Ez 36:11 - Chuj San Sebastian Bible

¹¹ An 'oj ex wac' niwtjoc yet' e cajb'en noc', til wal 'oj 'aj sb'isl 'anma'. Caw niwn 'anma 'oj cajnc junjn chon̈b' cha, yel xo wach' 'oj eyaj 'a 'icha 'a yictax yalan̈. Ax in eyojcan 'eli to an Jehová in.

Chuj San Mateo Bible

¹¹ Ol vac' q'uib' sb'isul noc' e molb'etzal noc', ol q'uib' pax e b'isul. Jantac anima ol cajnajxoc d'a junjun e chon̈ab', ec'b'al svach'il ol ex ajxoc icha eyaj pecataxo. Icha chi' ol aj eyojtacaneli to a in ton Jehová in svutej icha chi'.

Ez 36:11 Referans Kwoze

Jeremías 33:12

A 'a jun lum lum sictac yajcn tic, man̈x 'a 'anma', man̈x 'a pax no noc' 'a sat smasnil. Palta ax 'oj 'ajoc, a 'a spatquil 'el jun tzo'n̈ chon̈b' tic, ata 'oj tan̈wxoc wa no calnelu yuj eb' yilmal jun 'ejm xo.

Miqueas 7:14

Mamin Jehová, tan̈wj eb' a chon̈b' to ec yaji. Lajn eb' 'icha no calnelu 'aycn 'a caltcte sch'ocoj, ax 'a spatquil 'el no', 'ay te c'ultc to caw wal ya'ax. 'Ij 'at eb' a chon̈b' tic 'icha wal otjnac 'a yic pecti', 'ij 'at eb' 'a 'aj wach' tz'aj eb' 'icha no cajb'en noc' 'ay 'a yol yic Basán yet' 'a yol yic Galaad.

Ez 37:13

A yic 'oj ex in colnc 'elt cha, ax eyojcan 'el e masnil to an ton Jehová in, to cojn in ton Dios in.

Jeremías 31:27

A Jehová, a tzaln 'ixtic: 'Ay jun c'ul 'oj jawoc, 'oj wac' niwtjoc sb'isl eb' 'anma', yet' no noc' 'a yol yic Israel yet' 'a yol yic Judá.

Os 2:20

'Icha to wistzil 'oj aji, 'oj in b'o 'icha tas 'ix wala, 'ixta 'oj 'aj snachj 'el o'oj, to an Jehová in.

Ez 16:55

atn Sodoma yet' yaldeail, Samaria yet' yaldeail. 'Oj c'ochx eb' 'a yet'l 'icha xon yaj 'a yic yalan̈. An̈jtona pax Jerusalén cha, 'oj cann̈jn̈ej 'a yet'l 'icha xon yaj yet' eb' aldea 'ay 'a yol slugar.

Jeremías 30:18

Tzyaln pax Jehová 'ixtic: Caw 'oj in jel tas 'aych 'a eyib'n̈ ex yin̈tl can Jacob, 'oj 'o'ch in c'ojl 'ayex. A e chon̈ab', 'oj e b'ox chan̈ jun 'ejm xo 'a yet'l 'aj lan̈chjnac 'ejm 'a yic b'ab'el, an̈jtona pax e despacho, 'oj e b'ox chan̈ 'a yet'l 'aj 'e'nc xoni.

Job 42:12

'Ix ya'n pax Dios niwtjoc tas 'ay 'a Job, 'ec'b'al 'ix yutj ya'n pax 'icha xon tas 'ay 'a win 'a yic yalan̈. Yujto 'ix q'uexc'och sb'isl scalnelu win 'a chan̈lajn̈e mil, waque mil scameyo, jun mil mojn̈ smam swacax, jun mil no 'axna.

A Ch'an̈ Carta D'a Eb' Hebreo 11:40

Yujto nab'iln̈ec cot yu'uj, yuj cha, 'ay junx tas tznib'j Dios sb'o', yel xo wal wach'. Atn jun tic tznib'ej, to yowlal locnon̈c yet' eb' yic 'oj 'el'choc tas nab'il yuj cha.

Am 9:15

An Jehová Dios in, an tzwala, to 'oj wac' scajx eb' slu'um. A slum eb' 'oj wac' cha, man̈x 'a b'a'n̈ 'oj 'ijxoc 'el eb' 'a sat jun 'ejm xo, xchi Dios.

Ez 36:35

Yuj cha, ax yaln eb' 'ixtic: 'In cannc jun tzo'n̈ lugar tic 'a cusltaquil, palta ax ticnec, lajn xo pax yilx 'icha lum Edén. Mac'b'il 'ejm jun tzon̈ chon̈b' tic, ax ticnec xlaj b'ox eb', 'ayx 'anma cajn pax 'a 'a, 'oj schic eb'.

Is 30:26

A yoc 'uj, lajn 'oj 'aj 'icha yowl yoc c'u, ax yoc c'u, uc 'ejm 'oj 'aj yowb' sacq'uinlal, 'icha wal sacq'uinlal uque'oc c'u to yamn yaji, 'ixta wal 'oj 'aj jun c'u cha. Atn wal 'a yic jun c'ul cha, ata 'oj yan̈tc Jehová eb' schon̈ab', ax spichn tas lajwnac 'a eb' yu'uj.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

Ez 35:9

'Oj can a lum chi sictacl 'a jun 'ejmn̈ej, man̈x 'a mach 'oj cajnc eb' lum chon̈b' macb'il o'oj. 'Ixta to b'i'an, ax ojcan 'eli, to an 'ixta tzach wutej.

Ez 37:6

'Oj wecx e cha e b'a, ax wa'n pitzwc 'och e chib'jal. 'Oj pitzwc pax 'och stz'umal e niwnal cha, ax wa'n pax 'och eyic' yic tzex pitzw paxi. 'Ixta to b'i'an, ax eyojcan 'eli to an Jehová in, to cojn in ton Dios in, xchi Dios, xa chi 'a eb', xchi 'ayin.

Is 51:3

'Ixta 'oj wutc wa'n in wach'c'ojlal an Jehová in 'a yib'n̈ eb' 'aj Sión, atn jun chon̈b' mac'b'il 'ejm lan̈chjoc. A eb' lum tacn̈ lu'um, 'oj 'och eb' lum yaxlumal, 'icha lum 'aj 'ay te 'awb'ente 'a Edén. Cojxn tzaljc'ojlal, b'it yet' alj yuj diosal 'ay 'ayn ta'.

Ez 37:26

'Oj in b'o in trato eyet' 'a jun 'ejmn̈ej, ax e can 'a tzaljc'ojlal 'a jun lugar cha. 'Oj wac' q'uib' e b'isl 'a smasnil tiempo, ax wa'n b'ox watut 'aj 'oj waj cajn 'a e cal.

Zacarías 10:8

'Oj wawtc cot eb', ax wa'n syam sb'a eb', yujto colchjnacx eb' wu'uj. Caw 'oj niwtjoc pax chan̈ sb'isl eb' jun 'ejm xo, 'icha 'ajnc eb' 'a yic pecti'.

Dt 30:5

A 'oj eyi'n paxt jun 'ejm xo 'a sat lum lum 'aj 'e'nc cajn eb' qui mam quichmec, ax e cajn pax lum jun 'ejm xo. Caw 'oj eyoch ricoal, 'ec'b'al xo 'oj 'aj e b'isl 'a yib'n̈ eb' qui mam quichmec cha.

Jeremías 23:3

Ax eb' in chon̈b' xwac' sactzic can 'at 'a jun tzo'n̈ xo nacion̈, an wal caw 'oj in molb'tzoc pax cot eb'. 'Oj wac' 'aj cajn eb' jun 'ejm xo 'a schon̈ab', ata 'oj wac' niwtjoc pax sb'isl eb'.

Jeremías 23:4

An Jehová in, an tzwala, to 'oj wa'ch yilmal eb', sec wach' man̈x 'oj xiw eb', man̈x 'a pax junc eb' 'oj satoc, xchi Dios.

Os 2:1

Al 'a eb' et chon̈b' 'ixtic: Schon̈b' Dios cajec, chamc'ojlbiln̈ec xo yuj Dios, xa chi 'a eb', xchi Dios 'ayin.

Am 9:11

'Ix yaln pax Jehová 'ixtic: A yopiso David, satnc 'ejmi, 'icha junc n̈a lan̈chjnac 'ejmi, palta 'ay jun c'ual 'oj in b'ox chan̈ jun 'ejm xo, ax wa'n pax jun 'opiso chi 'a yin̈til, 'icha xon 'a yic yaln̈taxi.

Zacarías 2:8

A Jehová tztac' yuj smasnil, a in checn coti yic tzwaln jun tzo'n̈ paxti 'a yib'n̈ jun tzo'n̈ nacion̈ 'ix 'i'n can 'ec' tas 'ay 'ayex. A Jehová a tzaln 'ixtic: Tzann̈j mach tz'och sc'ab' 'ayx in chon̈b' ex tic, 'icha to a 'a sc'ul yol in sat tzlow sc'ab'. Yuj cha, an wal 'oj wac' owl yet' jun tzo'n̈ nacion̈ cha, an 'oj in chec eb' nacion̈ 'aych 'a yaln̈ schecnb'il yic tzya'n owl yet' eb', yic tzcan eb' 'a yaln̈ yuj eb', xchi Dios. 'Ixtnta 'oj yutc Jehová sch'oxn stzictznial, ax eyojcan 'eli chajtlto checb'iln cot yu'uj.