Ez 35:15 - Chuj San Sebastian Bible

¹⁵ Yujto a yic slajw 'el chon̈b' Israel wu'uj, caw wal tzaljnac ach, yuj cha, 'icha wal 'ajnc cha, 'ixta 'oj ach wutc ach in satn 'eli. 'Oj can eb' lum switzl Seir 'a cusltaquil, atn lum slum can Edom, 'ixta to b'i'an, ax in ojcan 'eli to an Jehová in, to cojn in ton Dios in, xchi Dios, xa chi.

Chuj San Mateo Bible

¹⁵ Yujto a ex tic, ix ex te tzalaji ayic ix lajviel chon̈ab' Israel, yuj chi' ol in pactzitej d'ayex icha ix eyutej e b'a chi'. Ol vac'can tz'inan lum tzalquixtac Seir chi', aton e macb'en ex yin̈tilalcan Edom. Icha chi' ol aj eyojtacaneli to a in ton Jehová in svutej icha chi', xchi Jehová, xa chi d'a eb', xchi d'ayin.

Ez 35:15 Referans Kwoze

Lm 4:21

Ex 'aj Edom, ex to tzeyac' yajlil 'a smasnil yol yic chon̈b' Uz, caw tzaljan̈ec, tzewjan̈ec, ya' sb'a tzat stac'a. Yujto 'oj c'och pax jun yailal tic 'a eyib'an̈, 'icha xo 'u'm 'an̈ 'oj eyajcn yu'uj, q'uixweltac xoj 'oj eyutc e b'a.

Abdías 1:15

'Icha wal tas x'el e b'oni, 'ixta 'oj ex yutc eb' 'anma', 'oj e cha wal spac 'a 'icha wal smoj e chani. Jab'xoj sjaw jun c'u yic 'oj in ch'oxnc yowl in c'ojl an Jehová in tic 'a yib'n̈ smasnil nacion̈.

Abdías 1:12

Caw man̈ smojc ex tzewji yic xeyiln tas x'aj eb' eyit chon̈b' cha, atn 'a yic jun c'ual 'ix jaw yailal 'a yib'n̈ eb' 'aj Judá. Caw man̈ smojc ex tzalji a yic xlajw 'el eb' 'a jun c'ul cha. Man̈ smojc ex b'uchwj 'a eb', yic 'aych eb' 'a syailal cha.

Salmos 137:7

Mamin Jehová, na cot wal tas yaljnac eb' edomita yic yem Jerusalén, yic yaln eb' 'ixtic: Ma'c 'ejm smasnil, masnto tz'em'ch 'a 'aj 'ay yipnub'al yich, xchi eb'.

Mr 3:8

'a Judea, 'a Jerusalén, 'a Idumea, yet' 'a sc'axpil a Jordán. 'Ay pax eb' xcot 'a yol yic Tiro yet' Sidón. 'Ix yab'n eb' to man̈x jantcoc milagro 'ix sb'o Jesús, yuj cha, til wal eb' xc'och 'a 'a.

Ez 35:9

'Oj can a lum chi sictacl 'a jun 'ejmn̈ej, man̈x 'a mach 'oj cajnc eb' lum chon̈b' macb'il o'oj. 'Ixta to b'i'an, ax ojcan 'eli, to an 'ixta tzach wutej.

Jeremías 50:11

Ax wal ax tic ex 'aj Babilonia, caw ex tzalji yic xeyelc'n 'at smasnil tas 'ay 'a eb' in chon̈ab'. Caw ex b'atj chan̈ 'icha junc no quelm wacx tzte'w trigo, tzeya'n 'el eyaw 'icha yoc' no chej.

Pr 17:5

Toto tzon̈ b'uchwjec 'a eb' meb'a', 'icha wal to a 'a Dios wan qui b'uchwjec, atn jun b'ojnac eb'. Toto tzon̈ tzaljec yic tz'och syailal junc xo mach, 'oj jawc pax yailal 'a quib'n̈ec.

Ez 32:29

Ata 'ayc' win sreyl Edom yet' eb' niwc yajal. Caw jeln cob' yutjnac sb'a eb', palta ax ticnec, ata teln 'ec' eb' 'a scal eb' chamnc yuj owl cha. Atn eb' man̈ wico'oc mucb'il 'a 'aj 'ay yet'l eb' chamnac.

Ez 36:1

Ach 'anma', al 'a eb' 'et israelal 'ay 'a lum jolmctac witz, to tzchaj eb' yab' in paxti'.

Abdías 1:1

An Abdías in tic, 'icha waychil, 'ixta xyutj Jehová ya'n wal-l jun tzo'n̈ tic 'ixtc 'a eb' 'aj Edom: 'Ix wab' yaln Jehová to xya't junc schecb' 'a eb' nacion̈, xyaln 'ixtic: 'A'c lista e b'a, coyc ca'c owl 'a Edom, xchi. Yuj cha, tzyaln Jehová 'ixtc 'a Edom:

Ez 25:6

An tzwal 'ixtic: Ax tic, caw e po'jnac e c'ab', e te'n wal 'ejm eyoc, caw tzaljnac ex yic slajw 'el chon̈b' Israel.