Ez 32:7 - Chuj San Sebastian Bible

⁷ A yic 'oj ach in satnc 'el cha, 'oj 'och q'uic'q'uinl 'a satcha'an̈, ax stup yoc c'anal; 'oj 'och 'asn 'a sat c'u, ax stup pax yoc 'uj.

Chuj San Mateo Bible

⁷ Ayic ol ach vac'an sateloc, ol vac' q'uic'b'oc satchaan̈, ol tup yoc q'uen c'anal, ol q'uic'b'oc yoc c'u. Ol tuppaxel yoc q'uen uj.

Ez 32:7 Referans Kwoze

Mt 24:29

A 'a yic 'oj lajwc 'ec' jun niwn yailal cha, 'oj 'och q'uic'q'uinl 'a c'u, 'oj tup yoc 'uj, ax yemt jun tzo'n̈ c'anal, yujto 'oj stzicb'tan̈c Dios tas 'ay 'a satcha'an̈.

Jl 2:31

'Oj 'och q'uic'q'uinl 'a c'u, ax 'uj caw chac 'oj 'aj 'icha chic'. A jun tzo'n̈ tic, 'oj ujoc 'a yic mantzac jaw sc'ul in jaw an Jehová in tic. A jun c'u cha, caw niwn yel'chi, caw 'ay smay.

Jl 2:2

A 'a jun c'u cha, caw q'uic'q'uinl 'oj 'ajoc. 'Oj 'och q'ui'l 'asun, yuj cha, 'oj 'och wewen. A wal no c'ulub', lajn wal no 'icha eb' soldado caw niwn sb'isul. Caw b'essi sb'ey e no 'icha wal sb'ey b'essoc wewen, masnto tzmacchj 'el lum jolmctac witz yu'uj. Mant 'a 'aj ujnc jun tic jun 'ejmoc 'a yic yaln̈taxi, man̈x 'a pax b'a'n̈ 'oj 'ujc jun 'ejm xo.

Ez 30:3

Yujto jab'xoj sjaw jun c'u yic yowl in c'ojl an Jehová in. A 'a jun c'ul cha, 'oj 'och q'uic'q'uinl 'a c'u, caw 'oj yab' syal smasnil nacion̈.

Is 34:4

Smasnil c'anal 'ay 'a satcha'an̈, 'oj tzicb'tan̈x 'a yet'ul, ax satcha'an̈, 'oj chulxocb'e'n 'icha junc ch'an̈ u'un̈. 'Oj cot smasnil c'anal, lajn 'oj 'aj eb' yem 'icha tz'aj stacj 'el xil te uva, tzpuc 'ejm 'a yich, mto 'icha tz'aj yem sat te 'awb'ente 'a yich.

Is 13:10

Ax smasnil c'anal 'a satcha'an̈, man̈x 'oj yac' sacq'uinlal 'a yib'n̈ lum lum tic, cojn yic tzq'uel c'u, ax yochx can musan, 'ixta pax 'uj, man̈x 'oj yac' sacq'uinlal 'a 'ac'wal.

Jl 3:15

A c'u yet' 'uj man̈x 'oj yac' sacq'uinlal, ax jun tzo'n̈ c'anal, 'oj sat stzictznil eb'.

Apoc 8:12

'Ix yutz'n jun schan̈l ángel strompeta. Yajn̈j wal cha, jab'xoj man̈ spacloc x'aj sjuw c'u, yet' 'uj, yet' pax c'anal. Jab'xoj man̈ spacloc x'aj sq'uic'b' eb'. Yuj cha, junjn c'u man̈x 'a wal sacq'uinal, ax 'a junjn 'ac'wal, man̈x 'a wal yoc 'uj yet' c'anal.

Mr 13:24

Palta a 'a jun tiempoal cha, yic tox 'oj lajwc 'ec' jun niwn yailal cha, 'oj 'och q'uic'q'uinl 'a c'u, ax stup yoc 'uj.

Am 8:9

An Jehová in, an tzwal 'ixtc yuj jun c'u 'oj jawc cha: Caw wal chimc'ual, ax wa'n 'och q'uic'q'uinal, yic wach' yem yoc c'u, ax wa'n q'uic'b'oc 'el yolyib'n̈q'uinl tic.

Ez 30:18

A yic 'oj in satnc 'el Egipto yet' sjelnal, atn b'an̈quintaquil, 'oj 'och q'uic'q'uinl 'a c'u, ax stup yoc c'u 'a chon̈b' Tafnes, 'oj q'uic'b'oc 'el smasnil yol yic Egipto yuj jun 'asn 'oj 'och 'a yib'an̈, ax yijx 'at smasnil 'anma 'icha presoal yuj eb' 'ajc'ojl cha.

Jeremías 13:16

A tze na'a, to 'oj jawc sacq'uinal, palta to 'oj wach' q'uic'b'oc si'mb'il yu'uj. Yuj cha, meltzjan̈c 'a Jehová qui Diosalec, tzeyaln q'uet e mul, ya' sb'a mantzac ex telw 'a lum tzalctac yuj q'uic'q'uinl 'oj ya' coti.

Pr 13:9

Toto tojl qui b'eyb'alec, lajn on̈c 'icha junc luz caw tzictzni yilx yoc; ax toto may qui ch'olnilec, lajn on̈c 'icha junc cantil wan stupi.

Lc 21:25

'Ay wal jun tzo'n̈ senya 'oj sch'ox sb'a 'a c'u, 'a 'uj, yet' pax 'a jun tzo'n̈ c'anal. Ax 'a sat lum tic, caw 'oj somchj chan̈ eb' 'anma yuj xiwlal 'a junjn chon̈ab'. Yujto til wal 'oj c'an̈ sq'ue wan a mar, ax yemx pawnjoc a'.

Job 9:7

A tztac' yaln 'a c'u, to matz q'uel 'a junc c'u cha, a tztac' yaln pax 'a jun tzo'n̈ c'anal sec matz yac' eb' sacq'uinlal.

Ec 12:2

Nac cot jun Dios b'ojnac ex, ya' sb'a wach' to eyiln yoc c'u, yoc 'uj yet' c'anal. Yujto 'oj niwtjoc sjaw b'elb'noc yailal.

Ez 31:15

An Jehová Yajl in, an tzwala: A yic xc'och jun te niwquil te chi 'a 'aj 'ay yet'l eb' chamnc cha, 'ix tacj chan̈ eb' a a 'ay 'a yol lum yuj cusc'ojlal, 'ix 'och wan sb'ey eb' a niwc a', 'ix wa'n cus eb' lum jolmctac witz yic Líbano, ax smasnil eb' te te', 'ix tacj chan̈ eb' te'.

Ez 34:12

'Icha wal yoch junc 'ilm calnelu 'il yuj scalnelu satnc can 'ati, 'ixta woch 'il yuj eb' in chon̈ab'. 'Oj in molb'tzoc paxt eb' 'aj sactzicnac yajcn 'at cha, ax wi'n 'elt eb' 'a scal q'uic'q'uinl 'aj 'aycn 'ati.

Jl 2:10

Caw tz'ib'x lum lum 'a yojltac e no', tzi'mj pax satcha'an̈. Tztup yoc c'u yet' yoc 'uj yuj yen̈l no', man̈x checloc swetzwni c'anal.