Ez 30:24 - Chuj San Sebastian Bible

²⁴ An 'oj wac' yip win sreyl Babilonia, ax wa'n wespada 'a yol sc'ab'. An 'oj in ma' wecchjoc sc'ab' win faraón cha, caw 'oj 'el yaw yab'n syal 'a yojltac win 'ajc'ojl cha.

Chuj San Mateo Bible

²⁴ Ol vac' val yip sc'ab' vin̈ sreyal Babilonia chi'. Ol vac'och q'uen vespada d'a yol sc'ab' vin̈. Palta ol in mac' q'uichaj sc'ab' vin̈ sreyal Egipto chi' schab'il. Ol el yav vin̈ sc'acvi d'a yichan̈ vin̈ yajc'ol chi', icha sc'acvi junoc mach vanxo schami.

Ez 30:24 Referans Kwoze

Sofonías 2:12

An̈jtona ex 'aj Etiopía, 'oj e lajw pax yuj yespada Jehová, ax e chami.

Ez 30:25

'Oj wac' yip sc'ab' win sreyl Babilonia, ax wi'n can 'el yip sc'ab' win faraón. A yic 'oj wa'nc wespada 'a yol sc'ab' win sreyl Babilonia cha, ax ya'n win owl 'a Egipto cha, 'ixta to b'i'an, ax in yojcan 'eli, to an Jehová in, to cojn in ton Dios in.

Is 45:5

Cojn in ton Jehová in, may junc xo. May junc xo Dios, Cojxn In Toni. An 'oj wac' ep, wach'xam man̈ in ojcoc.

Is 45:1

A Jehová a 'ix si'n 'och Ciro reyal, caw a 'ix quetzn b'ey yet' swach' c'ab', sec tz'ejm jun tzo'n̈ nacion̈ yu'uj, yuj pax yi'n 'ec' yopiso eb' rey. A Jehová, a 'oj 'a'nc jacwc spuertail jun tzo'n̈ chon̈b' 'a Ciro, may junc mach 'oj stac' smacni. Yuj cha, tzyaln Dios 'a 'ixtic:

Nehemías 6:9

A eb' cha, tzyal eb' 'ixta', yuj on̈ xib'tn chan̈ eb', snan am eb' to 'oj cac' chab'c'ojlal, sec man̈xtzac lajw sb'o jun munljel tic; palta to xwach' 'och in te'nal.

Ez 30:10

An Jehová in, an tzwala: To 'oj wac' Egipto 'a yol sc'ab' win Nabucodonosor sreyl Babilonia, sec a win 'oj satnc 'ejm smasnil sricoal jun chon̈b' cha.

Ez 26:15

An Jehová Yajl in, an tzwal 'ixtc 'a yib'n̈ Tiro: A eb' 'anma cajn 'a sti a mar, caw 'oj xiw eb' yab'n yel yaw slajw 'el eb' 'anma 'a chon̈b' Tiro, til wal eb' 'oj chamoc, 'ay pax eb' ton̈j 'oj lajwc cani.

Jeremías 51:52

Palta an Jehová in, an tzwala: 'Oj jawc wal jun c'ual yic 'oj wa'nc 'och yailal 'a yib'n̈ sdiosal eb' 'aj Babilonia, yet' 'a smasnil yol smacb'en, a eb' 'anma 'oj lajwc cha, caw 'oj 'el yaw eb'.

Is 10:15

'Iltec nab'an, ¿tom a junc ch'acb' 'ec'b'al yel'ch 'a yib'n̈ mach tzc'anlb'ani? ¿Tom a junc serrucho 'ec'b'al yel'ch 'a yib'n̈ mach tzmunlj yet'oc? A junc c'ococh, nab'a ten̈ej, ¿tom a te tz'a'n 'ib'xc junc 'anma tzc'anlb'an cha?

Salmos 144:1

¡Alx cab' wach' paxti 'a Jehová, yujto a 'aj tzin col in b'a! A tzin cuyni, tzya'n in jelnal sec tztechj wa'n owal.

Salmos 18:39

Ach xac' wip yic xwa'n owal. A eb' 'ajc'ojl yajch 'ayin, 'ix ac' yic' 'ejm sb'a eb' 'a wojltac.

Salmos 18:32

Ach tzac' wip, tza b'on in b'eyb'al.

Salmos 17:13

Mamin Jehová cotan̈, mac sjaw eb' 'ajc'ojl yajch 'ayin, 'ac' telwc 'ejm eb'. Coln 'el yet' a poder 'a yol sc'ab' eb' maysch'olnil snab'en.

Job 24:12

A eb' tzlajwi, til wal yel yaw eb', wan laj scham eb' 'a scal eb' 'anma', palta matz yab' Dios slesl eb'.

Ez 29:19

Yuj cha, an Jehová in, an tzwal 'ixtic: An 'oj wac' lum Egipto 'a yol sc'ab' win Nabucodonosor cha, a win 'oj 'i'noc 'ec' smasnil tas 'ay ta', ax stojn win eb' soldado yet' jun tzo'n̈ cha.

Ez 30:11

'Oj 'at jun rey chi yet' eb' soldado yel xo may sniwnc'ojlal, ax satn can 'el eb' jun nacion̈ cha, 'oj q'uecn b'uln eb' 'anma scham 'a Egipto chi yuj eb'.

Ez 30:21

Ach 'anma', 'icha to xin mac' wecchjoc jun sc'ab' win sreyl Egipto, a jun sc'ab' cha, man̈x 'oj stac' yoch snipul, man̈x 'oj stac' yan̈txi, yic tztac' syamn pax win yespada.