Ez 36:1 - Chuj San Sebastian Bible

¹ Ach 'anma', al 'a eb' 'et israelal 'ay 'a lum jolmctac witz, to tzchaj eb' yab' in paxti'.

Chuj San Mateo Bible

¹ Ach anima, al d'a eb' etisraelal cajan d'a tzalquixtac d'a yol yic Israel to smaclej yab' in lolonel eb'.

Ez 36:1 Referans Kwoze

Ez 37:22

Junxn̈ej nacion̈al 'oj ex wutc 'a jolmctac witz yic Israel, junxn̈ej e reyl 'oj eya'n cuenta. Man̈x chab'oc nacion̈al 'oj eyaji, palta to junxn̈ej.

Ez 37:4

Xlajw cha, xyaln pax 'ixtic: Al 'a jun tzo'n̈ tacn̈ b'ac tic to tzchaj yab' eb' in paxti'.

Ez 36:8

A lum jolmctac witz 'a yol e macb'en, til wal te niwc 'awb'ente 'oj yac' sat 'a jun tzo'n̈ lugar cha, sec a te 'oj e lo sat, yujto jab'xoj e meltzji.

Ez 36:4

Yuj cha, an Jehová in, an tzwal 'ayx 'ixtc ex israel, to tze chaj eyab' in paxti tic, jantcn̈ej ex to 'aycn e lum 'a lum jolmctac witz, 'a lum tzalctac, 'a lum stitc a', 'a lum niwc pan̈an, 'a eb' lum chon̈b' mac'b'il 'ejmi, 'a eb' lum chon̈b' cusltac yajcn sch'ocj 'a yol e macb'en cha, eb' chon̈b' to c'uxn 'elc'b'il 'at tas 'ay 'a yuj jun tzo'n̈ xo nacion̈ 'a sla'nil cha, atn eb' tzb'uchwj 'ayex.

Ez 34:14

'Oj wi't eb' 'a lum lum caw 'ay syaxil sat, atn lum jolmctac witz wa'jnac 'a eb'. Ata 'oj wac' 'iljoc eb', ax wa'n tas caw wach' tzc'ux eb' ta'.

Ez 33:28

'Oj can lum lum chi 'a sictaq'uil, cusltac xoj 'oj 'ajcni, ax wa'n lajwc sb'an̈quintacl eb' cha. Cusltac xoj 'oj 'ajcn eb' lum jolmctac witz yic chon̈b' Israel, man̈x 'a 'anma 'oj 'ec' ta'.

Ez 20:47

Tzalni to an Jehová in an tzwal 'ixtic: An Jehová in, an 'oj wa'ch sc'a'l lum calcte 'ay 'a Neguev, 'oj sn̈us jun c'ac' chi eb' te te yax xi'il yet' eb' te tacn̈ xo. A jun c'ac' cha, ma'oj tupoc, 'oj sn̈us jun c'ac' chi sat eb' 'anma 'ay 'a stojlal sur masnto 'oj c'och 'a eb' 'ay 'a stojlal norte.

Jeremías 22:29

¡Ex cajn ex 'a jun nacion̈ tic, macljec eyab' wal tas tzyal Jehová!

Ez 35:15

Yujto a yic slajw 'el chon̈b' Israel wu'uj, caw wal tzaljnac ach, yuj cha, 'icha wal 'ajnc cha, 'ixta 'oj ach wutc ach in satn 'eli. 'Oj can eb' lum switzl Seir 'a cusltaquil, atn lum slum can Edom, 'ixta to b'i'an, ax in ojcan 'eli to an Jehová in, to cojn in ton Dios in, xchi Dios, xa chi.

Ez 36:2

An Jehová in, an tzwal 'a eb' 'ixtic: A eb' 'ajc'ojl yajch 'ayex, xcob' yal eb' to yic xoj eb' smasnil lum jolmctac witz cha.

Ez 38:8

A yic niwn xo tiempo tox x'eq'ui, ax a nan cha'an̈ to 'oj ac' owl yet' chon̈b' Israel, atn jun chon̈b' niwn tiempo cannc can 'a sictacl yuj owal. Palta a 'a jun tiempoal cha, meltzjnacx eb' 'anma sactzicnac yajcn 'at 'a scal jun tzo'n̈ xo nacion̈, cajn xo 'ec' eb' 'a slum chi 'a junc'ojlal.

Jl 3:2

'Oj in molb'tzoc smasnil nacion̈, ax wi'n 'at eb' 'a lum span̈nil yic Josafat. Ata 'oj wa'ch syailal eb' yuj tas x'el sb'on eb' 'a in chon̈b' Israel, yujto caw pucnc can 'at eb' israel yuj eb' 'a smasnil yolyib'n̈q'uinal. 'Ix scotc pojn can 'ec' eb' in lum 'a scal.