Ez 32:18 - Chuj San Sebastian Bible

¹⁸ Ach 'anma', b'itnej jun b'it yic chaml tic, yujto til wal eb' soldado 'aj Egipto 'oj chamoc, yet' eb' soldado yic jun tzo'n̈ nacion̈ 'oj c'och eb' 'a scal eb' yit chamnquil cha: A eb' caw jelan, 'oj telwc 'ejm eb', ax sc'och eb' 'a campusan yet' eb' 'ayx 'ec' chi ta'.

Chuj San Mateo Bible

¹⁸ Ach anima, b'itej jun b'it yic chamel, yujto man̈ jantacoc eb' soldado yic Egipto ol chamoc, tzalan icha tic: A eb' jelan, ol cham eb', ol emcan eb' d'a yalan̈ lum luum tic. Ol emc'och eb' b'aj ayec' juntzan̈xo eb' ayxoec' ta'.

Ez 32:18 Referans Kwoze

Ez 31:14

Man̈x 'a junc te te 'oj q'uib' 'icha jun tic, smasnil eb' te tzq'uib' 'a sti eb' a a cha, wach'xam 'aych yalil eb' te', palta man̈x 'a junc te 'oj 'ec' stel 'a eb' te yit tel cha. Smasnil eb' yajl 'a yolyib'n̈q'uinl to lajn snab'en 'icha jun te tic, 'ayx 'och chaml 'a yib'n̈ eb'. 'Oj cham eb' 'icha tz'aj scham eb' comn 'anma', ax s'atcn eb' 'a campusan.

Miqueas 1:8

Yuj wal cha, tzin 'oc' si'mb'il yuj cusc'ojlal; jitn in 'eli, may in xan̈b' 'aychi tzin 'eq'ui. Xoj yel waw 'icha junc no 'oques, mto 'icha junc no cujub'.

Ez 32:16

A jun tic b'it yic chamel, 'oj sb'itnoc eb' 'ix 'ix 'a jun tzo'n̈ xo nacion̈, yic 'oj 'oc' eb' 'ix yuj Egipto, yuj pax eb' 'anma 'oj chamoc. An tzwal jun tzo'n̈ tic, xchi Dios.

Ez 32:2

Ach 'anma', a ticnec b'itnej jun b'it yic chaml tic 'ixtc 'a yib'n̈ win sreyl Egipto: Ach faraón, lajn ach 'icha junc no quelm león 'ay 'a scal jun tzo'n̈ xo nacion̈; lajn ach pax 'icha junc no niwquil noc' 'ay 'a yojl a mar; tzach b'alb'n 'ec' 'a yojl eb' a b'eymal a', ax oc tzma'n tatb'oc a'.

Jeremías 1:10

A ticnec tzach in checb't 'a jun tzo'n̈ xo nacion̈ yic tzaln yab' eb' to 'oj jawc yailal 'a yib'n̈ eb', 'oj satl eb', ax slan̈chj 'ejm schon̈b' eb'. 'Ay eb' chon̈b' chi 'oj satl 'a jun 'ejmn̈ej, 'ay pax eb' 'oj b'ox cha'an̈, xchi.

Os 6:5

Yuj cha ex in satn 'eli, 'icha wutjnac wa'n yal eb' in checb' 'ayex. Yuj in paxti', ex in satn 'eli. Caw checl eyailal xwa'chi, lajn wal 'icha yoc c'u.

Ez 43:3

A jun xwil cha, lajn wal yilx 'icha jun wiljnac yic wul ya'nc Dios lajwc 'el chon̈b' Jerusalén, 'icha pax jun wiljnac 'a sti a niwn a Quebar. Cojn wal yic xwiln cha, in 'em n̈ojnjoc 'a sat lu'um.

Ez 31:16

A yic xc'an̈ yem lan̈njoc cha, caw 'ix xiw jun tzo'n̈ nacion̈ yab'ni, ax yic 'ix 'emch 'a 'aj 'ay yet'l eb' chamnac, ax eb' chamnc chi 'ayc' ta', 'ix yij eb' sniwnal sc'ojol, atn eb' lajn yet' eb' te 'awb'ente 'ay 'a Edén yet' eb' te yic Líbano.

Ez 26:20

'Oj in julcn 'ejm 'aj 'ayc' eb' 'anma chamnc 'a pecti'. 'Oj in julcn 'ejm 'a xab'l yich lum lu'um, 'icha 'ajnc jun tzo'n̈ xo chon̈b' satnc 'el 'a jun 'ejmn̈ej. Man̈x 'a b'a'n̈ 'oj 'ochx chon̈b'al, man̈x 'a xon eb' 'anma 'oj cajnoc.

Is 16:9

Yuj cha, 'oj 'oc' eb' 'anma chi yuj te uva 'a Sibma, yuj te yic Jaser, ax yelt yal sat eb' yuj te uva yic Hesbón yet' yuj te yic Eleale. A 'a scal yawb'ente eb' 'anma cha, ata 'oj 'el yaw eb' yuj owal.

Ro 12:15

A mach tzalji, tzalj coyc yet'oc. Ax mach tzcusi, cus coyc pax yet'oc.

Lc 19:41

Ax yic wan sc'och Jesús 'a sla'nil Jerusalén, xyiln 'at jun chon̈b' cha. 'Ix 'oc' yu'uj.

Ez 32:21

Ax yic 'oj c'och eb' yet' eb' rey chamnc xo, ax yaln eb' rey 'ayc' chi ta 'ixtic: ¡'A, sjaw ewin xcham yuj owal! Ewin ma'ix 'a'n 'och sc'ojl 'a Dios, 'oj can teln sniwnal eb' 'a tic quet'ec, 'oj xchic eb'.

Is 14:15

Palta ax x'aji, 'ixc ach wach' 'emcn 'a 'aj 'ay yet'l chamel, ach 'em'ch can 'a xab'l yich eb' lum xab' olan.

Salmos 63:9

Ax eb' tzin nib'n milnc chamoc, 'oj 'atcn eb' 'a yol sjul-l eb' chamnc 'anma';

Salmos 30:9

¿Tas to a ganar wet'oc, q'uinloc tzin chami, tzlajw cha, tzin mucxi? Ax in poccal ¿tom tztac' to ach sb'itnani? ¿Tom tztac' to yaln wach' paxti 'aych yuj tas wach' tza b'o'o?

Mt 11:23

An̈jtona', 'ixta 'ex 'aj Capernaum. Tzcob' e na', to smoj 'oj e c'och 'a satcha'an̈. Palta ton̈j 'oj eyemcn 'a scal eb' chamnac. Octom a 'a Sodoma b'ob'il jun tzo'n̈ milagro 'icha xb'o 'a e cal. To 'ixta', snajnac sb'a eb', ax jun schon̈b' eb' cha, an̈ja 'ayc' ticnec.

Ez 32:12

Ax eb' 'anma cha, 'oj wac' eb' 'a yol sc'ab' eb' 'a'm owl caw may sniwnc'ojlal, a eb' 'oj satnc 'el eb'; ax satn pax 'el eb' sb'inab'ilal Egipto, caw niwn 'anma 'oj chamoc.