Ez 33:27 - Chuj San Sebastian Bible

²⁷ Al 'a eb', to an Jehová in, an tzwal 'ixtc 'a yib'n̈ eb': A eb' cajn 'a jun tzo'n̈ chon̈b' mac'b'il 'ejmi, 'oj cham eb' yuj owal. Ax eb' cajn 'a calte', a no calte'al noc' 'oj chinc eb', yet' pax eb' cajn 'a yoltc n̈aq'ue'en, a yab'il 'oj milnc eb'.

Chuj San Mateo Bible

²⁷ Tzalanpax d'a eb' to a in Jehová Yajal in sval icha tic d'a yib'an̈ eb': A eb' cajan d'a juntzan̈ chon̈ab' mac'b'ilem lan̈najoc, ol miljocpaxcham eb'. Axo eb' cajan b'aj man̈xalaj te' pat, a noc' caltacte'al noc' ol chianb'at eb'. Axo eb' cajan d'a yoltac q'uen n̈aq'ueen, a ilya ol ic'an scham eb'.

Ez 33:27 Referans Kwoze

Jeremías 42:22

Yuj cha, 'ojquejec 'eli, chajtlto 'oj e cham yuj owal, yuj wejel, yuj pax yab'il 'a jun chon̈b' 'aj tze nib'j tzex c'och cajn cha, xin chi 'a eb'.

A Ch'an̈ B'ab'el Libro Samuel 13:6

A yic xyiln eb' israel to matz techj yuj eb' 'a eb' filisteo, caw x'och xiwc'ojlal 'a scal eb'. 'Ix 'at eb' sc'ub'c 'el sb'a 'a yoltc n̈aq'ue'en, 'a yoltc xab', 'a sat q'ue'en, 'a slot'l tenam yet' 'a yoltc ch'olan.

Ez 39:4

'Oj lajwc cha, ax ach wa'n 'a yol sc'ab' chaml yet' eb' a soldado yet' pax smasnil eb' yic jun tzo'n̈ xo nacion̈ ajun et'oc. 'Oj a chamcn yet' eb' 'a lum jolmctac witz cha, ax no 'usej yet' smasnil e no calte'al noc' 'oj a chin yet' eb'.

Ez 33:24

Ach 'anma', a eb' 'anma cajn 'a jun tzo'n̈ chon̈b' mac'b'il 'ejm 'a yol slugar eb' et israelal, ata tzlaj yal eb' 'ixtic: A win Abraham sch'ocj wal winac, palta smacjnac win yico'oc lum lum tic. An̈ec xo tic, caw niwn qui b'islec, smoj wal quica'anec jun nacion̈ tic, xchi eb'.

Jeremías 44:12

A wal 'oj wutc ticnec, ax tic ex cant can cob' 'a Judá, palta ex jaw 'a Egipto tic, caw 'oj ex in satl 'a jun 'ejmn̈ej. Smasnil eb' cotc 'unin, yet' eb' 'ichmtac 'anma', 'oj cham eb' 'a owal, yet' yuj wejel. 'Oj jawc catb' 'a eyib'an̈, caw 'oj ex wi'cn 'ejmi. A eb' 'anma 'oj eyilni, caw 'oj xiw eb' eyu'uj.

Jeremías 41:9

A jun xab' 'aj xyac' 'ejm Ismael sniwnal eb' 'anma smil cham cha, atn jun 'aj tzyam sb'a a a 'ix yac' win rey Asa joyxoc, yic scoln sb'a 'a win Baasa sreyl Israel. A jun xab' cha, caw wal niwquil, palta 'ix b'ut'j yuj sniwnal eb' 'anma smil cham Ismael.

Is 2:19

A yic 'oj ya'n Jehová 'ib'xoc yolyib'n̈q'uinl tic, 'oj laj xiw chan̈ eb' 'anma', ax laj sc'ub'n 'el sb'a eb' 'a yol n̈aq'ue'en, 'a yojl eb' lum xab'. Ata 'oj sc'ub'c 'el sb'a eb', yujto caw 'ay smay yilx Jehová yet' stzictznial.

A Ch'an̈ B'ab'el Libro Samuel 24:3

A yic 'ix c'och Saúl yet' eb' soldado 'a jun lugar cha, ata 'ay jun scol-l no calnelu 'a sti b'e, ata 'ay pax jun q'uen n̈aq'uen 'a sla'nil cha. 'Ix 'och Saúl chuljoc 'a yojl q'uen n̈aq'uen cha, man̈ yojcoc toto ata chotn 'ec' David 'a yich 'ochch q'uen yet' eb' winc ajun yet'oc.

A Ch'an̈ B'ab'el Libro Samuel 23:14

'Ix can cajn David 'a jun tzo'n̈ n̈aq'uen 'a lum jolm witz 'a lum cusltac lum yic Zif. 'Ix sayx 'ec' yuj Saúl 'a junjn c'u, palta ma'ix 'ajx 'a yol sc'ab' yuj Dios.

A Ch'an̈ B'ab'el Libro Samuel 22:1

Xlajw cha, 'ix 'atx David chi ta', 'ix 'at sc'ub'nc 'el sb'a 'a yol jun n̈aq'uen 'ay 'a yol yic Adulam. Ax yic xyab'n eb' yu'tac yet' eb' yicanto sb'a yet'oc, chajtlto ata 'ayc' ta', 'ix c'och eb' yet'oc.

Jueces 6:2

A eb' israel cha, caw 'ipn swach' 'ixtx eb' yuj eb' madianita. Caw wal tzxiw eb' 'a eb', yuj cha, sb'on eb' israel chi sjul 'aj tzc'ub'j 'el sb'a 'a spatc eb' lum niwc witz, 'a yojl n̈aq'ue'en, yet' 'ajtil caw 'ajltac sc'och 'anma'.

Ez 14:21

Yuj cha, an Jehová Yajl in, an tzwal 'ixtic: A yic 'oj wa'noc cot chan̈e niwc yailal 'a yib'n̈ chon̈b' Jerusalén, caw wal 'ay smay tas 'oj ujc cha. 'Oj jawc owal, wejel, no chiwjum noc' yet' yab'il. 'Oj cham eb' 'anma', yet' no noc'.

Sofonías 1:2

'Oj in satl smasnil tas 'ay 'a sat lum lu'um.