Ez 33:3 - Chuj San Sebastian Bible

³ A yic tzyiln win sjaw eb' 'a'm owl cha, yajn̈ej tzyutz'n win strompeta, sec tzyac' lista sb'a eb' chon̈ab' yic tzcoln sb'a eb'.

Chuj San Mateo Bible

³ Ayic syilan vin̈ yilumal chi' to van sjavi eb' soldado ajc'ool, spu'an strompeta vin̈ yic scol sb'a eb' anima chi'.

Ez 33:3 Referans Kwoze

Os 8:1

Ach Oseas, ¡'Utz'j a trompeta! yujto wan sjaw tza'n̈joc eb' 'ajc'ojl 'a eb' in chon̈b' 'icha junc no c'uc'um, yujto ma'ix syiclj eb' in trato in b'ojnac yet'oc, tenmtac xyutj sb'a eb' 'a in cuynb'il.

Nehemías 4:20

Yuj cha, a yic 'oj eyab'n yoc' no cacha 'a 'aj 'ayx 'ec' cha, tzex jaw 'a qui tz'ey on̈, ax qui Diosalec a 'oj colwjoc quet'ec 'a owal, xin chi 'a eb'.

Jl 2:1

'Utz'jec q'uen trompeta 'a tzaln Sión. 'Utz'jec q'ue'en yic tzalx yab' eb' cajn 'a lum tzaln yic 'emmquilal yaj 'a Jehová. 'Ib'x cab' chan̈ smasnil eb' cajn 'a Judá, yujto jab'xoj sjaw jun c'u yic 'oj ya'nc Jehová yowl sc'ojol.

Is 58:1

'Ix yaln Dios 'ayn 'ixtic: 'Awjan̈ yet' smasnil ep 'a eb' in chon̈ab', atn eb' yin̈tl Jacob. May yuj tzach xiwi, caw 'ip yel aw 'icha yic tz'utz'x q'uen trompeta. Tzaln yab' eb' to caw wal tenmtac eb', 'ix 'och smul eb' 'a in sat.

Nehemías 4:18

A smasnil eb' tzmunlj 'a muro cha, t'un̈n 'och yespada junjn eb' 'a snan̈al. A 'a in tz'ey ata 'ayc' pax win tz'utz'n no cacha.

Jeremías 51:27

Ch'oxc chan̈ jun senya yic owl 'a Babilonia. 'Utz'jec q'uen trompeta, sec tzjaw smasnil nacion̈ yac' owl 'a 'a. Cot cab' eb' 'aj Ararat, yet' eb' 'aj Mini, yet' pax eb' 'aj Askenaz yac' owl yet'oc. Si'c 'och junc general tzjucb'tzan eb' soldado 'a owal. 'At cab' no chej 'a owal, niwn cab' no 'icha no c'ulb' man̈x jantcoc sb'isul.

Jeremías 6:1

¡Ex yin̈tl can Benjamín, sayc 'aj tz'at e col e b'a, 'eln̈ec 'a yol chon̈b' Jerusalén! 'Utz'jec q'uen trompeta 'a chon̈b' Tecoa, 'a'c 'och tab' ch'oxnb'ilal 'a Bet-haquerem, yujto 'ay wal jun niwquil yailal tzcot 'a stojlal norte, til wal tas tzjuw 'el yu'uj.

Jeremías 4:5

Alc 'el jun tzo'n̈ tic 'a eb' 'aj Judá yet' eb' 'aj Jerusalén, alc 'el yet' sjajl q'uen trompeta 'a smasnil jun nacion̈ cha. Caw 'ip eya'n 'el eyaw tzeyaln 'ixtic: ¡Coyec, qui yamc qui b'a 'a jun tzo'n̈ niwc chon̈b' caw wach' yajch smuroal! xe chi.

1 Co 14:8

Q'uinloc 'ay junc owl ticnec, tzc'och yorail s'at eb' soldado 'a owl cha. Tz'oc' strompeta eb', tz'at eb'. Toto man̈oc yaj tz'aj yutz'xi, ¿tom tztac' ya'n lista sb'a eb', tz'at eb' 'a owl cha?

Ez 3:19

Palta toto 'oj al yab'i', ax tz'aji ma'oj yactj can stu b'eyb'al cha, 'oj ton cham yuj smul chi b'i'an, ach xo tic, libre ach 'a jun 'anma cha.

Am 3:6

Toto tz'utz'x q'uen trompeta 'a scal chon̈ab', caw tzxiw chan̈ smasnil 'anma'. Toto 'ay tas 'ay smay tz'ec' 'a scal chon̈ab', tzyal 'el'chi, a Jehová tz'a'n b'o 'ixta'.