Ez 30:5 - Chuj San Sebastian Bible

⁵ A 'a jun owl cha, 'oj cham eb' soldado tojb'il cotnc 'a Etiopía, Libia, Lidia, smasnil eb' chon̈b' yic Arabia, Cub, yet' jun chon̈b' 'ay strato yet'oc.

Chuj San Mateo Bible

⁵ A eb' aj Etiopía, eb' aj Fut, eb' aj Lud, eb' aj Arabia yed' eb' aj Libia, junn̈ej ol aj smiljicham eb' yed' eb' aj Egipto d'a jun oval chi'. Ol champax eb' ay d'a juntzan̈xo chon̈ab' ay strato yed' Egipto chi'.

Ez 30:5 Referans Kwoze

Jeremías 25:20

yet' junjn macn̈ eb' 'anma 'ayc' ta'. 'Ix wa'n pax yuc' smasnil eb' rey 'ay 'a chon̈b' Uz, yet' eb' 'ay 'a yol smacb'en eb' filisteo: atn Ascalón, Gaza, Ecrón yet' eb' 'ayt can pax 'a Asdod.

Ez 27:10

Ax eb' 'aj Persia, eb' 'aj Lidia yet' eb' 'aj Libia, a eb' 'aych 'a soldadooc, a eb' tzach coln 'a owal. Tzolmtac yajch locn sq'uen xumpiln eb', yet' syamc'ab' eb' tzmacn sat jul-lab' yic owl 'a smuroal a chon̈ab'. Atn jun tzo'n̈ chi 'aych yelwnub'loc.

Jeremías 25:24

Yet' smasnil eb' rey 'ay 'a chon̈b' Arabía atn junjn macn̈ eb' 'anma 'ay 'a cusltac lu'um.

Jeremías 50:37

Milc cham eb' soldado to tz'ib'x yuj xiwlal. Milc cham no chej to'jnac caruaje. Milc cham eb' soldado manb'il coti, atn eb' 'ayc' 'a scal eb', lajn xoj cab' tz'ajcn eb' 'icha eb' 'ix 'ix. 'Ijc 'at sricoal eb', 'elc'x cab' 'ati.

Jeremías 46:9

Ex 'aj Egipto, 'a'c 'ip e 'at yet' e chej, 'ijec 'at jun tzo'n̈ e caruaje. 'At cab' jun tzo'n̈ eb' soldado 'aj Etiopía eyet'oc, yet' eb' 'aj Libia, yi' cab' eb' syamc'ab' tzmacn sat jul-lab'. 'At cab' pax eb' soldado 'aj Lidia, yujto caw jeln eb' sjulwji.

Jeremías 44:27

Yujto wan wiln ticnec, to 'oj wa' cot yailal 'a eyib'an̈, man̈oc wach'l 'oj wa' coti. E masnil ex 'aj Judá cajn ex 'ec' 'a Egipto tic, 'oj e satl yuj owal, yuj pax wejel.

Is 20:4

Yujto 'oj 'ijxoc 'at eb' 'aj Egipto yet' eb' 'aj Etiopía 'a 'icha presoal yuj win sreyl Asiria. 'Oj 'ijxoc 'at eb' 'ichmtac 'anma', yet' eb' quelmtac, may xan̈b' eb', jitn 'el eb' ax s'at eb', checl syop eb' 'a spatic, sec 'ixta wal tz'aj yel sq'uixwel eb'.

Is 18:1

¡'Oltac wal jun nacion̈ 'a 'aj toxn̈ej tzt'al-li sc'axl jun tzo'n̈ no cotc noc'! Atn jun nacion̈ 'ay 'a sti 'ec' a niwn a yic Etiopía.

Ez 38:5

A 'a scal eb' cha, ata 'aych eb' soldado yic Persia, eb' yic Etiopía yet' eb' yic Libia. A jun c'aj eb' soldado cha, yet'n̈j eb' syamc'ab' tzmacn sat jul-lab', q'uen xumpiln c'oxb'il yuj eb'.

Dn 11:43

'Oj 'ijxoc 'at smasnil sricoal Egipto chi yu'uj, 'icha q'uen oro, q'uen plata, yet' jun tzo'n̈ xo q'uen q'uen caw chan̈ stojol. 'Oj 'ijxoc pax 'ec' chon̈b' Libia yet' chon̈b' Etiopía yu'uj.

2 Cr 12:3

'Ix jaw yet' mil 200 caruaje yic owal, 60 mil soldado 'ay q'ue 'a yib'n̈ chej, yet' nan̈l xo soldado to man̈xtzac stac' sb'isxi, atn eb' xcot yet' 'a Egipto, 'a Libia, 'a Suka, yet' pax 'a Etiopía.

Sofonías 2:12

An̈jtona ex 'aj Etiopía, 'oj e lajw pax yuj yespada Jehová, ax e chami.