Ez 36:18 - Chuj San Sebastian Bible

¹⁸ Yuj cha, xwa'n cot yowl in c'ojl 'a yib'n̈ eb', yujto til wal 'anma smil eb' 'a yol schon̈ab', xlaj ya'n 'ejm sb'a eb' 'a jun tzo'n̈ yechl comn dios.

Chuj San Mateo Bible

¹⁸ Yuj chi' vac'nac val cot yoval in c'ol d'a yib'an̈ eb', yujto jantac anima smilnaccham eb' d'a sat sluum chi', ochnac pax eb' ejmelal d'a juntzan̈ comon dios.

Ez 36:18 Referans Kwoze

Ez 7:8

A ticnec b'i'an, wal wa'n cot yowl in c'ojl 'a eyib'n̈ ax israel ex tic. 'Oj wac' 'el'choc yowl in c'ojl 'a eyib'n̈ 'icha tas tzin na'a. 'Oj ex in b'eyc'ojloc yuj tas maysch'olnil tzlaj e b'o', ax wa'n eyailal yuj e b'eyb'al yajb'entac.

2 Cr 34:21

Xyaln win 'a eb' 'ixtic: —'Ixquec, 'at c'anb'jec 'a Jehová wu'uj, yet' yuj smasnil eb' cannc 'a yol yic Israel yet' 'a yol yic Judá, yuj tas tzyal ch'an̈ libro 'ix 'ilchj tic; yujto caw niwquil yowl sc'ojl Jehová 'ay cot 'a quib'n̈ec, yujn̈ej to ma'ix syiclj eb' qui mam quichmec spaxti Jehová, ma'ix sb'eylb'ej pax eb' smasnil tas tz'ib'b'il 'a ch'an̈ libro tic, xchi.

Lm 4:11

'Ix ya' cot Jehová yowl sc'ojl 'a yib'n̈ chon̈b' Sión, xyac' 'el'choc 'icha tas nab'il yu'uj. 'Ix ya'ch sc'a'l jun chon̈b' tic, masnto xlajw stz'a 'ejm smuroal yich.

Lm 2:4

A Cajlilec lajn xyutj sb'a 'icha junc 'ajc'ojol, 'ix yij chan̈ sc'ab' yet' sjul-lab', xyi'n 'at 'a spatic; lajn wal xyutj sb'a 'icha junc milm 'anma'. 'Ix smiln cham smasnil eb' 'anma xajn cu'uj. 'Icha wal c'ac', 'ixta xyutj ya'n cot yowl sc'ojl 'a yib'n̈ eb' cajn 'a Sión.

Apoc 14:10

a eb' cha, yowlal 'oj jawc jun niwn yailal 'a yib'n̈ eb' yuj Dios. 'Icha junc yal uva tzjaw sti', caw ow, may jac a 'ay't 'a scal, 'ixta wal yowl sc'ojl Dios 'oj yac' 'a eb'. Caw wal ow si'mb'il. 'Oj yab' eb' syal 'a scal c'ac' yet' azufre 'a yojltac eb' yángel Dios, yet' 'a yojltac jun tzcuch Calnelu.

Nahúm 1:6

May junc mach tztac' ste'wtzan sb'a 'a yowl sc'ojl Dios. May mach tztac' stenn 'och wa'an. A yowl sc'ojl cha, caw lajn sn̈ilchj 'icha te c'ac', tzpoj q'uen niwc tenm 'a yojltac.

Ez 23:37

Yujto sb'o eb' 'ajmulal 'a yol in c'ab', milm 'anma eb'. 'Ix yac' 'ejm sb'a eb' 'a jun tzo'n̈ yechl comn dios. 'Ix ya'n eb' jun tzo'n̈ yune xajmb'alil, 'ix yac' tz'a eb' 'ix jun tzo'n̈ wunnal chi yet'oc.

Ez 21:31

'Icha wal stz'a junc tas yuj c'ac', 'ixta 'oj wutc wi'n 'el yowl in c'ojl 'a eyib'an̈. 'Oj ex wac' 'a yol sc'ab' eb' 'anma maysch'olnil, atn eb' milm 'anma'.

Ez 14:19

Toto tzwa't yab'il 'a yib'n̈ junc nacion̈ cha, yet' wal yowl in c'ojol, ax wa'n cham eb' 'anma yet' no noc'.

Jeremías 44:6

Yuj cha, xcot wowal, 'icha te c'ac' 'ixta 'ix 'aj sn̈ilchj 'a jun tzo'n̈ chon̈b' 'a yol yic Judá, yet' 'a yoltc scayeal Jerusalén. 'Ixta wal 'ajnc slan̈chj can 'ejmi, masnto ticnec.

Jeremías 7:20

Yuj cha, an Jehová in, Yajl in, an tzwala, to 'oj wa' cot wal yowl in c'ojl 'a yib'n̈ jun lugar tic, 'a yib'n̈ eb' 'anma', 'a yib'n̈ no noc', 'a yib'n̈ te te', yet' 'a yib'n̈ smasnil 'awb'en. Lajn wal 'oj 'aj jun tic 'icha junc c'ac' to man̈x 'a tz'aj stupi, xchi Dios.

Is 42:25

Yuj wal cha, 'ix cot yowl Dios, xya'n 'och yailal 'a yib'n̈ eb', 'ix jaw wal jun niwquil owl 'a yib'n̈ eb', 'icha wal sn̈ilchj te c'ac', 'ixta 'ix 'aj sjawi; palta man̈ yujoc cha 'ix sna sb'a sc'ojl eb'.

2 Cr 34:26

Yuj cha, alc 'a sreyl Judá, atn jun mach ex checn cot wul e c'anb'c 'ayn an Jehová in, to an Jehová sDiosal in chon̈b' Israel an tzwal 'ixtic: Yujto xa chaj ab' tas tzyal ch'an̈ libro,

2 Cr 34:25

Yujto in eyactjcani, ax 'a jun tzo'n̈ comn dios xe yac' e xajmb'al, xe tzuntzn cot wal yowl in c'ojl yuj smasnil tas x'el e b'oni. Yuj wal cha, tox 'ix cot yowl in c'ojl 'a yib'n̈ jun lugar tic, man̈xtzac stac' stup 'a yib'an̈.

Ez 22:20

'Icha tzyac' junc mach tzsi'n syam sb'a q'uen plata, q'uen bronce, q'uen hierro, q'uen plomo yet' q'uen estaño, tzya'n 'och 'a yol jorna, tzya'n 'och sc'aq'uil sec tz'ulb'xi, 'ixta 'oj ex wutoc, 'oj wec eyam e b'a yuj yowl in c'ojol, ax ex wa'n 'ulb'xoc yet' yailal.

Ez 22:22

'Icha tz'aj yulb'x q'uen plata 'a scal c'ac', 'ixta 'oj eyaj eyulb'x yuj yailal 'a yol chon̈b' cha. 'Ixta to b'i'an, ax eyojcan 'eli, to an Jehová in, an tzwa'ch eyailal yuj yowl in c'ojol, xchi Dios, xa chi 'a eb', xchi 'ayin.

Ez 39:23

Ax jun tzo'n̈ chuc nacion̈al cha, 'oj yojcoc 'el eb' to yuj stenmtacl eb' israel, 'ix 'ijx 'at eb' 'icha presoal 'a junc xo lugar. Yujto man̈ yiclumoc xyutj sb'a eb' 'ayin, yuj cha, xwi'n 'el in sat 'a eb', xwa'n 'ajxc ganar eb' yuj eb' 'ajc'ojl cha, til wal eb' xcham yuj owal.

Jeremías 16:18

'Oj wac' spac 'a eb' yuj smaysch'olnilal, yujto 'ix yixtj 'el eb' in lum tic yet' jun tzo'n̈ scomn diosal to chamnac, caw yajb'entac 'icha sniwnal chamnc 'anma'. A wal tas to matz chaj in c'ojol, a chi sb'o eb', xchi Dios.

Ez 33:25

Yuj cha, al 'a eb' to an Jehová in, an tzwal 'ixtic: Ax tic tze chi no chib'j yet' schiq'uil, tzeyi'n 'ejm e b'a 'a jun tzo'n̈ yechl comn dios, tze miln cham eb' 'anma', tzcob' e nib'n eyico'oc lum lum cha.