Ez 33:12 - Chuj San Sebastian Bible

¹² 'Ix yaln pax 'ixtic: Ach 'anma', al yab' eb' et chon̈b' tic: Toto 'ay junc mach tojl sb'eyb'al, ax tz'aji tz'och smul. A jun cha, matz colchj yuj swach' b'eyb'al 'a yic yalan̈; an̈jtona', toto a junc mach 'ay smul, tzyactj can jun tzo'n̈ maysch'olnil cha, ax tojlal tzb'o'o, ma'oj cham yuj tas sb'ojnac 'a yic yaln̈ cha. 'Ixta junc mach tojl sb'eyb'al, toto tz'och smul, ma'oj colchjoc yuj swach' b'eyb'al 'a yic yaln̈ cha.

Chuj San Mateo Bible

¹² Ach anima, al d'a eb' etchon̈ab' chi' icha tic: Tato ay eb' vach'taxon sb'eyb'al, axo tz'aji sc'ulan chucal eb', man̈ ol colchajlaj eb' yuj sb'eyb'al vach'taxon chi'. Tato ay eb' te chuctaxon sb'eyb'al, snaan sb'a eb', axo vach'il sb'eyb'alej eb', man̈ ol chamlaj eb' yuj schucal d'a yalan̈tax chi'. A pax eb' sb'eyb'alan tojolal, axo tz'aji axo man̈ tojoloc sb'eyb'alej eb', man̈ ol colchajlaj eb' yuj stojolal d'a yalan̈tax chi'.

Ez 33:12 Referans Kwoze

2 Cr 7:14

palta toto 'oj eyic' 'ejm e b'a, ax sb'inax in b'i eyu'uj, tzex leslwi 'ayin, tzeyaln e b'a 'ayin, tzlajw cha, tze jeln e b'eyb'al. Toto 'ixta', 'oj wab' e lesl 'a satcha'an̈, ax wa'n lajwc e mul, ax wa'n pax yaxb'oc e lu'um.

Ro 3:25

A Cristo 'ajxnac 'och xajmb'al-l yuj Dios. 'Elnc schiq'uil, yic tzyi'n 'el qui mulec, yujto tzca'c 'och qui c'ojl 'a 'a. 'Ixta yutjnac Dios sch'oxni, to caw tojl yutjnac sb'a pecti', yic ya'n niwnc'ojlal 'a eb' laj 'ochnc smul 'a 'a.

1 Jn 2:1

Ex chamc'ojlb'il wu'uj, tzin tz'ib'j 'at jun tzo'n̈ tic 'ayex, sec man̈xtzac e b'o maysch'olnil. Palta toto 'ay 'aj tzqui b'oc maysch'olnil, 'ay jun tz'a'n 'och qui tic 'a qui Mam Dios, atn Jesucristo. A jun cha, caw tojl snab'en.

Ez 33:2

Ach 'anma', al yab' eb' et chon̈ab' to an tzwal 'ixtc 'a eb': A yic tzwa'n cot owl 'a yib'n̈ junc nacion̈, ax eb' 'anma 'a jun nacion̈ cha, yowlal tzsay eb' junc winc tz'och 'ilwjumal.

Ez 18:21

Toto 'ay mach maysch'olnil sb'eyb'al, palta tznib'j tzyactjcan jun maysch'olnil cha, syiclc cab' in ley, tzb'eylb'an tas tojol, a jun 'anma cha, ma'oj cham muc'uc.

Ez 3:18

A yic 'oj walnc 'a junc maysch'olnil snab'en 'ixtic: Wal yel 'oj a cham yuj a mul, 'oj in chic 'a 'a. Ach xo tic, toto ma'oj al yab'i', to tzyactj can stu b'eyb'al cha, sec tzyil jacx tiempo, a jun cha 'oj cham xon yuj smul cha, palta a schamlil cha, eb'n̈ tzcan wu'uj.

Ez 33:20

'In tzeyal 'ixtic: A Dios man̈ tojloc sb'eyc'ojlwji, xe chi. Palta junjnal 'oj ex in b'eyc'ojloc ax israel ex tic, a tzyala tastc tze b'o junjn ex, xchi Dios.

Jeremías 18:8

palta toto a junc nacion̈ cha, tzyij 'el sb'a 'a scal maysch'olnil, to 'ixta', man̈xtzac wa' cot jun yailal chi nab'ilx wuj 'a yib'an̈.

Jeremías 18:10

palta toto a junc nacion̈ cha, cojn maysch'olnil tzb'o'o, matz yiclj pax tas tzwala, to 'ixta', man̈xtzac wac' yaxilal 'a 'a, 'icha tas nab'ilx wuj 'a yib'an̈.