Ez 32:3 - Chuj San Sebastian Bible

³ An Jehová in, an tzwal 'ixtic: 'Oj wac' syam sb'a jun tzo'n̈ 'anma 'a sti a cha, ax in juln 'at in chim 'a eb'an̈, 'oj a can 'a yojl in chim cha, ax eb' 'anma chi 'oj a to'n q'uet 'a sti a'.

Chuj San Mateo Bible

³ Yuj chi' a Jehová Yajal tz'alan icha tic: Ol in molb'ej juntzan̈ nación, ol och eb' ajc'olal d'ayach, ichato ol ach in yam yed' in chimpa. A d'a yol in chimpa chi' ol ach canoc, axo eb' chi' ol ach ic'anq'ueta d'a sti' a'.

Ez 32:3 Referans Kwoze

Ez 12:13

An xo 'oj wa't in ch'an̈ yal 'a yib'an̈, ax scan 'a yojol, ax yijx cot 'icha presoal 'a Babilonia tic, atn lum slum ewin caldeo. Palta ma'oj yil xon jun chon̈b' tic, a pax a tic 'oj chamoc.

Jeremías 16:16

Palta a yic mantzac uj jun cha, 'oj wi' cot eb' 'ajc'ojl 'a eb' israel yic tzwul yamchjoc 'at eb' yuj eb'. 'Icha tzyutj eb' yamn chay syamn no chay yet' schim, mto 'icha tzyac' eb' ma'm noc' tz'ec' 'a lum tzalctac, tz'ec' saync eb' no 'a yoltc n̈aq'ue'en, yet' 'a sjatlil eb' q'uen q'ue'en, 'ixta 'oj wutc eb'.

Os 7:12

Palta a yic 'oj 'atx eb' ta', 'oj in julb't in ch'an̈ yal 'a yib'n̈ eb'. 'Oj 'em eb' 'icha tz'aj yem junc no ch'ic. 'Oj wa'ch yailal 'a yib'n̈ eb' 'icha x'aj yalx 'a scal eb'.

Ez 17:20

'Icha to 'oj wa't 'in ch'an̈ yal 'a yib'an̈, ax scan 'a yojol. 'Oj wi' cot 'a Babilonia tic, ax 'a tic 'oj in b'eyc'ojloc, yujto tenmtac xyutj sb'a 'ayin.

Lm 1:13

'Icha wal junc c'ac', 'ixta xyutj Jehová ya'n cot qui yailal 'a satcha'an̈, caw wal tzc'ux lajwc qui b'acl tzcab'i. 'Icha pax junc ch'an̈ yal tz'ejm 'a cojltac 'ixta 'on̈ yutj yet' qui yailal on̈, yuj cha, on̈ meltzj 'a qui patic. On̈ yactj can qui ch'ocoj, 'a junjn rato tzcab'n syal on̈.

Ec 9:12

An̈ 'anman̈ec tic, man̈ cojcoquec jantc qui q'uinal; 'icha tzyac' no chay tzcan 'a yojl ch'an̈ chim, mto 'icha no ch'ic tzcan 'a ya'al, 'ixta 'on̈ec, may tas nan cujec, ax tz'aji, ata tz'el-l tza'n̈joc junc tas 'a quib'n̈ec.

Job 7:12

Mamin, ¿tom lajn in 'icha junc no lagarto 'a yojl a mar tzela, yuj cha, tza'n 'och in tan̈mal?