Ez 31:12 - Chuj San Sebastian Bible

¹² A eb' 'anma caw tu 'a jun tzo'n̈ xo nacion̈, a eb' xwul ch'acnoc 'ejm lan̈njoc. C'uxn 'ix wecchj te sc'ab' chi yem 'a lum jolmctac witz, 'a lum pan̈ctac, 'a lum ch'olan, ton̈j sch'ac eb' jun te cha, 'ix cann̈j 'a yet'l cha. Ax eb' 'anma 'ayc' 'a yaln̈ yen̈l te cha, 'ix 'at eb' 'elc smasnil.

Chuj San Mateo Bible

¹² A juntzan̈ eb' ch'oc chon̈ab'il chi' malaj yoq'uelc'olal eb', a eb' ix ch'acanel te', toxon̈ej ix can telan te'. A sc'ab'tac te' ix can̈chajb'ati, yujto ix telvi te' d'a scaltac te te' d'a jolomtac vitz yed' d'a ch'olquixtac d'a yol nación chi'. Masanil anima cajan d'a yen̈ul te' ix b'at eb' elelal, ix actajcan te'.

Ez 31:12 Referans Kwoze

Ez 28:7

Yuj cha, 'oj wi' cot eb' chuc chon̈b'al 'ayach, atn eb' may xon sniwnc'ojlal. 'Oj yic' q'uet eb' yespada yic tzach stzu'n eb', ax satn 'el eb' a b'inab'ilal yet' smasnil tas wach' yilx 'ix 'ilchj oj yuj sjelnal a nab'en.

Ez 35:8

A eb' lum jolmctac witz, eb' lum tzalctac, eb' lum pan̈ctac, yet' eb' lum ch'olctac 'aj tzb'ey eb' a a', 'oj b'ut'joc eb' lum yuj sniwnal eb' 'anma 'oj cham yuj owal.

Habacuc 1:6

'Oj wi' cot eb' caldeo wul yac' owl eyet'oc. A jun tzo'n̈ 'anma cha, jun 'ejmn̈ej caw matz 'o'ch xon jac sc'ojl eb'. Cojn owl tznib'j eb', c'uxn tz'ec' yoymtoc eb' yolyib'n̈q'uinal yuj smacn 'ec' eb' lum lum to man̈ yico'oc.

Ez 30:11

'Oj 'at jun rey chi yet' eb' soldado yel xo may sniwnc'ojlal, ax satn can 'el eb' jun nacion̈ cha, 'oj q'uecn b'uln eb' 'anma scham 'a Egipto chi yuj eb'.

Apoc 17:16

Ax lajn̈e ch'ac 'ix ela, yet' jun noc' sb'i cha, 'oj meltzjc 'och eb' 'a jun 'ix 'ajmul 'ix cha. 'Oj yi'c eb' jantcn̈ej tas 'ay 'a 'ix. Caw 'oj 'elcn jitn 'ix. Ax schin pax eb' schib'jal 'ix, ax sn̈usn pax tz'a eb'.

Habacuc 1:11

Cojnn̈ej tz'em junc chon̈b' chi yuj eb', tz'atx eb' 'a junc xo chon̈b' yac' owal. 'Icha wal yec' chacxuxm 'ic', 'ixta wal yec' eb'. Caw tz'och smul eb' 'ayin, yujto a yip eb', a chi tzya'ch eb' sdiosaloc, xchi Dios.

Ez 39:4

'Oj lajwc cha, ax ach wa'n 'a yol sc'ab' chaml yet' eb' a soldado yet' pax smasnil eb' yic jun tzo'n̈ xo nacion̈ ajun et'oc. 'Oj a chamcn yet' eb' 'a lum jolmctac witz cha, ax no 'usej yet' smasnil e no calte'al noc' 'oj a chin yet' eb'.

Ez 35:5

Yujto ach tic toxn to 'ajc'ojl xon ajch 'a eb' israel, a lajjnac 'el eb' yet' owal yic 'aych eb' 'a syailal yuj smul.

Ez 32:12

Ax eb' 'anma cha, 'oj wac' eb' 'a yol sc'ab' eb' 'a'm owl caw may sniwnc'ojlal, a eb' 'oj satnc 'el eb'; ax satn pax 'el eb' sb'inab'ilal Egipto, caw niwn 'anma 'oj chamoc.

Ez 7:21

'Oj cot eb' 'anma yel xo tu 'a chuc chon̈b'al, ax wul sto'nc 'ec' eb' jun tzo'n̈ chi 'a eb'. A yic 'oj yi'noc 'ec' eb' chuc chon̈b'al jun tzo'n̈ chi 'a eb', man̈x 'a yel'ch 'oj yutc eb' jun tzo'n̈ cha.

Ez 30:12

Ax wa'n tup a niwn a tzcuch Nilo, 'oj wac' jun nacion̈ chi 'a yol sc'ab' eb' 'anma maysch'olnil; a eb' chuc chon̈b'al chi 'oj satnoc 'ejm smasnil tas 'ay 'a 'a.

Ez 31:17

An̈jtona', a eb' cob' cajn 'ec' 'a yaln̈ yen̈l jun te cha, eb' cob' xcolwj yet'oc, 'ix c'och pax eb' 'aj 'ay eb' chamnc cha, junxn̈ej 'ix 'aj eb' yet' eb' chamnc yuj owal.

Dn 4:11

'Ix q'uib' jun te cha, caw niwquil x'aj spenec. Ax sjolm te', caw xq'ue'ch 'a satcha'an̈, tztac' yilx cot te 'a 'aj tzlajw c'och smasnil lum lum tic.