Ez 37:23 - Chuj San Sebastian Bible

²³ Man̈x 'oj 'och e mul eyaln e b'a 'a jun tzo'n̈ yechl comn dios, man̈x 'oj e b'o tas yajb'entac, man̈x 'oj e comn b'oc maysch'olnil. An xo 'oj ex in col-l 'a scal maysch'olnil cha, ax wi'n 'el e mul 'aych 'a eyib'an̈, 'oj eyochx in chon̈b'oc, ax wochx e Diosaloc.

Chuj San Mateo Bible

²³ Man̈xo ol eyixtejb'at e b'a yed' juntzan̈ e comon dios yajb'entac chi', ma yed' juntzan̈ocxo macan̈il chucal tze c'ulej. Yujto ol viq'uel e pitalil, ol vic'anel e mul ayoch d'a eyib'an̈. Ol ex ochxoc in chon̈ab'oc, a inxo ol in ochxoc e Diosaloc.

Ez 37:23 Referans Kwoze

1 Jn 1:9

Toto tzcalc q'uet qui mul 'a Dios, a tz'a'n lajwc can qui mulc cha, tzyi'n can pax 'el jantcn̈ej maysch'olnil 'aych 'ayn̈ec. Yujto caw tojl snab'en. Caw tz'el'ch jantcn̈ej tas tzyala.

Apoc 21:7

A eb' tz'a'n ganar ya'n techjoc, 'oj scha eb' smasnil jun tzo'n̈ tic smacloc 'ayin. Yujto an tic, sDiosal in eb', ax eb' wunnal eb', wisl eb'.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

Os 14:8

Ex 'aj Efraín, toc 'ay jac yopiso jun tzo'n̈ e comn diosal cha. An 'oj in ta'w 'ayex, ax ex in tan̈wni paxi. 'Icha jun c'uyc te te pim xi'il, 'ixta waj 'ayex. Wu'uj tzex niwtj pax cha'an̈, xchi Dios.

Zacarías 14:21

Smasnil chen 'a Jerusalén yet' 'a Judá, yicn̈ej Jehová 'oj 'ajoc, atn jun tztac' yuj smasnil. Smasnil mach tz'at yac' junc xajmb'al ta', tztac' sc'ann jun tzo'n̈ cha, sec ata tz'an̈ eb' schib'jal no xajmb'al cha. A 'a yic jun c'ul cha, man̈x 'a eb' chon̈wjum 'oj chon̈wjoc 'a yatut Jehová tztac' yuj smasnil.

Miqueas 7:14

Mamin Jehová, tan̈wj eb' a chon̈b' to ec yaji. Lajn eb' 'icha no calnelu 'aycn 'a caltcte sch'ocoj, ax 'a spatquil 'el no', 'ay te c'ultc to caw wal ya'ax. 'Ij 'at eb' a chon̈b' tic 'icha wal otjnac 'a yic pecti', 'ij 'at eb' 'a 'aj wach' tz'aj eb' 'icha no cajb'en noc' 'ay 'a yol yic Basán yet' 'a yol yic Galaad.

Os 1:10

Palta 'ay jun c'ual, 'oj niwtjoc pax sb'isl eb' israel tic, lajn 'oj 'aj eb' 'icha yarenail sti a mar, man̈x 'a mach 'oj stac' sb'isni. A yic cob' tzwaln 'a eb' 'ixtic: Man̈ ex in chon̈b'oc, xin chi 'a eb'; a pax ta 'oj alxoc 'ixtc yuj eb': A eb' 'anma tic, caw yel yunnal jun Dios pitzn eb', 'oj schioc.

Ez 39:22

A 'a jun tiempoal cha, yet' 'a yojltac, ata 'oj yojcoc 'el eb' israel, to an Jehová in, sDiosal in eb'.

Ez 37:27

'Oj in can cajn 'a e cal, 'oj woch e Diosaloc, ax e yochx in chon̈b'oc.

Ez 36:31

A yic 'oj e nanc cot e tu b'eyb'al cha, mto e mul, ax eyiln cot e b'a, to maysch'olnil tas e b'ojnac, ax eyecn q'uixwc e b'a yuj tas maysch'olnil tze b'o cha.

Ez 20:43

Axta 'oj e na coti, to caw maysch'olnil e b'eyb'al, 'oj eyojcoc 'eli to 'ix 'och e mul. 'Oj syaj sb'a e c'ojl yuj tas xe b'o cha.

Jeremías 31:33

Atn junx in trato tic 'oj in b'o yet' eb' 'a yic 'oj jawc jun tiempoal cha: An Jehová in, an tzwala, to 'oj wa'cn 'och jun tzo'n̈ in checnb'il chi 'a snab'en eb', 'icha to 'oj in tz'ib'c can 'och 'a spixn eb'. An 'oj woch sDiosalc eb', ax yoch pax eb' in chon̈b'oc.

Jeremías 31:1

A Jehová, a tzaln 'ixtic: A wal 'a yic jun tiempoal 'oj jawc cha, an wal caw 'oj woch sDiosalc junjn macn̈ eb' yin̈tl Israel, a eb' 'oj 'ochcn in chon̈b'oc.

Is 2:18

ax ya'n satl smasnil jun tzo'n̈ yechl comn dios cha.

Salmos 68:35

Caw satjub'tac yilx yaj Dios 'a yol scajnub'. A qui Diosalec an̈ israel on̈ec tic, tzyac' qui jelnalec yet' quip. ¡Alx cab' wach' paxti 'a qui Diosalec!

Salmos 68:20

A qui Diosalec, atn qui Colmalec paxi. A Jehová Cajlilec tic, tztac' on̈ scolnec 'el 'a yol sc'ab' chamel.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Ez 11:18

'Oj e meltzj paxt 'a e chon̈b' tic jun 'ejm xo, ax eyi'n 'el smasnil jun tzo'n̈ yechl comn dios yajb'entac yilx 'a e cal.

Ez 14:11

sec wach' man̈xtzac yij 'el eb' israel snab'en 'ayin, man̈x 'oj sb'o eb' tas maysch'olnil. 'Oj 'ochx eb' in chon̈b'oc, ax wochx sDiosalc eb', xchi Jehová.

Ez 11:20

sec 'oj e b'eylb'oc in checnb'il, ax eyiclni in ley. 'Oj eyoch in chon̈b'oc, ax woch e Diosaloc.