Ez 34:25 - Chuj San Sebastian Bible

²⁵ 'Oj in b'o jun in trato yet' eb', ax scan eb' 'a junc'ojlal wet'oc, ax wi'n 'el smasnil tas 'ay smay 'a sat lum lum tic, sec tzaljc'ojlal 'oj scajx eb' lu'um, ax sway eb' 'a junc'ojlal.

Chuj San Mateo Bible

²⁵ Ol vac' in trato eyed'oc, yic vach' junc'olal ol ex ajoc. Ol in satel masanil tas ay smay d'a e cal yic vach' man̈xa tas ol e na'a.

Ez 34:25 Referans Kwoze

Ez 37:26

'Oj in b'o in trato eyet' 'a jun 'ejmn̈ej, ax e can 'a tzaljc'ojlal 'a jun lugar cha. 'Oj wac' q'uib' e b'isl 'a smasnil tiempo, ax wa'n b'ox watut 'aj 'oj waj cajn 'a e cal.

Lv 26:6

Caw tzaljc'ojlal 'oj e can 'a yol e chon̈ab'. Yelc'ojlal 'oj e wayi, may tas 'oj e xib'tni. 'Oj ex in col 'a no chiwjum noc' yet' 'a yol sc'ab' owal.

Ez 34:28

A jun tzo'n̈ nacion̈ cha, man̈x b'a'n̈ 'oj yixtc eb' in chon̈b' tic, man̈x 'a pax no calte'al noc' 'oj chinc eb', junc'ojlal 'oj can eb' 'a sat slu'um, man̈x 'a tas 'oj xib'tn eb'.

Jeremías 33:16

A 'a yic jun tiempoal cha, a eb' 'aj Judá 'oj colchjoc can 'el eb', ax eb' 'aj Jerusalén, man̈x 'a tas 'oj 'i'noc eb'. Atn jun b'i tic 'oj 'ajxoc 'a eb' 'ixtic: A Jehová Tzon̈ B'onyajec 'A Stojlal, xchi.

Jeremías 23:6

A 'a yol stiempoal yic 'oj ya'nc reyl cha, caw 'oj colchjoc can 'el eb' 'aj Judá, yet' pax eb' 'aj Israel, man̈x 'a tas 'oj sna eb'. Atn jun b'i tic 'oj 'ajxoc sb'ioc: A Jehová Tzon̈ B'onyajec 'A Stojlal, 'ixta 'oj sb'ioc, xchi.

Is 35:9

A 'aj tz'ec' jun b'e cha, may no león cajn ta', may e no chiwjum noc' 'oj c'och 'a jun lugar cha. A 'a jun b'e cha, ata 'oj 'ec' eb' colb'ilx 'el yuj Jehová.

Salmos 4:8

Mamin Jehová, a yic tzin 'ec' c'otan, tzaljc'ojlal tzcot in wayan̈, yujto ach 'aychn̈ej 'och wet'oc, yuj cha, may tas tzin 'i'ni.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

Zacarías 6:13

Caw a 'oj b'onc sjel watut cha, 'oj b'inaxc wal si'mb'il. 'Oj 'em wocn ya'n reyl 'a sdespacho, ax 'a smoch sdespacho cha, ata 'oj 'em wocn jun ya'mal 'och sti eb' 'anma 'a Dios, junxn̈ej yaj snab'en eb' schawn̈il.

Job 5:22

A yic 'oj jawc wejel, owal mto yic 'oj jawc no chiwjum noc', ma'oj a xiw yuj jun tzo'n̈ cha.

Is 55:3

Cotn̈ec 'ayin, tzcham wal e maclni eyab' tas 'oj wala', tzeyiclni, sec 'ay e q'uinal. 'Oj in b'ox in trato eyet' 'a jun 'ejmn̈ej, ax wa'n 'el'choc in wach'c'ojlal 'aj wa'jnac in ti wa'n 'a rey David.

Lv 26:5

An̈j 'ijnoc e te'w trigo ax yelx wul sat te uva. 'Ayt pax sch'inchj te uva cha, ax sjapx stiempoal yawx e trigo jun 'ejm xo, 'oj e wa si'mb'il, masnto 'oj e b'ut'ji. Caw wal 'oj eyac' tzaljoc e c'ojl 'a sat lum lum cha.

Nm 25:12

Ax ticnec al 'a 'a, to tzin b'o jun in trato yet'oc.

Job 5:23

A 'a scal a munljel, may q'uen q'uen 'oj extni; ax e no calte'al noc', may 'oj yutc e no' a munljel cha, ma'oj ac' 'owl yet' e no'.

Jeremías 32:37

'oj wac' sactzic eb' et chon̈b' tic 'a junjn nacion̈ yuj yowl in c'ojl to caw 'ay xo smay. 'Oj lajwc cha, ax in molb'tzan eb', ax wi'n pax meltzjoc eb' 'a tic jun 'ejm xo. A 'a tic, man̈x 'a tas 'oj 'i'nc eb'.

Ez 16:60

An tic, nann̈ej jun in trato wa'jnac yet'oc yic 'unn to, ax ticnec, 'oj in b'o junx in trato yet' 'a jun 'ejmn̈ej.

Ez 16:62

Atn yuj in trato 'oj wac' 'el'choc yet'oc, 'ixta to b'i'an, ax in yojcan 'eli, to an ton Jehová in.

Ez 20:37

An 'oj ex in b'eyc'ojloc, ax wa'n eyiclc in trato.

Ez 28:26

Caw tzaljc'ojlal 'oj canx eb' 'a yol schon̈ab', may tas 'oj sna eb'. 'Oj sb'ox chan̈ eb' yatut, ax laj ya'nc pax 'ejm eb' yawb'ente'. An 'oj wa'ch syailal smasnil eb' tzchichn 'och 'a eb', ax yojcan 'el eb' to an Jehová in, sDiosal in eb', xchi 'ayin.

Ez 34:27

'Oj ya'x te 'awb'ente sat, til wal sb'al lum lum chi 'oj yac'a', caw junc'ojlal 'oj can eb' 'anma chi 'a sat lu'um. A yic 'oj in coln 'elt eb' 'a yol sc'ab' eb' 'aj 'aych mosoal cha, 'aj to man̈ yico'oc sb'a eb', ax yojcan 'el eb' to an Jehová in, an tzin col eb'.

Ez 39:26

An 'oj in molb'tzoc cot eb' 'a jun tzo'n̈ nacion̈ 'ajc'ojl yajch 'a eb' cha. Ax scanx cajn eb' 'a sat slum 'a tzaljc'ojlal, man̈x 'a mach 'oj xib'tnoc eb'. 'Ixta wal 'oj wutc in ch'oxni to cojn in ton Dios in. Til wal jun tzo'n̈ xo nacion̈ 'oj 'ilnoc jun cha. 'Ixta to b'i'an, ax yecn q'uixwc sb'a eb' israel yuj stenmtacl x'och 'ayin.

Zacarías 14:11

'Oj 'ajx cajn 'anma 'a Jerusalén jun 'ejm xo, man̈x 'a tas 'oj sna eb' ta', yujto man̈x 'oj ma'xoc 'ejmi.

Lv 25:19

Caw 'oj yac' sat smasnil tas 'oj eyawc 'a lu'um, tzaljc'ojlal 'oj e can 'a sat lu'um, 'oj e c'ux tas 'oj yac' lu'um, 'oj e b'ut'j wal si'mb'il.

Pr 3:24

A yic 'oj elji, may junc tas 'aj 'oj a xiwi, caw tzaljc'ojlal 'oj a wayi.

Is 54:10

An Jehová in, caw yel tz'o'ch in c'ojl 'ayach. Wach'xam 'oj jelmjoc eb' lum niwc witz tic 'a yet'ul, ax scot eb' lum tzaln c'acpil, palta a 'in chamc'ojlal 'ayach, may b'a'n̈ tzjelmji, may pax b'a'n̈ 'oj in ju in trato b'ob'il wuj et'oc, yuj cha, 'ay junc'ojlal 'a qui cal, xchi Dios.

Is 61:8

A Jehová a tzaln 'ixtic: A tojlal a chi tzin nib'ej, chacb'il 'el eb' 'elc'm wu'uj yet' eb' milm cham 'anma'. Caw yel 'oj wac' 'el'choc tas tzwala, to 'oj wac' spac eyico', ax in b'on pax in trato eyet' 'a jun 'ejmn̈ej.

Jeremías 23:4

An Jehová in, an tzwala, to 'oj wa'ch yilmal eb', sec wach' man̈x 'oj xiw eb', man̈x 'a pax junc eb' 'oj satoc, xchi Dios.

Ez 38:8

A yic niwn xo tiempo tox x'eq'ui, ax a nan cha'an̈ to 'oj ac' owl yet' chon̈b' Israel, atn jun chon̈b' niwn tiempo cannc can 'a sictacl yuj owal. Palta a 'a jun tiempoal cha, meltzjnacx eb' 'anma sactzicnac yajcn 'at 'a scal jun tzo'n̈ xo nacion̈, cajn xo 'ec' eb' 'a slum chi 'a junc'ojlal.