ixtic: 'Ijec cot te 'an̈, to tzcu'jec te', xe chi 'a eb'.

Ez 29:5

'Oj in julcn 'at 'a lum cusltac lum yet' e no chay tzq'uet 'a yol a cha, man̈x 'a mach 'oj si'n cha'an̈, may mach 'oj mucnoc. 'Oj wac' schib'joc no calte'al noc' yet' e no 'usej.

Jeremías 50:27

Milc cham eb' soldado eb', man̈x 'a cab' e niwnc'ojlal 'a eb'. 'Oltac wal eb', caw 'ix jaw stiempoal schan eb' syailal, xchi Jehová.

Apoc 19:21

Ax jun tzo'n̈ xo eb', c'uxn xmilx cham eb' yuj jun espada 'ay 'elt 'a yol sti jun 'ay q'ue 'a yib'n̈ chej. Ax e no ch'ic smasnil, caw xlaj b'ut'j e no yuj schib'jal eb'.

Ez 34:17

An Jehová in, an tzwala: A eb' in chon̈ab' lajn eb' 'icha no calnelu, mto 'icha no chiwo. A no chiwo cha, cojn tas wach' xlaj sc'uxu', ax tas xlaj yac' sobra, ton̈j xlaj stec' yet' yoc, xlaj yuc' a a caw wach', xlaj ste'cn tatb'oc eb' a yet' yoc cha. ¿Tom wach' tzc'ux no calnelu chi jun tzo'n̈ tas xlaj ste'cn 'ejm no chiwo cha? ¿tom wach' tzyu'j no calnelu chi a a ste'cn tatb'oc no chiwo cha?

Ez 34:8

An Jehová Yajl in, an tzwal 'ixtic: Eyu'uj lajn x'aj eb' in chon̈b' 'icha tzya' no calnelu tz'elc'x 'ati, ax no calte'al noc' tzlaj chinc no', yujto man̈x nanoc no yuj yilmal, mun xoj tztan̈wj sb'a eb' yilmal no chi sch'ocoj.

Jeremías 50:11

Ax wal ax tic ex 'aj Babilonia, caw ex tzalji yic xeyelc'n 'at smasnil tas 'ay 'a eb' in chon̈ab'. Caw ex b'atj chan̈ 'icha junc no quelm wacx tzte'w trigo, tzeya'n 'el eyaw 'icha yoc' no chej.

Is 34:7

A eb' syajlil eb', caw wal 'ay smay eb' 'icha no simron wacax, no quelm wacax, yet' no mam wacx caw ow; palta junn̈j 'oj 'aj eb' scham yet' eb' comn 'anma'. Caw 'oj macchjoc 'el sat slum eb' yet' schiq'uil, 'oj 'atcn xepual eb' 'a scal spoccal lum lu'um.

Salmos 68:30

Tench wan jun b'uln̈ eb' 'anma 'et'jnac syamc'ab' yic owl tzcot 'a Egipto. Yujto lajn eb' 'icha jun tzo'n̈ no mam wacx caw ow, 'icha pax no quelmtac wacax. A jun tzo'n̈ chon̈b' cha, cojxn̈ej ricoal tznib'j eb', yujn̈ej snib'b'en eb' cha, tzya'n eb' owal. Sactzic cab' can 'at eb' 'anma tznib'j yac' owl cha.

Dt 32:14

Til wal lech yet' queso 'oj yac' e wacax. 'Oj e chi no quelm calnelu, no mam calnelu, yet' no chiwo 'ay 'a Basán. 'Oj e wa 'ixm trigo caw wach', ax eyu'n yal uva.

Jeremías 46:5

¡Tas jun wan yuj tic! A tzwila to a eb' soldado win Necao wan laj smeltzj eb' 'a spatc yuj xiwc'ojlal. A wal eb' 'a'm owl cob' cha, caw sactzicnac s'at eb' 'eloc. Man̈xtzac yil't eb' jac 'a spatic.

Ez 39:19

A jun tzo'n̈ xajmb'al 'oj in b'o cha, 'oj wac' schi e no xepual eb'. Caw 'oj b'ut'joc e no si'mb'il, ax wa'n yuc' e no schic'l eb', 'oj q'ue 'a sjolm e no', 'icha xo 'u'm 'an̈ 'oj 'aj e no yu'uj.

Is 34:6

Chi'ctac 'oj 'aj yespada Jehová, xeputac pax 'oj 'ajoc, 'icha tzyac' q'uen cuchlub' yic tzmilx no quelm calnelu yet' no chiwo xajmb'alil. A 'a lum Bosra 'oj sb'o Jehová junc xajmb'al, caw niwn eb' 'aj Edom 'oj chamoc.