Ez 35:9 - Chuj San Sebastian Bible

⁹ 'Oj can a lum chi sictacl 'a jun 'ejmn̈ej, man̈x 'a mach 'oj cajnc eb' lum chon̈b' macb'il o'oj. 'Ixta to b'i'an, ax ojcan 'eli, to an 'ixta tzach wutej.

Chuj San Mateo Bible

⁹ Juneln̈ej ol vac'can tz'inan lum e luum chi', man̈xalaj mach olto cajnajcan d'a e chon̈ab' chi'. Icha chi' ol aj eyojtacaneli to a in ton Jehová in svutej icha chi'.

Ez 35:9 Referans Kwoze

Ez 25:13

Yuj cha, an Yajl in tic, an tzwal 'ixtic: 'Oj wi' chan̈ in c'ab', ax wa'n 'och yailal 'a yib'n̈ eb' 'aj Edom. 'Oj in satl smasnil 'anma yet' no noc'. 'Oj 'el yich slajw 'el eb' 'a Temán masnto 'oj c'och 'a Dedán. 'Oj cham eb' 'anma chi yuj owal.

Ez 35:4

'Oj in satl smasnil eb' lum chon̈b' macb'il o'oj, ax a can 'a sictaquil. 'Ixta to b'i'an, ax ojcan 'eli, to an 'ixta tzach wutej.

Ez 6:7

At yic 'oj eyilnoc to niwn 'anma 'oj cham 'a e cal, ax to e nan coti to an Jehová in tic, cojn in ton Dios in.

Sofonías 2:9

Yuj cha, an wal tzwal 'ixtic: A Moab, lajn 'oj 'ajcn 'icha Sodoma, ax chon̈b' Amón, lajn 'oj 'ajcn 'icha Gomorra, 'oj pac' chan̈ te q'uix 'a 'a. 'Oj 'ochcn sminasil 'atz'am. Caw cusltac 'oj 'ajcn 'a jun 'ejmn̈ej. A eb' in chon̈b' 'oj can to 'a eb' yin̈tl Judá cha, a eb' 'oj 'i'nc 'elt smasnil tas 'ay 'a eb' 'anma cha. A eb' 'oj 'ica'anc can slum eb' cha, xchi Dios.

Ez 36:11

An 'oj ex wac' niwtjoc yet' e cajb'en noc', til wal 'oj 'aj sb'isl 'anma'. Caw niwn 'anma 'oj cajnc junjn chon̈b' cha, yel xo wach' 'oj eyaj 'a 'icha 'a yictax yalan̈. Ax in eyojcan 'eli to an Jehová in.

Ez 7:9

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli, to an Jehová in, an tzwa'ch eyailal.

Ez 7:4

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli to an Jehová in tic to cojn in ton Dios in.

Jeremías 49:13

An Jehová in, an tzwac' in ti': A chon̈b' Bosra, 'oj cancn 'a cusltaquil, caw 'oj xiw eb' 'anma yiln 'ochi, 'oj b'uchxoc yuj eb', ax scatb'tzan can eb'. Ax jun tzo'n̈ xo chon̈b' 'a yol yic Edom, 'oj ma'xoc can 'ejm lan̈chjoc eb' 'a jun 'ejmn̈ej, xchi.

Salmos 109:17

A maysch'olnil tznib'ej, yuj cha, catb'tzaxc cab' cani. Ma'ix snib'j sb'o wach'il, yuj cha, may cab' b'a'n̈ tzchaj yaxilal.

Jeremías 51:62

Xlajw cha, tzaln 'ixtic: Mamin Jehová, ach 'ix ala to 'oj a mac' lan̈chjoc jun chon̈b' tic, man̈x 'a 'anma 'oj jawc cajn 'a 'a, man̈x 'a pax junc no noc' 'oj 'ec' 'a 'a, palta to 'oj cancn 'a cusltacl 'a jun 'ejmn̈ej o'oj, xa chi.

Ez 32:29

Ata 'ayc' win sreyl Edom yet' eb' niwc yajal. Caw jeln cob' yutjnac sb'a eb', palta ax ticnec, ata teln 'ec' eb' 'a scal eb' chamnc yuj owl cha. Atn eb' man̈ wico'oc mucb'il 'a 'aj 'ay yet'l eb' chamnac.

Ez 37:6

'Oj wecx e cha e b'a, ax wa'n pitzwc 'och e chib'jal. 'Oj pitzwc pax 'och stz'umal e niwnal cha, ax wa'n pax 'och eyic' yic tzex pitzw paxi. 'Ixta to b'i'an, ax eyojcan 'eli to an Jehová in, to cojn in ton Dios in, xchi Dios, xa chi 'a eb', xchi 'ayin.

Abdías 1:10

Caw q'uixwc'ojlal 'oj eyajcni. 'Oj e lajw can 'el 'a jun 'ejmn̈ej, yujto xeyixtj eb' yin̈tl Jacob, atn yu'tac e mam 'ichm Esaú.

Ez 6:14

'Oj wi' chan̈ in c'ab', ax wa'n 'och syailal eb' 'aj cajn cha. Tzann̈j 'aj cajn eb' 'anma cha, 'oj can yet'l eb' chi 'a cusltaquil, 'oj 'el yich 'a lum cusltac lum 'a stojlal sur, masnto 'oj c'och 'a lum Ribla 'ay 'a stojlal norte. 'Ixta to b'i'an, ax yojcan 'el eb' to an Jehová in tic, to cojn in ton Dios in, xchi Dios.